Timhaka 26:6 - Xitsonga (Bibele)

⁶ Kutani sweswi, ndzi avanyisiwa hikwalaho ka ku tshemba ku hlayela loku tshembisiweke vatatana hi Xikwembu,

BIBELE Mahungu Lamanene

⁶ Kutani sweswi ndzi le ku avanyisiweni hikuva ndzi langutela xitshembiso lexi vatatana va nyikiweke xona hi Xikwembu;

Testamente Leyimpsha Xichangana

⁶ Kutani svosvi ni le kuthethisiweni hikuva nilangutela xitshembiso lexi vatatana vanyikiweke xona hi Xikwembu;

Timhaka 26:6 Referans Kwoze

Timhaka 24:15

Ndzi ni ku tshemba eka Xikwembu, loku na vona va nga na kona, leswaku ku pfuka ka vafi ku ta va kona eka lavo lulama ni ka lava nga lulamangiki.

Tito 2:13

hi ri karhi hi langutela ku tshemba loku nga ni ku kateka, ni ku humelela ka ku vonakala ka Xikwembu lexikulu, ni Mukutsuri wa hina, Yesu Kriste,

Timhaka 28:20

Hikwalaho ndzi mi viteke ku ta mi vona ni ku vulavula na n'wina, hikuva ndzi bohiwile hi mpecana leyi, hikwalaho ka ku tshemba ka Israele.”

Varhoma 15:8

Hikuva ndzi ri: Kriste a a ri nandza wa lavo yimba, ku tiyisa ntiyiso wa Xikwembu, ni ku tiyisa ku tshembisa loku nga tshembiseriwa vatatana,

Timhaka 23:6

Kambe Pawulo, hikuva a a swi tiva leswaku van'wana exikarhi ka vona a va ri Vasaduki, kambe van'wana a va ri Vafarisi, a tlakusa rito exikarhi ka Sinedri, a ku: “Vavanuna varikwerhu, ndzi mufarisi, n'wana wa Vafarisi, ndzi avanyisiwa hikwalaho ka ku tshemba ni ka ku pfuka ka vafi.”

Zakariya 13:7

“Wena, fumu, pfukela murisi wa mina, a nga wanuna la nga nakulobye,” ku vula Yehovha wa tinyimpi. “Bana murisi, tinyimpfu ti ta hangalaka! Kutani ndzi ta vuyisa voko ra mina ehenhla ka lavatsongo.

Mikiya 5:2

Loko u ri wena Betlehema-Efrata, u lontsongo ku hlayiwa exikarhi ka tinxaka ta Yuda, eka wena ku ta huma loyi a nga ta va hosi ya Israele, a nga loyi a nga kona ka ha ri eku sunguleni, emikarhini leyi nga riki na ku sungula.

Duteronoma 18:15

“Yehovha, Xikwembu xa wena, u ta ku pfuxela muprofeta kukotisa mina exikarhi ka wena, exikarhi ka vamakwenu; mi ta n'wi yingisa.

Genesa 26:4

Ndzi ta andzisa vatukulu va wena, va ta kota tinyeleti ta tilo; ndzi ta nyika vatukulu va wena matiko lawa hinkwawo; matiko hinkwawo ya misava ma ta titsakela erixakeni ra wena,

Genesa 22:18

Kutani matiko hinkwawo ya misava ma ta tikhensa hi rixaka ra wena, hikuva u yingisile rito ra mina.’ ”

Genesa 12:3

Ndzi ta katekisa lava nga ta ku katekisa, ndzi rhuketela lava nga ta ku rhuketela, kambe ha wena ku ta katekisiwa tinxaka hinkwato ta misava.”

Vagalatiya 4:4

Kambe loko mikarhi yi herile, Xikwembu xi rhumile N'wana wa xona, la tswariweke hi wansati, a velekiwa a ri hansi ka nawu,

Timhaka 26:8

Hikwalaho ka yini eka n'wina wo nge a swi endleki leswaku Xikwembu xi nga pfuxa vafi xana?

Timhaka 24:21

loko swi nga ri leswaku va nga vula rito leri, ri ri rin'we, lero ndzi nga ri vula hi matimba, ndzi yimile exikarhi ka vona, ndzi ku: ‘Namuntlha, ndzi avanyisiwa hi n'wina hikwalaho ka ku pfuka ka vafi.’ ”

Timhaka 3:24

Na swona, vaprofeta hinkwavo lava nga vulavula, ku sungula eka Samiele ni lava n'wi tlhandlamaka, hinkwavo va bvumbhile masiku lawa.

Malakiya 4:2

“Kambe loko mi ri n'wina lava chavaka vito ra mina dyambu ra ku lalama ri ta huma ri ri ni ku hanyisa etimpapeni ta rona; mi ta huma, mi tlula ku fana ni marhole ya le tshangeni.

Malakiya 3:1

Vonani, ndzi ta rhuma ntsumi ya mina, yi ta lunghisa ndlela emahlweni ka mina; kutani xikan'we, Hosi leyi mi yi lavaka yi ta nghena etempeleni ya yona, yi nga ntsumi ya ntwanano lowu mi wu navelaka. Vonani, wa ta, ku vula Yehovha wa mavandla.

Zakariya 13:1

“Xihlovo xi ta va kona, hi siku rolero, lexi nga ta funungulelwa yindlu ya Davhida ni vaaki va Yerusalema, ku hlantswa xivi ni thyaka.

Zakariya 9:9

Tsaka ngopfu, mbhuri ya Siyoni; u ba mikulungwana, n'wana wa Yerusalema! Vona, hosi ya wena hi leyi; yi ta eka wena, hi la lulameke la nga ni ku hlayiseka, i xisiwana; la khandziyeke mbhongolo, xi nga ximbhongolwana xa xisati.

Zakariya 6:12

U ku eka yena: ‘Ku vuriwile hi Yehovha wa tinyimpi: “Vonani, wanuna loyi, vito ra yena a nga Xihluke, u ta mila ematshan'weni ya yena, u ta aka yindlu ya Yehovha.

Mikiya 7:20

U ta kombisa Yakobo vunene, na Abrahama tintswalo leti u nga ti hlayela vatatana hi ku hlambanya ka ha ri emikarhini ya khale.

Obadiya 1:21

Vaponisi va ta tlhandlukela entshaveni ya Siyoni ku ya avanyisa Mhaka ya Esawu; kutani ku fuma ku ta va ka Yehovha.

Yuwele 2:32

“Kutani un'wana ni un'wana la khongelaka vito ra Yehovha u ta pona; hikuva entshaveni ya Siyoni, ni le Yerusalema, ku pona ku ta va kona, hilaha Yehovha a vuleke hakona, exikarhi ka lava nga ta sala van'wana hi lava nga ta vitiwa hi Yehovha.

Hosiya 3:5

Kambe endzhaku, vana va Israele va ta tlhela va lava Yehovha, Xikwembu xa vona na Davhida, hosi ya vona; emikarhini ya le ndzhaku va ta ta chavela eka Yehovha ni le tintswalweni ta yena.

Ezekiele 37:24

Kutani nandza wa mina Davhida, u ta va hosi ya vona; hinkwavo va ta va ni murisi un'we va ta famba hi milawu ya mina, va hlayisa ku lerisa ka mina, ni ku ku endla.

Ezekiele 21:27

Vonani lexi bvumbhaka xi le vokweni ra yena lera xinene, xi komba eYerusalema! Ku ta vekiwa tinsimbhi to wisa marhangu ya muti, ku endliwa tihuwa eku dlayeni, ku tlhaviwa mukhosi, ku vekiwa tinsimbhi ku faya timbanti ta tinyangwa, ku akiwa tinhulu, ku akiwa makhokholo.

Esaya 7:14

Hikwalaho-ke, Hosi yi ta mi nyika yi ri yona xikombiso: Vonani wanhwana u ta xurha nyimba, u ta veleka n'wana wa wanuna, kutani u ta n'wi thya vito ra Emanuwele, (Xikwembu xi na hina).

Esaya 4:2

Hi siku rero hluke ra Yehovha ri ta endla xibombiso ni ku kwetsima ka lava poneke Vaisraele, kutani mihandzu ya misava yi ta vangamisa ni ku bombisa vona.

Pisalema 132:17

Kona ndzi ta tiyisa vuhosi bya Davhida, Ndzi lunghisela muhlawuriwa wa mina rivoni,

Pisalema 132:11

Yehovha u endlile nhlambanyo lowunene ka Davhida, A nga ka a nga hundzuki ka yona, u te: “Ndzi ta veka exiluvelweni xa wena n'wana la velekiweke hi wena.

Pisalema 98:2

Yehovha u kombisile ku hlayiseka ka yena, U anekile ku lulama ka yena emahlweni ka matiko,

Genesa 49:10

Ku fuma ku nga ka ku nga suki eka Yuda, Ni loko yi ri nhonga ya vuhosi, exikarhi ka milenge ya yena, Ku kondza ku fika eXilo, Kutani va matiko va ta yingisela yena.

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”