Timhaka 21:19 - Xitsonga (Bibele)

¹⁹ Kuteloko a va xewetile, a va byela hi ku tlhandlamana timhaka hinkwato leti Xikwembu xi ti endleke ematikweni hi ku tirha ka yena.

BIBELE Mahungu Lamanene

¹⁹ Pawulo a va xeweta, a va rungulela hinkwaswo leswi Xikwembu xi swi endleke exikarhi ka vamatiko hi ku tirha ka yena.

Testamente Leyimpsha Xichangana

¹⁹ Pawulo avaxeweta, avarungulela hinkwasvu lesvi Xikwembu xisviyendleke xikarhi ka vamatiko hi kutirha ka yena.

Timhaka 21:19 Referans Kwoze

Timhaka 14:27

Kuteloko va fikile va hlengeleta kereke va vula hinkwaswo leswi Xikwembu xi swi endleke ha vona, ni hilaha xi nga pfulela matiko hakona nyangwa ya ku pfumela.

Timhaka 1:17

Hikuva a a hlayiwa exikarhi ka hina, kutani u averiwile ntirho lowo.

1 Vakorinto 15:10

Kambe hi tintswalo ta Xikwembu, ndzi loyi ndzi nga yena; kutani tintswalo ta xona eka mina a ti endliwanga swahava, kambe ndzi va tlulela kule hinkwavo hi ku tirha; ndzi nga ri mina kambe i tintswalo ta Xikwembu eka mina.

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

Vakolosa 1:29

Hi leswi ndzi swi tirhelaka, loko ndzi lwa hi matimba ya yena lama tirhaka ngopfu eka mina.

2 Vakorinto 12:12

Kunene loko swi ri swikombiso swa vuapostola bya mina, swi humesiwile xikarhi ka n'wina, hi ku yingisela hinkwako, hi swikombiso ni masingita ni mahlori.

2 Vakorinto 6:1

Sweswi, leswi hi tirhisanaka na Xikwembu, ha mi khongotela leswaku mi nga tshuki mi va lava amukeleke tintswalo ta Xikwembu mi ti endla swahava.

Timhaka 15:12

Kavaloko ntshungu hinkwawo wu miyela; kutani va yingisa Barnaba na Pawulo loko va ri karhi va vula hilaha Xikwembu xi endleke swikombiso ha vona, ni masingita layo tala exikarhi ka matiko.

Timhaka 15:4

Kuteloko va fikile eYerusalema, va amukeriwa hi kereke, ni vaapostola, ni vakulukumba; kutani va va byela hinkwaswo leswi Xikwembu xi swi endleke ha vona.

Matewu 23:7

ni ku losiwa emitsendzeleni, ni ku vuriwa hi vanhu: Rabi (hileswaku mufundhisi).