Timhaka 28:15 - Xitsonga (Bibele)

¹⁵ Na kona, loko vamakwerhu va twa timhaka ta hina, va ta ta hlangana na hina entsendzeleni wa Apiyo ni Tihotela Tinharhu; kuteloko Pawulo a va vona, a khensa Xikwembu, a tiyisa mbilu.

BIBELE Mahungu Lamanene

¹⁵ Loko vamakwerhu va le Rhoma va twa leswaku ha fika, va ta ku ta hi hlanganisa entsendzeleni wa Apiyo, laha ku vuriwaka “Tihodela-Tinharhu”; kuteloko Pawulo a va vona, a nkhensa Xikwembu, a tiyisa mbilu.

Testamente Leyimpsha Xichangana

¹⁵ Loko vamakwerhu va le Roma vatwa lesvaku hafika, vatatahitlhangaveta ntsendzeleni wa Apiyo, laha kuvuliwaka “svitolo svinharhu”; kuteloko Pawulo avavona, akhensa Xikwembu, atiyisa mbilu.

Timhaka 28:15 Referans Kwoze

Vaheveru 13:3

Anakanyani lava bohiweke, kukota loko ngi mi bohiwile na vona; ni lava xanisiwaka, kukotisa leswi mi nga ni miri, na n'wina.

Varhoma 15:24

loko ndzi ya eSpaniya, ndza tshemba leswaku ndzi ta mi vona loko ndzi tsemakanya tiko ra n'wina, ni leswaku hi n'wina mi nga ta ndzi heleketa kona, loko kutani ndzi korwile ha n'wina.

Vagalatiya 4:14

kutani a mi ndzi solanga, a mi ndzi alelanga hikwalaho ka miringo ya mina leyi nga enyameni ya mina; kambe mi ndzi amukerile kukotisa ntsumi ya Xikwembu, ni kukotisa Yesu Kriste.

Timhaka 21:5

Kambe loko hi hetile masiku walawo, hi suka, hi heleketiwa hi hinkwavo ku ya fika ehandle ka muti, va ri ni vavasati ni vana; kutani hi khinsama eribuwini, hi khongela.

Timhaka 10:25

Kakuloko Petro a nghena, Korneliyo a hlangana na yena, a tiwisela emilengeni ya yena, a n'wi khinsamela.

Yohane 12:13

va teka marhavi ya mirhi ya micindzu, kutani va huma va ya hlangana na yena, va huwelela, va ku: “Hosanna! A ku khensiwe Hosi ya Israele la taka hi vito ra Hosi!”

Pisalema 27:14

Langutela Yehovha, u tshama u tiya; Mbilu ya wena a yi tiye! U titshembela Yehovha!

1 SAMIELE 30:6

Davhida a a ri enhlomulweni lowukulu, hikuva vunyingi a byi ehleketa ku n'wi khandla hi maribye, hikuva mimoya ya vona hinkwavo a yi tele mbitsi, un'wana ni un'wana hikwalaho ka vana va yena. Kambe Davhida a lava matimba eka Yehovha, Xikwembu xa yena.

Yoxuwa 1:9

Xana a ndzi ku lerisanga ndzi ku: ‘Tiya mbilu, u tiya: u nga chavi, u nga tsemeki nhlana; hikuva Yehovha, Xikwembu xa wena, xi na wena hinkwako laha u nga ta ya kona.’ ”

Eksoda 4:14

Kutani Yehovha a karihela Muxe, a ku: “A u na makwenu Aroni, wa Mulevhi xana? Ndzi tiva leswaku yena u vulavula swinene; ni sweswi hi loyi a taka ku hlangana na wena, kutani loko a ku vona u ta tsaka embilwini ya yena.

1 Vatesalonika 3:7

Kunene vamakwerhu, hi chaveleriwile hi n'wina hi ku pfumela ka n'wina emaxangwini hinkwawo ya hina, ni le makhombyeni ya hina.

2 Vakorinto 2:14

A ku dzunisiwe Xikwembu lexi hi nyikaka ku hlula ha Kriste hi mikarhi hinkwayo, lexi nga eka hina ku nun'hwela ka ku tiva ka xona hinkwako.

Timhaka 1:15

Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku:

Timhaka 10:23

Kutani Petro a va vitanela endlwini, a va rhurhela kona. Ni mixo, Petro a suka na vona; kambe vamakwavo van'wana va Yopa va famba na yena.

Timhaka 11:1

Kambe vaapostola ni vamakwavo lava akeke eYudiya va twa leswaku vamatiko na vona, va amukele rito ra Xikwembu.

Timhaka 11:12

Kutani Moya wu ndzi byela leswaku ndzi famba na vona, ndzi nga tshuki ndzi kanakana; kambe vamakwerhu lava va ntlhanu na un'we va famba na mina; kutani hi nghena eka munhu yeloyi.

Timhaka 12:17

Kambe yena a va kwehleta hi voko leswaku va miyela; kutani a va byela hilaha Hosi yi n'wi humeseke ekhotsweni hakona; kambe a ku: “Tivisani Yakobo ni vamakwerhu timhaka teto.” Kutani a huma, a tifambela kun'wana.

Timhaka 28:14

Kona hi kuma vamakwerhu lava nga hi khongela leswaku hi xwa ntlhanu wa masiku ni masiku mambirhi na vona; kavaloko hi ya eRhoma.