Timhaka 3:25 - Xitsonga (Bibele)

²⁵ Hi n'wina vana va vaprofeta ni va ntwanano lowu Xikwembu xi nga wu endla ni vatata wa hina, loko xi ku eka Abrahama: Tinxaka hinkwato ta misava ti ta katekisiwa hi vatukulu va wena.

BIBELE Mahungu Lamanene

²⁵ Hi n'wina valandzeri va vaprofeta, hi n'wina va ntwanano lowu Xikwembu xi nga wu endla ni vatata wa n'wina, loko xi te eka Abrahama: ‘Hi vatukulu va wena, ndzi ta katekisa tinxaka hinkwato ta misava.’

Testamente Leyimpsha Xichangana

²⁵ Hi n'wina valandzeli va vaprofeta, hi n'wina vantwananu lowu Xikwembu xingawuyendla ni vatatana va n'wina, loko xite ka Abrahamu: ‘Hi vatukulu va wena, nitakatekisa tinxaka hinkwatu ta misava.’

Timhaka 3:25 Referans Kwoze

Genesa 22:18

Kutani matiko hinkwawo ya misava ma ta tikhensa hi rixaka ra wena, hikuva u yingisile rito ra mina.’ ”

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Vagalatiya 3:8

Kutani Tsalwa, hi ku vona eku sunguleni leswaku Xikwembu xi ta hlaya ku lulama eka vamatiko hi ku pfumela, ri byerile Abrahama khale mahungu lamanene, ri te: “Matiko hinkwawo ma ta katekisiwa ha wena,”

1 TIKRONIKA 16:17

U swi vekile kukotisa nawu eka Yakobo, Kukotisa ntwanano lowu nga heriki eka Israele,

Genesa 12:3

Ndzi ta katekisa lava nga ta ku katekisa, ndzi rhuketela lava nga ta ku rhuketela, kambe ha wena ku ta katekisiwa tinxaka hinkwato ta misava.”

Nhlavutelo 7:9

Endzhaku ka sweswo, ndzi languta, kutani ndzi vona vunyingi lebyikulu bya vanhu lava ku nga riki na munhu la kotaka ku va hlaya, va matiko hinkwawo, ni va tinxaka hinkwato, ni va swivongo hinkwaswo, ni va tindzimi hihinkwato, va yimile emahlweni ka xiluvelo, ni le mahlweni ka Xinyimpfana, va ambele tinguvu leto basa, va khomile micindzu emavokweni ya vona.

Vagalatiya 3:16

Kasi ku tshembisa ku endleriwe Abrahama ni rixaka ra yena; a nga vulanga, a ku: “Ni tinxaka ta yena,” kukotisa leswo ngi u vula leto tala; kambe a ku, “hi ku hlaya rin'we ntsena.” Ni rixaka ra wena, a nga Kriste.

Varhoma 4:13

Hambi ku ri ku hlayeriwa leswaku a ta va mudyandzhaka wa misava, a ku nyikiwanga Abrahama ni vatukulu va yena hi nawu kambe ku nyikiwile hi ku lulama ka ku pfumela.

Vagalatiya 3:29

Kutani loko mi ri va Kriste, hilaha mi nga rixaka ra Abrahama, mi ri vadyandzhaka, hilaha ku tshembisiweke hakona.

Pisalema 22:27

Matlhelo hinkwawo ya misava ma ta tsundzuka Yehovha, ma hundzulukela ka yena. Ni tinxaka hinkwato ta matiko ti ta khinsama emahlweni ka yena.

Nehemiya 9:8

u n'wi kumile a ri ni mbilu leyi tshembekaka emahlweni ka wena, u endla ntwanano na yena ku n'wi nyika tiko ra Kanana, ni ra Vahiti ni ra Vaamori, ni ra Vaperesi ni ra Vayebusi, ni ra Vagirigaxi, leswaku u ri nyika vatukulu va yena; kunene u hetile rito ra wena, hikuva u lulamile.

Genesa 28:14

Vatukulu va wena va ta kotisa ntshuri wa misava, u ta nava evupeladyambu, ni le vuxeni, ni le n'walungwini, ni le dzongeni; mindyangu hinkwayo ya misava yi ta katekisiwa ha wena ni vatukulu va wena.

Genesa 26:4

Ndzi ta andzisa vatukulu va wena, va ta kota tinyeleti ta tilo; ndzi ta nyika vatukulu va wena matiko lawa hinkwawo; matiko hinkwawo ya misava ma ta titsakela erixakeni ra wena,

Genesa 20:7

Kutani sweswi, tlherisa nsati wa nuna loyi, hikuva i muprofeta, u ta ku khongelela, u va u hanya. Kambe loko u nga n'wi tlherisi, tiva leswaku u ta fa kunene, wena ni hinkwaswo leswi nga swa wena.”

Genesa 17:19

Kutani Xikwembu xi ku: “E-e, kambe Sara, nsati wa wena, u ta ku velekela n'wana wa wanuna, u ta n'wi thya vito ra Isaka; ndzi ta tiyisa ntwanano wa mina na yena, wu va ntwanano lowu nga ka wu nga heleli vatukulu va yena.

Nhlavutelo 14:6

Kutani ndzi vona ntsumi yin'wana leyi hahaka exikarhi ka tilo, yi tamele Evhangeli leyi nga riki na ku hela, ku yi dyondzisa lava akeke emisaveni, va ri va matiko hinkwawo, ni tinxaka hinkwato, ni swivongo hinkwaswo,

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;

Varhoma 15:8

Hikuva ndzi ri: Kriste a a ri nandza wa lavo yimba, ku tiyisa ntiyiso wa Xikwembu, ni ku tiyisa ku tshembisa loku nga tshembiseriwa vatatana,

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Luka 1:72

leswaku a hi tsetselela swin'we ni vatata wa hina, ni ku anakanya ntwanano wa yena lowo kwetsima,

Pisalema 96:7

N'wina, tinxaka ta matiko, nyikani ka Yehovha, Nyikani ka Yehovha ku kwetsima ni matimba!

Genesa 18:18

Hikuva kunene Abrahama u ta va tiko lerikulu, lera matimba; ha yena ku ta katekisiwa matiko hinkwawo ya misava.

1 TIKRONIKA 16:16

Ni ntwanano lowu a wu endleke na Abrahama, Ni lowu a wu hlambanyeleke Isaka;