Timhaka 21:33 - Xitsonga (Bibele)

³³ Kavaloko ndhuna ya nyimpi yi tshinela, yi n'wi khoma, kutani yi lerisa leswaku a bohiwa hi timpecana timbirhi; kutani a vutisa leswaku i mani, ni leswaku xana lexi a xi endleke i yini?

BIBELE Mahungu Lamanene

³³ Kavaloko ndhuna ya nyimpi yi kongoma Pawulo, yi n'wi khoma, yi lerisa leswaku a bohiwa hi tinketani timbirhi; kutani yi vutisa yi ku: “Munhu loyi i mani xana? Ú endlile yini ke?”

Testamente Leyimpsha Xichangana

³³ Hi loko ndhuna ya nyimpi yikongoma Pawulo, yimukhoma, yilerisa lesvaku abohiwa hi machini mambirhi; kutani yivutisa yiku: “Munhu lweyi i mani xana? Ayendlile yini ke?”

Timhaka 21:33 Referans Kwoze

Vaefesa 6:20

leyi ndzi nga ntsumi ya yona, hambi ndzi bohiwile hi timpecana, leswaku ndzi vulavula hi matimba timhaka ta yona, hilaha ndzi fanelaka ku ti vula hakona.

Timhaka 21:11

Kuteloko a te eka hina, a teka nghole ya xifunga ya Pawulo, a tiboha mavoko ni milenge ha yona, kutani a ku: “Moya lowo Kwetsima wu vula leswaku wanuna loyi nghole leyi, yi nga ya yena, Vayuda va ta n'wi bohisa sweswo eYerusalema, va kondza va n'wi nyiketa emavokweni ya vamatiko.”

Timhaka 20:23

ntsena loko ndzi ri karhi ndzi ya emutini wun'wana ni wun'wana, Moya lowo Kwetsima wu ndzi tivisa leswaku ku bohiwa ni maxangu swi ndzi langutele.

Timhaka 12:6

Hi siku Heroda a lavaka ku n'wi humesa emahlweni ka tiko, hi vusiku byebyo, Petro a etlele exikarhi ka masocha mambirhi, a bohiwile hi timpecana timbirhi; kutani valanguteri va nyangwa a va langutela khotso.

Timhaka 28:20

Hikwalaho ndzi mi viteke ku ta mi vona ni ku vulavula na n'wina, hikuva ndzi bohiwile hi mpecana leyi, hikwalaho ka ku tshemba ka Israele.”

Timhaka 22:29

Kutani lava ngi va ta n'wi vutisa hi ku n'wi ba va hatlisa va suka eka yena, kutani ndhuna yi chava na yona, loko yi twa leswaku i Murhoma, hikuva a a n'wi bohile.

2 Timotiya 2:9

yi nga Evhangeli leyi ndzi twaka ku vaviseka hikwalaho ka yona, ndzi ko ndzi bohiwa kukota mudyohi; kambe rito ra Xikwembu a ri bohiwanga.

2 Timotiya 1:16

Hosi a yi tsetselele yindlu ya Onesiforo hikuva u ndzi chavelele kanyingi kambe a nga vanga na tingana hikwalaho ka ku bohiwa ka mina.

Timhaka 26:29

Pawulo a ku: “Loko wa nge Xikwembu xi nga endla leswaku ku nga ri wena ntsena, kambe ni hinkwavo lava ndzi yingisaka namuntlha, mi va tanihi mina, a hi kusuhi ntsena, kambe kusuhisuhi ngopfu, ntsena ku nga ri hi ku bohiwa loku!”

Timhaka 25:16

kambe ndzi hlamula, ndzi ku: A hi mukhuva wa Varhoma ku nyiketa munhu, hambi a ri mani na mani, la hehliwaka, a nga si nyikiwa nkarhi wa ku tihlamulela eka leti a hehliwaka ha tona.

Vaavanyisi 16:21

Vafilista va n'wi khoma, va n'wi xokola mahlo, va n'wi ngirimerisa eGaza, va n'wi boha kona hi timpecana timbirhi ta koporo, a sila a ri ekhotsweni.

Vaavanyisi 16:12

Delila a teka mapindza lamantshwa, a n'wi boha ha wona, a ku eka yena: “Oho Samsoni, Vafilista hi lava!” Kambe vanhu a va ri kona, va n'wi etlelele endlwini leyi nga exikarhi. Kambe a tsemelela mapindza lama nga emavokweni ya yena, kukotisa ngotinyana.

Vaavanyisi 16:8

Kutani tihosi ta Vafilista ti tisela Delila tinsinga ta ntlhanu na timbirhi letintshwa ta vurha, leti nga siki omaka, a n'wi boha ha tona.

Vaavanyisi 15:13

Va n'wi hlamula, va ku: “E-e, hi ta ku boha, hi ku nyiketa emavokweni ya vona; kambe hi nga ka hi nga ku dlayi.” Kutani va n'wi boha hi mapindza mambirhi lamantshwa, va n'wi susa eribyeni.

Timhaka 22:30

Hi siku leri tlhandlamaka, hikuva a a rhandza ku tiva swinene lexi Vayuda va n'wi hehlaka ha xona, a n'wi tshunxa, kutani a lerisa leswaku vaprista lavakulu ni va huvo hinkwavo va hlengeletana; kutani a tisa Pawulo a n'wi veka emahlweni ka vona.

Vafilipiya 1:7

kutani swi lulamile loko ndzi anakanya sweswo eka n'wina hinkwenu, hikuva eku bohiweni ka mina, ni le ku hlamuleni ka mina, ni le ku tiyiseni ka Evhangeli, ndzi na n'wina embilwini ya mina, hikuva hinkwenu mi ni ku averiwa ka tintswalo swin'we na mina.