Timhaka 3:10 - Xitsonga (Bibele)

¹⁰ Kambe a va n'wi tiva leswaku hi yena la tshameleke ku hananiwa eNyangweni leyo Saseka ya tempele; kutani va tala hi ku hloleriwa ni ku hlamala ni leswi a swi endleriweke.

BIBELE Mahungu Lamanene

¹⁰ Loko va vona leswaku hi yena loyi a a tshamela ku kombela swihanano eTempeleni, enyangweni leyi vuriwaka “Leyo Saseka”, va khomiwa hi ku chava, va hlamarisiwa swinene hi leswi humeleleke eka yena.

Testamente Leyimpsha Xichangana

¹⁰ Loko vavona lesvaku hi yena lweyi aatshamela kukombela zimole Tempeleni, nyangweni leyivuliwaka “Leyosaseka”, vakhomiwa hi kuchava, vahlamalisiwa svinene hi lesvi svimuhumeleleke.

Timhaka 3:10 Referans Kwoze

Timhaka 3:2

Kutani a ku rhwariwe munhu la nga tswariwa a ri xigono, a va n'wi veka hi masiku hinkwawo enyangweni ya tempele leyi va nge leyo Saseka, leswaku a ta kombela swo hananiwa eka lava nghenaka etempeleni.

Yohane 9:3

Yesu a hlamula, a ku: “A ku dyohanga yena, hambi va ri vatswari va yena, kambe hileswaku mitirho ya Xikwembu yi kombisiwa ha yena.

Yohane 5:20

Hikuva Tatana u rhandza N'wana, u n'wi kombisa hinkwaswo leswi a swi endlaka, kutani u ta n'wi kombisa ni mitirho leyikulu ku tlula leyi, leswaku mi ta hlamala.

Luka 9:43

Kutani hinkwavo va hlamala vuhosi lebyikulu bya Xikwembu.

Timhaka 2:12

A va tshukile hinkwavo, va nga tivi leswi va nga ta anakanya swona va vutisana, va ku: “Mhaka leyi, yi yisa kwihi xana?”

Timhaka 2:7

Kutani va hloleriwa hinkwavo, va hlamala va vutisana, va ku: “Vonani! Vanhu lava hinkwavo lava vulavulaka, a hi Vagaleliya xana?

Luka 4:36

Kutani va hlamala hinkwavo, va vutisana, va ku: “Rito leri, hi lero yini, loko a tshinya mimoya leyo biha hi vuhosi ni matimba, kutani yi huma?”

Matewu 14:35

Vanhu va kona loko va tiva leswaku hi yena, va rhumela ematlhelweni hinkwawo ya kona leswaku va n'wi tisela hinkwavo lava vabyaka.

Yohane 9:8

Lava akeke na yena ni lava nga n'wi vona a ha file mahlo, va ku: “Xana a hi yena loyi a a tshamaka a kombela-ke?”