Timhaka 22:4 - Xitsonga (Bibele)

⁴ ndzi kondza ndzi xanisa dyondzo leyi, ku yisa eku dlayeni, ndzi boha vavanuna ni vavasati ndzi va nghenisa ekhotsweni,

BIBELE Mahungu Lamanene

⁴ ndzi xanisile lava landzaka Ndlela leyi ya Hosi ku kondza va dlawa. A ndzi khoma vavanuna ni vavasati, ndzi va cukumeta ekhotsweni.

Testamente Leyimpsha Xichangana

⁴ nixanisile lavalandzaka Ndlela leyi ya Hosi kufikela laha vadlawaka. Anikhoma vavanuna ni vavasati, nivaghenisa jele.

Timhaka 22:4 Referans Kwoze

1 Vakorinto 15:9

kambe a ndzi fanelanga ku vuriwa muapostola, hikuva ndzi xanisile kereke ya Xikwembu.

Vafilipiya 3:6

loko ku ri ku chivirika, hi mina la xaniseke kereke, loko ku ri ku lulameni ka nawu, a ndzi na xisandzu.

Timhaka 24:14

Kunene ndzi nga tivula eka wena leswaku, loko yi ri dyondzo leyi va nge hi leyi hambukeke; ndzi tirhela Xikwembu xa vatatana ha yona, ndzi ri karhi ndzi pfumela timhaka hinkwato ta nawu ni leti tsariweke evaprofeteni.

Timhaka 19:23

Kambe enkarhini wolowo, dzolonga lerikulukumba ngopfu ri humelela hikwalaho ka ndlela ya Hosi.

Timhaka 19:9

Kambe van'wana, kakuloko va ti nonon'hwisa ni ku tialela, va sola ni ndlela ya Hosi emahlweni ka vunyingi, a suka eka vona, a hlawula vadyondzisiwa; kutani a dyondzisa hi masiku hinkwawo exikolweni xa Tirano.

Timhaka 18:26

A sungula ku vulavula esinagogeni, a nga chavi. Kuteloko Akwila na Prisila va n'wi twile va n'wi tekela eka vona, va n'wi dyondzisa swinenenene ndlela ya Xikwembu.

Timhaka 16:17

Kutani a landza Pawulo na hina, a huwelela, a ku: “Vavanuna lava, i malandza ya Xikwembu lexi nge henhlahenhla, lava mi byelaka ndlela ya ku hlayiseka.”

Timhaka 9:21

Kutani hinkwavo lava n'wi twaka, va hlamala ngopfu, va ku: “Xana loyi, a hi yena loyi ingi a xanisa lava khongelaka vito rero eYerusalema, a tela vona, ni halenu, ku ta va boha, a va yisa eka vaprista lavakulu xana?”

Timhaka 7:58

Kuteloko va n'wi cukumetile ehandle ka muti, va n'wi khandla hi maribye; timbhoni a ti vekile tinguvu ta tona emilengeni ya jaha leri va nge i Sawulo.

Vagalatiya 1:13

Hikuva mi twile ta mahanyelo ya mina ya khale, loko ndza ha ri eVuyudeni, hilaha ndzi nga xanisa hakona kereke ya Xikwembu hi ku kariha loko nghasi, a ndzi ri karhi ndzi yi hangalasa,

2 Petro 2:2

Kutani lavo tala va ta va landzela eku lahlekeni ka vona, lava ndlela ya ntiyiso yi nga ta soriwa hikwalaho ka vona;