Timhaka 26:29 - Xitsonga (Bibele)

²⁹ Pawulo a ku: “Loko wa nge Xikwembu xi nga endla leswaku ku nga ri wena ntsena, kambe ni hinkwavo lava ndzi yingisaka namuntlha, mi va tanihi mina, a hi kusuhi ntsena, kambe kusuhisuhi ngopfu, ntsena ku nga ri hi ku bohiwa loku!”

BIBELE Mahungu Lamanene

²⁹ Pawulo a ku: “Hambiloko nkarhi wu komile, hambiloko wu lehile, ndzi khongela Xikwembu leswaku ku nga vi wena ntsena kambe na hinkwavo lava va ndzi yingisaka namuntlha, mi va tanihi mina, ehandle ka tinketani leti.”

Testamente Leyimpsha Xichangana

²⁹ Pawulo aku: “Hambi loko nkama wukomile, hambi loko wulehile, nikhongela Xikwembu lesvaku kungavi wena ntsena kambe ni hinkwavu lava vaniyingisaka namuntlha, miva tani hi mina, handle ka machini lawa.”

Timhaka 26:29 Referans Kwoze

Vaefesa 6:20

leyi ndzi nga ntsumi ya yona, hambi ndzi bohiwile hi timpecana, leswaku ndzi vulavula hi matimba timhaka ta yona, hilaha ndzi fanelaka ku ti vula hakona.

Vakolosa 1:28

Hi yena yeloyi hi n'wi vulaka, hi ri karhi hi pfuxa vanhu hinkwavo, hi dyondzisa vanhu hinkwavo eku tlhariheni hinkwako, hi ta humelerisa vanhu hinkwavo va nga lava hetisekeke eka Kriste.

Varhoma 10:1

Vamakwerhu, ku navela ka mbilu ya mina ni mikhongelo leyi ndzi yi endlelaka Vaisraele eka Xikwembu, hileswaku va ponisiwa.

Timhaka 21:33

Kavaloko ndhuna ya nyimpi yi tshinela, yi n'wi khoma, kutani yi lerisa leswaku a bohiwa hi timpecana timbirhi; kutani a vutisa leswaku i mani, ni leswaku xana lexi a xi endleke i yini?

2 Vakorinto 11:1

Ngi mi yingisela kutsongo vuhunguki bya mina; ina-ke, ma ndzi yingisela.

1 Vakorinto 7:7

hikuva ndzi nga rhandza leswaku vanhu hinkwavo va fana na mina; kambe munhu un'wana ni un'wana u ni ku nyikiwa ka yena loku ku n'wi lulameleke, loku ku humaka eka Xikwembu; un'wana hi mukhuva lowo karhi, un'wana hi mukhuva wun'wana.

1 Vakorinto 4:8

Na sweswi mi xurhile, na sweswi mi fuwile, ma fuma ehandle ka hina. Kunene a swi sasekile loko mi fuma, leswaku na hina hi ta fuma na n'wina.

Timhaka 25:14

Kuteloko va xwile kona masiku man'wana, Festo a byela hosi timhaka ta Pawulo a ku: “Munhu u kona la, loyi Felikisi a n'wi siyeke a bohiwile.

Timhaka 12:6

Hi siku Heroda a lavaka ku n'wi humesa emahlweni ka tiko, hi vusiku byebyo, Petro a etlele exikarhi ka masocha mambirhi, a bohiwile hi timpecana timbirhi; kutani valanguteri va nyangwa a va langutela khotso.

Yohane 5:34

Loko ndzi ri mina, a ndzi amukeri vumbhoni eka munhu, kambe ndzi vula timhaka leti, leswaku mi ta hlayiseka.

Yeremiya 13:17

Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

2 TIHOSI 5:3

Kutani a ku eka n'wini wa yena: “Loko hosi yanga ingi a ri emahlweni ka muprofeta la nga eSamariya, a a ta n'wi hanyisa.”

2 SAMIELE 18:33

Kutani hosi yi twa ku vaviseka ngopfu embilwini, yi khandziyela endlwini leyi nga ehenhla ka nyangwa, kutani yi rila; loko yi ri karhi yi famba, yi vula sweswo yi ku: “N'wananga Abixalomu! N'wananga, n'wananga Abixalomu! Ingi ku file mina ematshan'weni ya wena Abixalomu, n'wananga, n'wananga!”

Tinhlayo 11:29

Muxe a ku eka yena: “Xana u ni ritsimbo hikwalaho ka mina, xana? Mawako loko tiko hinkwaro ra Yehovha ri bvumbha ni loko Yehovha a veke moya wa yena ehenhla ka vona!”

Eksoda 16:3

Vana va Israele va ku: “Nge hi dlayiwe hi voko ra Yehovha etikweni ra Egipta, hi ri karhi hi titshamele xikarhi ka timbita ta nyama, hi dya ni vuswa, hi xurha. Hikuva mi hi humesile hi fika la mananga leswaku mi dlaya tiko leri hinkwaro hi ndlala.”

Yeremiya 38:20

Yeremiya a n'wi hlamula, a ku: “U nga ka u nga nyiketiwi, Kambe yingisela rito ra Yehovha leri ndzi ku byelaka rona: Swi ta saseka eka wena, kutani moya wa wena wu ta hanya;