Timhaka 26:19 - Xitsonga (Bibele)

¹⁹ “Sweswi, wena Hosi Agripa, a ndzi alangi xikombiso lexi xa le tilweni.

BIBELE Mahungu Lamanene

¹⁹ “Hikokwalaho, wena hosi Agripa, a ndzi alanga ku yingisa mahlori lawa yo huma etilweni.

Testamente Leyimpsha Xichangana

¹⁹ “Hikolaho, wena hosi Agripa, aniyalanga kuyingisa mahlori lawa mahumaka tilweni.

Timhaka 26:19 Referans Kwoze

Esaya 50:5

Hosi Yehovha u ndzi pfule ndleve, kutani a ndzi alanga, a ndzi tlhelelanga endzhaku;

Vagalatiya 1:16

ku ndzi pfuletela N'wana wa xona leswaku ndzi ya n'wi vula exikarhi ka vamatiko; a ndzi vutisanga nyama ni loko yi ri ngati;

Yeremiya 20:9

Kambe loko ndzi nga ku: “A ndzi nga ha tshami ndzi n'wi vula, ni loko ku ri ku vulavula hi vito ra yena,” eka mina swi fana ni ndzilo lowu hisaka embilwini ya mina, lowu nghenisiweke emarhambyini ya mina; kutani ndzi endla hi matimba ku wu hlayisa, kambe ndza tsandzeka.

Yonasi 1:3

Kambe Yonasi a suka, a balekela eTarxixi, kule ni mombo wa Yehovha; kutani a ngirimela eYopa, a kuma kona byatso lebyi yaka eTarxixi, a humesa mali ya riendzo, kutani a nghena ebyatsweni leswaku a ta va eTarxixi kun'we ni vini va byona, kule ni mombo wa Yehovha.

Ezekiele 3:14

Moya wu ndzi tlakula, wu ndzi susa, kutani ndzi tifambela hi ku vaviseka ni ku kariha; kambe voko ra Yehovha a ri tirha ehenhla ka mina hi matimba.

Timhaka 26:2

“Etimhakeni hinkwato leti ndzi hehliwaka ha tona hi Vayuda, wena Hosi Agripa, ndzi ri ndzi katekile loko ndzi ta tihlamulela emahlweni ka wena namuntlha:

Esaya 6:8

Kutani ndzi twa rito ra Hosi, ri ku: “Ndzi ta rhuma mani, i mani la nga ta famba ematshan'weni ya hina?” kutani ndzi ku: “Hi mina loyi, ndzi rhume.”

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Ezekiele 12:7

Ndzi endla hilaha ndzi lerisiweke hakona: Ninhlekanhi, ndzi humesa nhundzu ya mina, nhundzu ya ku rhurha, nimadyambu, ndzi boxa khumbi hi mavoko ya mina; loko byi ri vusiku, ndzi humesa nhundzu ya mina, ndzi tirhwexa emakatleni emahlweni ka vona.