Timhaka 22:1 - Xitsonga (Bibele)

¹ “Vavanuna varikwerhu na vatatana, yingisani sweswi ku tilandzula ka mina eka n'wina.”

BIBELE Mahungu Lamanene

¹ “N'wina varikwerhu na vatatana, yingisani sweswi ku tihlamulela ka mina emahlweni ka n'wina.”

Testamente Leyimpsha Xichangana

¹ “N'wina valekwerhu na vatatana, yingisani svosvi kutihlamulela ka mina mahlweni ka n'wina.”

Timhaka 22:1 Referans Kwoze

Timhaka 7:2

Stefano a hlamula a ku: “Vavanuna varikwerhu, na n'wina vatatana, ndzi yingiseni! “Xikwembu lexo kwetsima xi tikombisile eka tata wa hina, Abrahama, a ha ri eMesopotamiya, a nga si aka eHarana;

2 Timotiya 4:16

A ku na loyi a ndzi yimeleke eku hlamuleni ka mina ka ku rhanga ehubyeni, kambe va ndzi fularhele hinkwavo; Xikwembu xi nga tshuki xi va hlayela nandzu wolowo.

1 Petro 3:15

kambe mi hlawula Hosi, a nga Kriste, etimbilwini ta n'wina, mi tilunghisa hi masiku ku tihlamulela hi musa ni xichavo eka hinkwavo lava mi vutisaka ku tshemba ka n'wina;

Vafilipiya 1:17

Kambe valavo va vula Kriste hi ku kanetana, ku nga ri hi timbilu letinene, va anakanya leswaku va ndzi pfuxela ku vaviseka eku bohiweni ka mina.

Vafilipiya 1:7

kutani swi lulamile loko ndzi anakanya sweswo eka n'wina hinkwenu, hikuva eku bohiweni ka mina, ni le ku hlamuleni ka mina, ni le ku tiyiseni ka Evhangeli, ndzi na n'wina embilwini ya mina, hikuva hinkwenu mi ni ku averiwa ka tintswalo swin'we na mina.

2 Vakorinto 12:19

Xana, ni sweswi, mi ri, ha ha ri karhi ha tilandzula eka n'wina xana? E-e; hi vulavula emahlweni ka Xikwembu hi le ka Kriste; kutani hinkwaswo leswo, varhandziwa, hi mi lavela ku akisana ha swona.

2 Vakorinto 7:11

Hikuva maswivo, loko mi tele tingana sweswi hi mukhuva lowu rhandziwaka hi Xikwembu, mi hatlisile ngopfu ku tihlamulela ku phofula lokukulu ku va kona, ni ku tshuka lokukulu, ni ku navela lokukulu, ni ku chivirika lokukulu, ni ku laya lokukulu. Mi vonakisa eka hinkwaswo leswaku a mi nga ri na nandzu emhakeni leyi.

1 Vakorinto 9:3

Hi kona ku tihlamulela ka mina eka lava ndzi avanyisaka.

Varhoma 2:15

Va kombisa leswaku ntirho wa nawu wu tsariwile etimbilwini ta vona, ripfalo ra vona i mbhoni ya vona: ni miehleketo ya vona ya va tshinya, kumbe yi va yimela;

Timhaka 28:17

Endzhaku ka masiku manharhu, Pawulo a rhamba lava nga vakulukumba exikarhi ka Vayuda, kuteloko va hlengeletene, a ku eka vona: “Vavanuna varikwerhu, hambi ndzi nga endlanga nchumu ku dyohela tiko, hambi yi ri mikhuva ya vatatana, hambiswiritano, ndzi bohiwile eYerusalema, ndzi nyeketiwa emavokweni ya Varhoma.

Timhaka 26:24

A ku a ha tihlamulela hi timhaka teto, Festo a tlakusa rito, a ku: “Wa hlanya, Pawulo! Ku tiva lokukulu ka wena ka ku hlanyisa.”

Timhaka 25:16

kambe ndzi hlamula, ndzi ku: A hi mukhuva wa Varhoma ku nyiketa munhu, hambi a ri mani na mani, la hehliwaka, a nga si nyikiwa nkarhi wa ku tihlamulela eka leti a hehliwaka ha tona.

Timhaka 25:8

Kambe Pawulo a tihlamulela, a ku: “A ndzi dyohelangi nawu, hambi yi ri tempele, ni loko a ri Khezari.”

Timhaka 24:10

Pawulo, kuteloko hosi yi n'wi kowetile leswaku a vulavula, a hlamula, a ku: “Leswi ndzi tivaka leswaku swi ni malembe u fuma tiko leri, ndzi tihlamulela hi ku tshemba loku tlurisaka.

Timhaka 23:6

Kambe Pawulo, hikuva a a swi tiva leswaku van'wana exikarhi ka vona a va ri Vasaduki, kambe van'wana a va ri Vafarisi, a tlakusa rito exikarhi ka Sinedri, a ku: “Vavanuna varikwerhu, ndzi mufarisi, n'wana wa Vafarisi, ndzi avanyisiwa hikwalaho ka ku tshemba ni ka ku pfuka ka vafi.”

Timhaka 23:1

Pawulo a honolela va Sinedri, a ku: “Vavanuna varikwerhu, ndzi hanyile hi ripfalo lerinene hinkwaro emahlweni ka Xikwembu ku fika siku leri.”

Timhaka 19:33

Kambe va humesa Aleksandro evunyingini, a susumeteriwa emahlweni hi Vayuda; kutani Aleksandro a koweta hi voko, a rhandza ku tihlamulela eka tiko.

Timhaka 13:26

“Vavanuna varikwerhu, va rixaka ra Abrahama, ni lava nga exikarhi ka n'wina lava chavaka Xikwembu, rito ra ku ponisa loku, ri rhumeriwile n'wina.

Luka 21:14

Hikwalaho, nghenisani etimbilwini ta n'wina mhaka leyi, leswaku mi nga tshuki mi vilela hi leswi mi nga ta va hlamula ha swona;

Luka 12:11

“Kutakuloko va mi yisa emasinagogeni, ni ka lavakulu, ni ka tihosi, mi nga tshuki mi vilela hi mukhuva lowu mi nga ta tihlamulela ha wona, hambi swi ri leswi mi nga ta swi vula;