Timhaka 28:9 - Xitsonga (Bibele)

⁹ Loko ku humelela teto, hinkwavo lava nga exihlaleni lava vabyaka, va ta na vona, kutani va hanyisiwa.

BIBELE Mahungu Lamanene

⁹ Loko mhaka leyi yi humelerile, vavabyi van'wana va la xihlaleni, va ta, va hanyisiwa hinkwavo na vona.

Testamente Leyimpsha Xichangana

⁹ Loko mhaka leyi yihumelelile, timbabzi tin'wana ta xihlale, tita, tihanyisiwa hinkwatu na vona.

Timhaka 28:9 Referans Kwoze

Timhaka 5:15

va ko va tisa lava vabyaka emitsendzeleni, va vekiwa etinhlakeni nemasangwini, leswaku loko Petro a hundza van'wana va vona va ta funengetiwa hi ndzhuti wa yena.

Timhaka 5:12

Kambe swikombiso ni masingita leswo tala a swi endliwa exikarhi ka vanhu hi mavoko ya vaapostola. Kutani hinkwavo a va hlengeletana erikupakupeni ra Solomoni, va ri mbilu yin'we.

Matewu 4:24

Kutani ku twakala ka yena ku hangalaka eSiriya hinkwako. Va tisa eka yena hinkwavo lava nga tsakangiki, ni lava xanisekaka hi vuvabyi bya tinxakaxaka ni nhlomulo, ni lava ngi va ri ni rihuhu ra mademona, ni lava ngi va ri ni rihuhu ra n'weti, ni lava omeke swirho; yena a va hanyisa.

Timhaka 13:6

Kuteloko va tsemakanyile xihlale ku ya fika ePafo, va kuma mungoma un'wana, muprofeta wa ku hemba, wa Muyuda, vito ra yena a a ri Bariyesu,

Timhaka 28:8

Kutani va kuma tata wa Publio a etlele a vabya hi nhloko ni le ndzeni. Pawulo a nghena eka yena, kuteloko a khongele, a n'wi tlhandleka mavoko ehenhla, a n'wi hanyisa.

Timhaka 28:10

Kutani va hi fundzha hi xichavo lexikulu; kambe siku hi sukaka, va hi longela leswi hi swi pfumaleke.