Timhaka 26:28 - Xitsonga (Bibele)

²⁸ Agripa a ku eka Pawulo: “U kusuhi ni ku ndzi khorwisa leswaku ndzi va Mukriste.”

BIBELE Mahungu Lamanene

²⁸ Agripa a ku ka Pawulo: “U ringeta ku ndzi khongotela, hi nkarhinyana wu nga ri wungani, leswaku ndzi hanya Xikriste!”

Testamente Leyimpsha Xichangana

²⁸ Agripa aku ka Pawulo: “Uringeta kunikhongotela, hi nkamanyana wungali wungani, lesvaku nihanya xikriste!”

Timhaka 26:28 Referans Kwoze

Timhaka 11:26

Kuteloko a n'wi kumile, a n'wi yisa eAntiyoka. Va tshamisa kona, va heta lembe rin'we va ri karhi va hlengeletana ni kereke kutani va dyondzisa vunyingi lebyikulu. Hi kona la Antiyoka vadyondzisiwa va nga sungula ku thyiwa Vakriste.

Matewu 10:18

Kambe va ta mi yisa emahlweni ka tindhuna, ni le mahlweni ka tihosi hikwalaho ka mina, mi va timbhoni ta mina eka vona, ni ka vamatiko.

1 Petro 4:16

Kambe loko un'wana a biwa hi leswi a nga Mukriste, a nga tshuki a va ni tingana, kambe a dzunisa Xikwembu hi vito lero.

2 Vakorinto 4:2

kambe hi lahlile swilo leswi fihliweka, leswa tingana; kutani a hi fambi hi mano, a hi pfanganyeti rito ra Xikwembu; kambe hi ku veka erivaleni ntiyiso, hi tiendlela ku yimeriwa etimpfalweni ta vanhu hinkwavo, emahlweni ka Xikwembu.

Timhaka 26:29

Pawulo a ku: “Loko wa nge Xikwembu xi nga endla leswaku ku nga ri wena ntsena, kambe ni hinkwavo lava ndzi yingisaka namuntlha, mi va tanihi mina, a hi kusuhi ntsena, kambe kusuhisuhi ngopfu, ntsena ku nga ri hi ku bohiwa loku!”

Timhaka 24:25

Kakuloko a vula ku lulama ni ku tikhoma, ni ku avanyisiwa loku nga ta ta, Felikisi a khomiwa hi ku chava, kutani a hlamula, a ku: “U nga tifambela sweswi; siku ndzi kumaka nkarhi ndzi ta tlhela ndzi ku vitana.”

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Marka 6:20

hikuva Heroda a a chava Yohane, hi ku n'wi tiva leswaku i munhu la lulameke, la kwetsimaka; kambe a a n'wi sirhelela, a endla leswo tala hi ku kombisiwa hi yena, a rhandza ni ku n'wi yingisa.

Timhaka 26:27

Wena hosi Agripa, xana u pfumela vaprofeta xana? Ndza swi tiva leswaku wa va pfumela.”