Timhaka 24:26 - Xitsonga (Bibele)

²⁶ Kambe tlhelo rin'wana, a a tshemba leswaku Pawulo u ta n'wi nyika mali; hikwalaho a nga n'wi vita hakanyingi ku vulavula na yena.

BIBELE Mahungu Lamanene

²⁶ Kambe hi tlhelo rin'wana a a ri ni xitshembo xa leswaku Pawulo ú ta n'wi nyika mali; hikokwalaho a a tala ku rhuma vanhu va ya n'wi vitana, leswaku a ta vulavula na yena.

Testamente Leyimpsha Xichangana

²⁶ Kambe hi tlhelo rin'wana aali ni xitshembo xa lesvaku Pawulo atamunyika male; hi kolaho aatala kurhuma vanhu vayamuvitana, lesvaku atavulavula na yena.

Timhaka 24:26 Referans Kwoze

Swivuriso 17:23

Lowo biha u amukela nyiko leyi fihliweke etingubyini Ku voyamisa tindlela to lulama.

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

1 Vakorinto 6:9

Xana a mi swi tivi leswaku lavo biha va nga ka va nga dyi ndzhaka ya ku fuma ka Xikwembu xana?

Timhaka 24:17

“Kutani ndzhaku ka malembe layo tala, ndzi tile ku ta neha swo nyika eka tiko ra rikwerhu, ni ku humesa timhamba.

Mikiya 7:3

Va nghenile ha mavoko mambirhi eku biheni, leswaku va ku hetisa: Hosi ya kombela, muavanyisi wa avanyisa ku kuma hakelo, lonkulukumba, yena, u vulavula ku anakanya loku biha ka moya wa yena, va pfilunganya timhaka.

Mikiya 3:11

Tihosi ta yena ti avanyisa hi ku lava tinyiko, ni vaprista va dyondzisa hi ku lava hakelo, ni vabvumbi va bvumbhela mali; va tikhomelela ha Yehovha, va ku: “Xana Yehovha a nga le xikarhi ka hina xana? Ku biha ku nga ka ku nga fiki exikarhi ka hina!”

Hosiya 4:18

Ku nwa ka vona ku borile; va oswa ni ku oswana; lava nga switlhangu eka vona, va rhandza swa tingana.

Ezekiele 33:31

Va ta eka wena va tele; vanhu va tiko ra mina va tshama emahlweni ka wena, va twa marito ya wena, kambe a va endli ha wona; hikuva milomu ya vona ya ma sandza, kambe timbilu ta vona ti landzelela rifuwo ra vona.

Ezekiele 22:27

“Tihosana ta rona exikarhi ka rona ti fana ni timhisi leti handzulaka mbhari; ti halata ngati, ti lovisa mimoya ya vanhu leswaku ti andzisa rifuwo ra tona.

Esaya 56:11

O! I timbyana ta makolo, leti nga xurhiki; i varisi lava nga tiviki ku twisisa nchumu; hinkwavo va famba hi mitila ya vona, un'wana ni un'wana u lava bindzu ra yena.

Esaya 33:15

U ta va loyi a fambaka endleleni ya ku lulama, la vulavulaka swo lulama, la sandzaka rifuwo leri tekiweke hi matimba, la nikinaka mavoko ya yena a nga ti tshuka a amukela tinyiko, a tisiva tindleve, leswaku a nga tshuki a twa timhaka ta ku dlaya, la swinyaka mahlo leswaku a nga voni swo biha.

Esaya 1:23

Tihosi ta wena ta tiarisa, ti kucetelana ni vayivi, hinkwato ti rhandza ngopfu ku nyikiwa, ti tsutsumela ku hakeriwa; a ti avanyiseli xisiwana, timhaka ta noni a ti fiki eka tona.

Swivuriso 29:4

Hi ku lulama, hosi yi tiyisa tiko, Kambe la amukelaka tinyiko wa ri hlanhla.

Swivuriso 19:6

Lavo tala va sasela munhu lonkulu; Na swona un'wana ni un'wana i nakulobye wa la hananaka.

Swivuriso 17:8

Tinyiko i ribye ra risima eka loyi a ti nyikaka. Hinkwako laha a nghenaka kona wa dzuneka.

Ntirho 15:34

Hikuva yindlu ya lowo biha yi ta nyumba, Kutani ndzilo wu ta dya ntsonga wa lowo homboloka.

2 TIKRONIKA 19:7

Sweswi, xichavo xa Yehovha a xi ve ehenhla ka n'wina; tivoneleni hilaha mi nga ta endla hakona, hikuva eka Yehovha, Xikwembu xa hina, a ku na vumbabva hambi ku ri ku ya hi nghohe ya vanhu, ni ku amukela tinyiko.”

1 SAMIELE 12:3

Hi mina loyi; ndzi landzuleni emahlweni ka Yehovha, ni le mahlweni ka muhlawuriwa wa yena: Ndzi tekile homu ya mani xana? Ndzi tekile mbhongolo ya mani xana? Ndzi dyelele mani? Ndzi xanisile mani? Ndzi khandlile mani? Ndzi amukerile tinyiko emavokweni ya mani leswaku ndzi pfala mahlo ehenhla ka yena ndzi ta mi tlherisela swona!”

1 SAMIELE 8:3

Kambe vana va yena a va fambanga etindleleni ta yena, va hambuka hi ku navela mali, a va amukela ni tinyiko, va voyamisa ku lulama.

Duteronoma 16:19

U nga tshuki u voyamisa ku lulama; u nga tshuki u ya hi nghohe ya vanhu, kambe u nga tshuki u amukela tinyiko, hikuva nyiko yi phumerisa mahlo ya tintlhari, kambe yi onha timhaka ta lavo lulama.

Eksoda 23:8

U nga tshuki u amukela tinyiko, hikuva i xilo lexi pfalaka mahlo ya lava vonaka ni ku hombolokisa timhaka ta lava lulameke ehubyeni.

Matewu 17:3

Hi nomu wolowo Muxe na Eliya va humelela eka vona, va vulavula na yena.