Timhaka 28:2 - Xitsonga (Bibele)

² Kambe Vabarbara va kona va hi endla hi tintswalo letikulu, hikuva va hi amukela hinkwerhu, va kondza va hi tshivelela ndzilo lowukulu, hikuva mpfula a yi na, ni xirhami a xi ri kona.

BIBELE Mahungu Lamanene

² Vaaki va xona va hi komba tintswalo leto hlamarisa; va hi amukela hinkwerhu, va ri karhi va hi tshivelela ndzilo lowukulu, hikuva mpfula a yi na, naswona a ku ri ni xirhami.

Testamente Leyimpsha Xichangana

² Vayaki va xona vahikomba timpsalu letohlamalisa; vahiyamukela hinkwerhu, vahitshivelela ndzilo lowukulu, hikuva mpfula ayina, nasvona akuli ni xirhami.

Timhaka 28:2 Referans Kwoze

Vaheveru 13:2

Mi nga rivali ku amukela vaendzi, hikuva hakona van'wana va amukerile tintsumi va nga swi tivi.

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

Varhoma 1:14

Ndzi ni nandzu eka Vagriki ni ka Vabarbara, eka lavo tlhariha ni ka lavo rivala.

2 Vakorinto 11:27

ndzi ri ku vavisekeni ni le mikarhalweni, ndzi pfumale ni vurhongo hi masiku, ndzi twe ndlala ni torha, ndzi tsoniwe swakudya kanyingi, ndzi twe xirhami, ndzi hlakalelwe hi tinguvu.

Timhaka 28:4

Kutani Vabarbara, loko va vona xivandzana xexo xi lengalenga evokweni ra yena, va byelana, va ku: “Munhu loyi, i mudlayi kunene, hikuva hambi a ponile ematini, ku rihisa ka tilo ku ala leswaku a hanya.”

1 Vakorinto 14:11

Kungakuloko ndzi nga tivi leswaku marito lawa ma ri yini, ndzi ta va mubarbari eka la vulavulaka; ni la vulavulaka a nga va mubarbari eka mina.

Matewu 10:42

Kutani un'wana ni un'wana la nyikeke ndzheko, hambi wu ri wun'we, wa mati yo titimela eka un'wana wa lavatsongo, hi leswi a nga mudyondzisiwa wa mina, kunene ndzi ri eka n'wina: A nga ka a nga pfumali hakelo ya yena.”

Timhaka 27:3

Ni siku leri tlhandlamaka, hi fika eSidoni; kutani Yuliyo a endlela Pawulo swinene, a n'wi pfumelela ku ya vona vanakulobye, ni ku hlayisiwa hi vona.

Levhitika 19:34

Muluveri, la luvelaka exikarhi ka n'wina u ta va eka n'wina kukotisa un'wana wa n'wina; u ta n'wi rhandza kukotisa loko u tirhandza; hikuva a mi ri valuveri etikweni ra Egipta; hi mina Yehovha, Xikwembu xa n'wina.

Varhoma 2:27

Kutani loyi a nga khuna hi ku velekiwa ka yena, loko a hlayisa nawu, u ta ku avanyisa, wena la tlulaka nawu, hambi u ri ni tsalwa ra nawu ni ku yimba.

Yohane 18:18

Makhumbi ni malandza, lava ngi va ri kona, a va tshiverile ndzilo, va ri karhi va tinyawusa, hikuva a ku ri ni xirhami, na yena Petro a a yimile na vona, a nyawuka.

Ezra 10:9

Kutani vanhu hinkwavo va Yuda, ni va Yerusalema, ni va Benjamini, va hlengeletana eYerusalema hi masiku manharhu; yi nga n'hweti ya ntlhanu na mune, hi siku ra makume mambirhi ra n'hweti. Tiko hinkwaro ri ta tshamisa erivaleni, emahlweni ka yindlu ya Xikwembu, va ri karhi va rhurhumela hikwalaho ka mhaka leyi nga kona, ni hikwalaho ka timpfula.

Levhitika 19:18

“ ‘U nga tshuki u tirihisela, u nga tshami u va ni rivengo ni vana va tiko ra wena; u ta rhandza warikwenu kukotisa loko u tirhandza: hi mina Yehovha.

Timhaka 28:3

Kuteloko Pawulo a rhotela mahlahla ya mavhinya, a ma hoxa endzilweni, nyoka yi huma kona hi ku kufumela, yi namarhela voko ra yena.

Varhoma 14:1

Loko a ri la tsaneke eku pfumeleni, mi n'wi amukela, mi nga tengisani na yena etimhakeni.

Varhoma 14:3

La dyaka hinkwaswo a nga tshuki a sola la nga dyiki hinkwaswo, kutani la nga dyiki hinkwaswo, na yena, a nga tshuki a avanyisa la dyaka hinkwaswo, hikuva Xikwembu xi n'wi amukele.