Timhaka 25:6 - Xitsonga (Bibele)

⁶ Kuteloko a xwile na vona masiku lama nga tluriki ntlhanu na manharhu kumbe khume, a ngirimelela eKhezariya. Hi siku leri tlhandlamaka, a tshama exitshan'weni xa ku avanyisa, kutani a lerisa leswaku Pawulo a tisiwa.

BIBELE Mahungu Lamanene

⁶ Festo a xwa na vona nkarhi lowu nga tluriki khume ra masiku, kumbe 8, kutani a rhelela a ya eKhezariya. Hi siku leri tlhandlamaka, a tshama ehubyeni, kutani a lerisa leswaku Pawulo a tisiwa.

Testamente Leyimpsha Xichangana

⁶ Fexto axwa na vona masiku lawa mangatluliki khume, kumbe ntlhanu ni manharhu, kutani angirimela aya Khezariya. Hi siku leritlhantamaka, atshama hubzeni, kutani alerisa lesvaku Pawulo atisiwa.

Timhaka 25:6 Referans Kwoze

Timhaka 25:17

Hikwalaho, kuteloko va fikile halenu, a ndzi hlwelanga, kambe siku leri tlhandlamaka, ndzi hatla ndzi ya tshama ehubyeni, ndzi lerisa leswaku wanuna yeloyi a tisiwa.

Timhaka 25:10

Kavaloko Pawulo a ku: “Ndzi yimile ehubyeni ya Khezari, laha ndzi faneleke ku avanyisiwa kona; loko ku ri ka Vayuda, a ndzi endlanga swo homboloka, hilaha u swi tivaka swinene na wena.

Matewu 27:19

Kuteloko a tshamile exitshan'weni xa ku avanyisa, nsati wa yena a rhumela eka yena, a ku: “U nga tshuki u va ni mhaka, hambi yi ri yin'we, ni munhu loyi wo lulama, hikuva ndzi twile ku vaviseka lokukulu enorhweni hikwalaho ka yena.”

Yakobo 2:6

Kasi n'wina mi sola xisiwana! Xana a hi vafuwi lava mi xanisaka; kutani a hi vona lava mi kokelaka etihubyeni xana?

2 Vakorinto 5:10

Hikuva hi ta fanela ku humelela hinkwerhu emahlweni ka xitshamo xa ku avanyisa xa Kriste, leswaku un'wana ni un'wana a ta amukela leswi ringanaka leswi a swi endleke loko a ha ri emirini, hambi swi ri leswo saseka, hambi swi ri leswo biha.

Yohane 19:13

Kuteloko Pilato a twa mhaka yoleyo, a humesela Yesu ehandle, a tshamisa exitshan'weni xa ku avanyisa exivandleni lexi va nge i Ribye; hi Xiheveru, i Gavata.

Timhaka 8:40

Kambe Filipi a tshuka a va le Azoto; kutani a famba a ri karhi a vula Evhangeli emitini hinkwayo a kondza a fika eKhezariya.

Timhaka 25:1

Kakuloko Festo a fikile etikweni lero, a tshama eKhezariya masiku manharhu, kutani a tlhandlukela eYerusalema.

Timhaka 25:4

Kambe Festo a va hlamula leswaku Pawulo wa rindziwa eKhezariya; kambe a ku, na yena u ta hatlisa a ngirimelela kona.

Timhaka 25:5

A engeta a ku: “Lava swi va fanelaka eka n'wina, a va fambe kun'we na mina; kungakuloko nandzu wun'wana wu ri kona eka wanuna yeloyi, a va n'wi hehle.”