Timhaka 21:40 - Xitsonga (Bibele)

⁴⁰ Kuteloko a n'wi tshiketile, Pawulo loko a ri karhi a yimile eswikhandziweni, a koweta vanhu hi voko. Kutani, kuteloko va miyele swinene, a vulavula na vona hi ririmi ra Xiheveru, a ku:

BIBELE Mahungu Lamanene

⁴⁰ Ndhuna yi n'wi pfumelela, kutani Pawulo a yima eswikhandziyeni, a kwehleta vanhu hi voko. Kuteloko va miyerile va ku hwììì, a vulavula na vona hi ririmi ra Xiheveru, a ku:

Testamente Leyimpsha Xichangana

⁴⁰ Ndhuna yimupfumelela, kutani Pawulo ayima svikadeni, akwehleta vanhu hi voko. Kuteloko vamiyelile vaku ntse, avulavula na vona hi ririmi ra Xiheberu, aku:

Timhaka 21:40 Referans Kwoze

Timhaka 12:17

Kambe yena a va kwehleta hi voko leswaku va miyela; kutani a va byela hilaha Hosi yi n'wi humeseke ekhotsweni hakona; kambe a ku: “Tivisani Yakobo ni vamakwerhu timhaka teto.” Kutani a huma, a tifambela kun'wana.

Timhaka 26:14

Kavaloko hi wela ehansi hinkwerhu; kutani ndzi twa rito leri nge eka mina hi ririmi ra Xiheveru: ‘Sawulo, Sawulo, u ndzi xanisela yini? Swa nonon'hwa eka wena ku khadlanya risungunhu.’

Timhaka 22:2

Kuteloko va twa leswaku a vulavula na vona hi ririmi ra Xiheveru, va engeta eku cocowa, kutani a ku:

Yohane 5:2

Vuhlambo lebyi nga ni tinyangwa ta ntlhanu, lebyi vuriwaka Betesda hi Xiheveru, a byi ri kona eYerusalema, eNyangweni ya Tinyimpfu.

Timhaka 21:35

Kuteloko va fikile eswikhandziweni, a kondza a rhwariwa hi masocha, hikwalaho ka ntshungu lowu endlaka hi matimba;

Timhaka 19:33

Kambe va humesa Aleksandro evunyingini, a susumeteriwa emahlweni hi Vayuda; kutani Aleksandro a koweta hi voko, a rhandza ku tihlamulela eka tiko.

Nhlavutelo 16:16

Kutani yi ta hlengeleta exivandleni lexi vuriwaka Armagedoni hi Xiheveru.

Nhlavutelo 9:11

A ti fumiwa hi hosi, yi nga ntsumi ya khele; vito ra yona hi Xiheveru, i Abadoni; hi Xigriki, i Apoliyoni.

Timhaka 13:16

Kwalaho Pawulo a yima; kuteloko a va kwehletile hi voko leswaku va miyela, a ku: “Vavanuna va Israele na n'wina lava chavaka Xikwembu, yingisani.

Timhaka 6:1

Hi masiku walawo, loko vadyondzisiwa va andzile ngopfu, Vahelenista va dzumadzumela Vaheveru, hikuva vavasati va vona va tinoni a va siyiwa eku nyikiweni ka siku rin'wana ni rin'wana.

Yohane 19:20

Vayuda lavo tala a va hlaya papila rero, hikuva xivandla lexi Yesu a nga vambiwa ka xona, a xi ri ekusuhi ni muti; kambe a ri tsariwile hi Xiheveru, ni Xigriki, ni Xirhoma.

Yohane 19:17

Kutani Yesu a huma a rhwele xihambano xa yena, a ya exivandleni lexi va nge i Ripala; hi Xiheveru va te i Gologota.

Yohane 19:13

Kuteloko Pilato a twa mhaka yoleyo, a humesela Yesu ehandle, a tshamisa exitshan'weni xa ku avanyisa exivandleni lexi va nge i Ribye; hi Xiheveru, i Gavata.

Luka 23:38

Kambe a ku ri ni papila enhlokweni ya yena, leri nge: “Loyi, i Hosi ya Vayuda.”

2 TIHOSI 9:13

Hi nomu lowu, un'wana ni un'wana a teka nguvu ya yena, va ti veka ehansi ka yena ehenhla ka xitulu; va yimba nanga, va ku: “Hosi i Yehu!”

Timhaka 1:19

Mhaka leyi, yi tiviwa hi hinkwavo lava akeke eYerusalema, va ko va thya nsimu yoleyo eHakeldama hi ririmi ra vona, hileswaku Nsimu ya Ngati.