Timhaka 24:14 - Xitsonga (Bibele)

¹⁴ Kunene ndzi nga tivula eka wena leswaku, loko yi ri dyondzo leyi va nge hi leyi hambukeke; ndzi tirhela Xikwembu xa vatatana ha yona, ndzi ri karhi ndzi pfumela timhaka hinkwato ta nawu ni leti tsariweke evaprofeteni.

BIBELE Mahungu Lamanene

¹⁴ A ndzi ku fihleli leswaku ndzi tirhela Xikwembu xa vatatana hi ndlela leyi va yi vulaka leswaku yi hambukile; kambe ndzi pfumela hinkwaswo leswi tsariweke eNawini ni ka Vaprofeta.

Testamente Leyimpsha Xichangana

¹⁴ Anikufihleli lesvaku nitirhela Xikwembu xa vatatana hi ndlela leyi vayivulaka lesvaku yihambukile; kambe nipfumela hinkwasvu lesvitsaliweke Nawini ni ka Vaprofeta.

Timhaka 24:14 Referans Kwoze

Timhaka 9:2

a kombela eka yena mapapila lama tsaleriweke masinagoga ya Damaska leswaku kutakuloko a kuma van'wana va dyondzo yoleyo, hambi va ri vavanuna, kumbe vavasati, a va yisa eYerusalema, va bohiwile.

Varhoma 3:21

Kambe sweswi, handle ka nawu, ku lulama ka Xikwembu ku kombisiwa ku nga loku tiyisiwaka hi nawu ni vaprofeta;

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Timhaka 3:13

Xikwembu xa Abrahama, ni xa Isaka, ni xa Yakobo, Xikwembu xa vatata wa hina, xi dzunisile nandza wa xona, Yesu loyi mi n'wi nyiketeke Pilato, mi n'wi landzula emahlweni ka yena, kasi yena a a n'wi avanyisela ku n'wi tshunxa.

Timhaka 26:22

Kambe, hikuva ndzi vonile ku pfuniwa hi Xikwembu, ndzi tiyisile ku fikela siku ra namuntlha ku vula vumbhoni eka lavatsongo ni lavakulu; kutani a ndzi vulanga timhaka tin'wana, loko ti nga ri leti Muxe ni vaprofeta va nga te ti ta humelela;

Timhaka 24:5

Hi kumile munhu loyi, a nga ntungu, u pfuxe madzolonga exikarhi ka Vayuda hinkwavo, lava akeke emisaveni hinkwayo; i nhloko ya dyondzo leyi hambukeke ya Vanazarene.

2 Timotiya 1:3

Ndzi khensa Xikwembu lexi ndzi xi tirhelaka hi ripfalo lero basa kukotisa vatatana va khale, hikuva a ndzi rhuteri ku ku anakanya emikhongelweni ya mina, vusiku ni nhlekanhi, ndzi ri karhi ndzi anakanya mihloti ya wena,

Timhaka 26:27

Wena hosi Agripa, xana u pfumela vaprofeta xana? Ndza swi tiva leswaku wa va pfumela.”

Nhlavutelo 19:10

Kutani ndzi wela emilengeni ya yona ku yi gandzela, kambe yi ku eka mina: “U nga tshuki u endlisa sweswo; ndzi nakuloni entirhweni, ni wa vamakwenu lava nga ni vumbhoni bya Yesu, gandzela Xikwembu.” Hikuva vumbhoni bya Yesu i moya wa vuprofeta.

1 Petro 1:11

va ri karhi va kamba xana nkarhi hi wihi, ni lowo yini lowu kombiweke hi Moya wa Kriste, lowu ngi wu ri ka vona, wu ri karhi wu endle vumbhoni bya nhlomulo wa Kriste, ni ku kwetsima loku nga ta wu landzela.

Tito 3:10

Hambana ni munhu la dyondzisaka leswi hambanisaka loko u n'wi pfuxile kan'we kumbe kambirhi,

Vagalatiya 5:20

ni ku khongela swikwembu swahava, ni vungoma, ni ku vengana, ni timholovo ni vukwele, ni ku kariha, ni ku alana ni madzolonga, ni ku avana,

1 Vakorinto 11:19

hikuva ku hambana ku fanele ku va kona exikarhi ka n'wina, leswaku ku ta vonaka lava nga va xiviri eka n'wina.

Timhaka 26:6

Kutani sweswi, ndzi avanyisiwa hikwalaho ka ku tshemba ku hlayela loku tshembisiweke vatatana hi Xikwembu,

Timhaka 24:22

Felikisi, hi ku tiva ngopfunyana swa dyondzo yoleyo, a va tlherisa, a ku: “Kutakuloko Lisiya, ndhuna leyikulu a fikile, hi kona ndzi nga ta mi avanyisela.”

Timhaka 22:14

Kambe a ku: ‘Xikwembu xa vatata wa hina xi tihlawulele wena leswaku u tiva ku rhandza ka xona, ni leswaku u vona La lulameke, ni leswaku u twa rito ra nomu wa yena;

Timhaka 19:9

Kambe van'wana, kakuloko va ti nonon'hwisa ni ku tialela, va sola ni ndlela ya Hosi emahlweni ka vunyingi, a suka eka vona, a hlawula vadyondzisiwa; kutani a dyondzisa hi masiku hinkwawo exikolweni xa Tirano.

Timhaka 13:15

Kuteloko ku hlayiwile mapapila ya nawu ni ya vaprofeta, tihosana ta sinagoga ti rhuma eka vona ti ku: “Vavanuna varikwerhu, loko ri ri kona eka n'wina rito ra ku khongotela vanhu, mi nga vulavula.”

Timhaka 10:43

Hi yena vaprofeta hinkwavo va n'wi vuleke hi mhaka leyi nge: Un'wana ni un'wana la pfumelaka eka yena, u ta kuma ku khomeriwa ka swidyoho hi vito ra yena.”

Timhaka 7:32

‘Hi mina Xikwembu xa vatata wa wena, Xikwembu xa Abrahama, ni xa Isaka, ni xa Yakobo.’ Kutani Muxe a khomiwa hi ku rhurhumela, a chava ni ku languta.

Timhaka 5:30

Xikwembu xa vatata wa hina xi pfuxile Yesu, loyi mi nga n'wi dlaya hi ku n'wi hayeka emhandzeni.

Yohane 1:45

Filipi a kuma Nataniele, a ku eka yena: “Hi vonile loyi Muxe a tsaleke timhaka ta yena enawini, ni vaprofeta va ti tsarile; i Yesu wa Nazareta, n'wana Yosefa.”

Luka 24:44

Kutani a ku eka vona: “Hi tona timhaka leti ndzi nga mi byela tona, loko ndza ha ri na n'wina, ndzi ku: Timhaka hinkwato leti ndzi tsariweke ha tona enawini wa Muxe ni le Vaprofeteni, ni le Tipisalemeni, ti fanele ku hetisiwa.”

Luka 24:27

Kutani a sungula hi Muxe ku yisa eka vaprofeta hinkwavo, a ri karhi a va ringanisela hi matsalwa hinkwawo timhaka leti a vuriweke ha tona.

Luka 16:29

Abrahama a ku eka yena: ‘Va ni Muxe ni vaprofeta; va nga va yingisa.’

Luka 16:16

“Ku yime nawu ni vaprofeta ku ko ku fika Yohane Mukhuvuri; ka hari mpfhuka wolowo, ku fuma ka Xikwembu ku vuriwa, kutani un'wana ni un'wana a nghena kona hi matimba.

Luka 1:70

hilaha a nga vula hakona hi mikarhi hinkwavo hi milomu ya vaprofeta lavo kwetsima va yena, a ku:

Matewu 22:40

Milawu leyimbirhi leyi, i ku sungula ka milawu hinkwayo ni ka vaprofeta.”

Matewu 10:32

“Un'wana ni un'wana la nga ta ndzi vula emahlweni ka vanhu, na mina, ndzi ta n'wi vula emahlweni ka Tatana la nga ematilweni.

Matewu 7:12

Kutani swilo hinkwaswo leswi mi rhandzaka leswaku vanhu va mi endlela swona, na n'wina swi endleni eka vona, hikuva hi wona nawu ni vaprofeta.

Mikiya 4:2

Matiko layo tala ma ta ta kona, ma ku: “A hi yeni, hi tlhandlukela entshaveni ya Yehovha, endlwini ya Xikwembu xa Yakobo, a ta hi dyondzisa tindlela ta yena, kutani hi famba hi tindlela ta yena.” Hikuva nawu wu ta huma eSiyoni, ni rito ra Yehovha ri ta huma eYerusalema.

Amosi 8:14

Vona lava hlambanyaka hi ku dyoha ka Samariya, va ku: ‘A ku hanye xikwembu xa wena Dani!’ Kumbe: ‘A ku hanye ndlela leyi yaka eBerexeba!’ ... va ta wa, a va nga ha tlheri va pfuka.”

Pisalema 119:46

Ndzi ta vula switsundzuxo swa wena emahlweni ka tihosi, Kambe a ndzi nga vi na tingana.

1 TIKRONIKA 29:18

Oho! Yehovha, Xikwembu xa vatata wa hina, Abrahama, na Isaka, na Israele! Hlayisa hi masiku etimbilwini ta tiko ra wena, ku rhandza loku ka miehleketo ya vona, u tiyisa timbilu ta vona eka wena.

Eksoda 3:15

Xikwembu xi engeta xi ku eka Muxe: “U ta va byela, u ku: ‘Yehovha, Xikwembu xa vatata wa n'wina, Xikwembu xa Abrahama, Xikwembu xa Isaka, Xikwembu xa Yakobo, xi ndzi rhumile eka n'wina.’ Hi rona vito ra mina hilaha ku nga heriki; hi xona xitsundzuxo xa mina etinxakeni ta tinxaka.

Timhaka 19:23

Kambe enkarhini wolowo, dzolonga lerikulukumba ngopfu ri humelela hikwalaho ka ndlela ya Hosi.

Timhaka 15:5

Kambe van'wana va dyondzo ya Vafarisi, lava pfumeleke, va yima va ku: “Swa fanela leswaku vamatiko va yimba, va lerisiwa ni ku hlayisa nawu wa Muxe.”

Timhaka 25:8

Kambe Pawulo a tihlamulela, a ku: “A ndzi dyohelangi nawu, hambi yi ri tempele, ni loko a ri Khezari.”

Timhaka 26:4

“Loko ti ri ta ku hanya ka mina hilaha ndzi nga famba hakona exikarhi ka tiko ra rikwerhu, le Yerusalema ka ha ri mpfhuka ndzi ri lontsongo Vayuda hinkwavo va ti tiva.

Timhaka 28:22

Kutani hi fanele ku twa ha wena leswi u swi ehleketaka, hikuva loko yi ri dyondzo leyi, ha yi tiva leswaku yi ariwa hinkwako.”

Varhoma 1:9

Hikuva Xikwembu lexi ndzi xi tirhelaka emoyeni wa mina eEvhangelini ya N'wana wa xona, hi yona mbhoni ya mina loko ndzi ku: A ndzi tshiki ku mi anakanya,