Timhaka 23:24 - Xitsonga (Bibele)

²⁴ Mi lunghisela Pawulo xifuwo lexi a nga ta xi khandziya, a ta yisiwa eka hosi Felikisi a ha hanya.”

BIBELE Mahungu Lamanene

²⁴ Naswona lunghiselani Pawulo swifuwo leswi a nga ta swi gada, mi n'wi fikisa eka hosi Felikisi a hlayisekile.”

Testamente Leyimpsha Xichangana

²⁴ Nasvona lungiselani Pawulo svifuyu lesvi angatasvigada, mimufikisa ka hosi Felikisi na ahlayisekile.”

Timhaka 23:24 Referans Kwoze

Timhaka 25:14

Kuteloko va xwile kona masiku man'wana, Festo a byela hosi timhaka ta Pawulo a ku: “Munhu u kona la, loyi Felikisi a n'wi siyeke a bohiwile.

Timhaka 24:10

Pawulo, kuteloko hosi yi n'wi kowetile leswaku a vulavula, a hlamula, a ku: “Leswi ndzi tivaka leswaku swi ni malembe u fuma tiko leri, ndzi tihlamulela hi ku tshemba loku tlurisaka.

Timhaka 23:26

“Klawudiyo Lisiya, eka Felikisi, hosi ya mafundza, xewani!

Timhaka 23:33

Volavo, loko va fikile eKhezariya, va nyika hosi papila, va humesa na Pawulo emahlweni ka yena.

Luka 10:34

Kavaloko a tshinela, a n'wi bohelela timbanga, a chela mafurha ni vhinyo; a n'wi khandziyisa exifuweni xa yena lexi a xi khandziyeke, a n'wi yisa endlwini ya vaendzi, kutani a n'wi ongola kona.

Luka 3:1

Hi lembe ra khume na ntlhanu ra ku fuma ka Tiberiyo Khezari, loko Pontiyo Pilato a fuma Yudiya, Heroda yena a ri hosi ya Galeliya, Filipi makwavo, a ri hosi ya Ituriya ni ya tiko ra Trakonita, Lisaniya a ri hosi ya Abilene,

Matewu 27:2

Kuteloko va n'wi bohile va famba na yena, va ya n'wi nyiketa hosi Pontiyo Pilato.

Estere 8:12

Va ku va endla sweswo hi siku rin'we ematikweni hinkwawo ya hosi Ahasuwerusi, ri nga siku ra khume na manharhu ra n'hweti ya khume na timbirhi, yi nga n'hweti ya Adara.

Nehemiya 2:12

kutani ndzi suka nivusiku, ndzi ri ni vanhu va nga ri vangani, hikuva a ndzi byelanga munhu leswi Xikwembu xa mina xi swi vekeke embilwini ya mina, leswaku ndzi ya swi endla eYerusalema, kambe a ndzi nga ri na xifuwo ximbe, loko xi nga ri lexi ngi ndzi xi khandziyile.

Timhaka 23:25

Kutani a tsala papila leri nge:

Timhaka 24:1

Masiku ya ntlhanu, loko ma hundzile, ku ta Ananiya, muprista lonkulu, a ri ni vakulukumba van'wana ni muvulavuri un'wana loyi va nge i Tertulo; kutani va ya eka hosi ku hehla Pawulo.

Timhaka 24:3

“Oho Felikisi wa mafundza! Hi nga ka hi nga tshiki ku anakanya hi ku khensa, hilaha hi nga ni ku rhula lokukulu, ni ku kateka loku nga humelela tiko leri hi ku fuma ka wena ni vutlhari bya wena.