Timhaka 28:26 - Xitsonga (Bibele)

²⁶ ‘Famba eka tiko leri, u ku eka rona: Loko ku ri ku yingisa, mi ta yingisa, kambe mi nga ka mi nga twisisi; loko ku ri ku vona, mi ta vona, kambe mi nga ka mi nga vonisisi;

BIBELE Mahungu Lamanene

²⁶ “ ‘Famba u ya byela vanhu lava u ku: Ku twa mi ta twa, kambe a mi nga twisisi, ku vona mi ta vona, kambe a mi nga vonisisi!

Testamente Leyimpsha Xichangana

²⁶ Famba uyabzela vanhu lava uku: Kutwa mitatwa, kambe amingatwisisi, kuvona mitavona, kambe amingavonisisi!

Timhaka 28:26 Referans Kwoze

Ezekiele 12:2

“N'wana wa munhu u tshamile exikarhi ka yindlu ya vatiarisi lava nga ni mahlo ku vona, kasi a va voni, va ni tindleve ku yingisa kasi a va yingisi, hikuva i va yindlu yo tiarisa.

Marka 4:12

swi ri leswaku hambi ku ri ku vona, va vona, kambe va nga vonisisi; hambi ku ri ku yingisa, va yingisa, kambe va nga twisisi; leswaku va nga tshuki va hundzuka, kutani va rivaleriwa swidyoho.”

Luka 24:45

Kavaloko a pfula ku twisisa ka vona, leswaku va twisisa Matsalwa.

Luka 24:25

Kutani a ku eka vona: “Yo! Vanhu lava nga twisisiki, va timbilu leti hlwelaka ku pfumela hinkwaswo leswi vuriweke hi vaprofeta!

Luka 8:10

Yena a ku: “N'wina mi nyikiwile ku tiva swihundla swa ku fuma ka Xikwembu, kambe van'wana va swi twa hi swifaniso, leswaku hambi va vona, va nga vonisisi, hambi va twa, va nga twisisi.

Yeremiya 5:21

‘Yingisani, n'wina tiko leri hungukeke, leri nga riki na ku anakanya, leri nga ni mahlo, kambe a ri voni, leri nga ni tindleve, kambe a ri twi.’

Esaya 66:4

Na mina ndzi ta tsakela khombo ra vona, kutani ndzi ta vitanela ehenhla ka vona lexi va xi chavaka; hikuva ndzi vitanile, kambe a ku na loyi a nga hlamula, ndzi vulavurile kambe a va yingisanga; va endlile leswi biheke emahlweni ya mina, va titsakele ka leswi ndzi nga swi rhandziki.”

Esaya 29:14

Hikwalaho, ndzi ta endla ehenhla ka tiko leri, mitirho leyi hlamarisaka ni masingita; ku tiva ka tintlhari ta vona ku ta hela, ni ku twisisa ka va mano va vona ku ta lova.”

Esaya 29:10

Hikuva Yehovha u mi nyike moya wa vurhongo, u pfarile mahlo ya n'wina, hileswaku vaprofeta; u funengete tinhloko ta n'wina hi ritsandze, hileswaku vavoni.

Duteronoma 29:4

Kambe ku fika siku ra namuntlha Yehovha a nga mi nyikangi mbilu ya ku twisisa, ni mahlo ya ku vona, ni tindleve ta ku yingisa.

Timhaka 28:25

Kutani, hikuva a va nga twanani, va hambana loko Pawulo a va byerile mhaka leyi, yi ri yin'we, a te: “Moya lowo Kwetsima wu vurisile hi nomu wa muprofeta Esaya eka vatata wa hina, wu ku: