Timhaka 22:25 - Xitsonga (Bibele)

²⁵ Kuteloko va n'wi bohile hi tinghole, Pawulo a ku eka ndhuna ya dzana leyi yimeke kwalaho: “Xana mi nga pfumeleriwa ku ba hi mikhavi munhu wa Murhoma a nga si avanyisiwa xana?”

BIBELE Mahungu Lamanene

²⁵ Kuteloko va n'wi bohile leswaku va ta n'wi ba, Pawulo a ku ka ndhuna ya dzana ra masocha leyi a yi ri kona: “Xana ma pfumeleriwa ku ba Murhoma hi minkhavi, a nga si avanyisiwa xana?”

Testamente Leyimpsha Xichangana

²⁵ Kuteloko vamubohile lesvaku vatamuba, Pawulo aku ka ndhuna ya dzana ra masochwa leyi ayili kona: “Xana mapfumeleliwa kuba Muroma hi tinhonga, na angasi thethisiwa ke?”

Timhaka 22:25 Referans Kwoze

Timhaka 16:37

Kambe Pawulo a ku eka vona: “Leswi va nga hi ba emahlweni ka vanhu hi nga si avanyisiwa, hina hi nga Varhoma, va hi hoxa ekhotsweni, xana sweswi, va ta hi humesa exihundleni xana? A hi swona; kambe a ku te vona hi xiviri, va ta hi humesela ehandle.”

Timhaka 25:16

kambe ndzi hlamula, ndzi ku: A hi mukhuva wa Varhoma ku nyiketa munhu, hambi a ri mani na mani, la hehliwaka, a nga si nyikiwa nkarhi wa ku tihlamulela eka leti a hehliwaka ha tona.

Timhaka 27:43

Kambe ndhuna ya dzana, hikuva a yi rhandza ku ponisa Pawulo, yi va sivela; kutani yi lerisa leswaku lava tivaka ku hlambela va rhanga ku tihoxa ematini, va ya humela esaveni;

Timhaka 23:17

Pawulo a vitana yin'wana ya tindhuna ta dzana, a ku eka yena: “Yisa jaha leri eka ndhuna leyikulu, hikuva u ni mhaka leyi a nga ta n'wi byela yona.”

Timhaka 27:3

Ni siku leri tlhandlamaka, hi fika eSidoni; kutani Yuliyo a endlela Pawulo swinene, a n'wi pfumelela ku ya vona vanakulobye, ni ku hlayisiwa hi vona.

Timhaka 27:1

Kuteloko ku lerisiwile leswaku hi ta ya eItaliya hi ngalava, va nyiketa Pawulo, ni van'wana lava bohiweke eka ndhuna ya dzana, loyi va nge i Yuliyo wa nyimpi ya Sebasto.

Timhaka 10:1

Emutini wa Khezariya a ku ri ni munhu loyi va nge i Korneliyo; a a ri ndhuna ya dzana entlaweni lowu vuriwaka Italiya;

Matewu 27:54

Kutani ndhuna ya dzana ni lava ngi va ri na yona, lava languteleke Yesu, loko va vona ku tsekatseka ka misava ni leswi humeleleke va tshuka ngopfu, va ku: “Loyi a a ri N'wana wa Xikwembu kunene.”

Matewu 8:8

Kambe ndhuna ya dzana yi angula, yi ku: “Hosi, a swi ku fanelanga ku ta nghena endlwini ya mina, kambe vula rito rin'we ntsena nandza wa mina u ta hanya.

Matewu 10:17

Kambe mi tivonela vanhu, hikuva va ta mi yisa etihubyeni, va ta mi xupula emasinagogeni ya vona.

Timhaka 22:26

Loko ndhuna yi twa sweswo, yi ya byela ndhuna leyikulu, yi ku: “U tivonela eka leswi u nga ta swi endla, hikuva munhu loyi i Murhoma.”

Timhaka 23:27

“Vayuda va khomile munhu loyi; kakuloko va rhandza ku n'wi dlaya, ndzi fika ni masocha, ndzi va vutlela yena loko ndzi twa leswaku i Murhoma.