Timhaka 20:37 - Xitsonga (Bibele)

³⁷ Kavaloko hinkwavo va khomiwa hi ku rila ngopfungopfu, kutani va tiwisela enhan'wini ya Pawulo, va n'wi ntswontswa.

BIBELE Mahungu Lamanene

³⁷ Kutani hinkwavo va sungula ku rila swinene, va vukarha Pawulo, va n'wi ntswontswa;

Testamente Leyimpsha Xichangana

³⁷ Kutani hinkwavu vasungula kurila svinene, vavukarha Pawulo, vamun'qunta;

Timhaka 20:37 Referans Kwoze

2 Timotiya 1:4

kutani ndzi navela ngopfu ku ku vona leswaku ndzi va ni ku tsaka;

Nhlavutelo 21:4

Xikwembu xi ta hlangula mihloti hinkwayo emahlweni ya vona, kutani rifu a ri nga ha vi kona, a ku nga ha vi na nkosi, hambi ku ri ku kolola, kumbe ku vaviseka, hikuva leswo sungula swi hundzile.”

1 Vatesalonika 5:26

Rungulani vamakwavo hinkwavo hi ku ntswontswa loku tengeke.

2 Vakorinto 13:12

Xewetanani hi ku ntswontswana loku tengeke. Vahlawuriwa hinkwavo va mi rungula.

1 Vakorinto 16:20

Vamakwavo hinkwavo va mi rungula. Rungulanani hi ku ntswontswana loku tengeke.

Varhoma 16:16

Rungulanani hi ku ntswontswana loku hlawuriweke. Tikereke hinkwato ta Kriste ta mi rungula.

Luka 15:20

Kwalaho a pfuka, a ya eka tata wa yena. Kakuloko a ha ri ekule, tata wa yena a n'wi vona, a n'wi twela vusiwana; kutani a tsutsuma, a wela enhan'wini ya yena, a n'wi ntswontswa.

Nhlavutelo 7:17

hikuva Xinyimpfana lexi nga exikarhi ka xiluvelo xi ta va risa, xi va yisa eswihlobyeni swa mati ya vutomi, kutani Xikwembu xi ta hlangula mihloti hinkwayo emahlweni ya vona.”

Pisalema 126:5

Lava byalaka loko va ri karhi va rila, Va ta tshovela va huwelela hi ku tsaka.

Ntirho 2:12

Kuteloko va tlakuse mahlo va ha ri kule, a va n'wi tivanga; kutani va tlakusa marito, va rila, va handzula tinguvu ta vona va tikhuva hi ntshuri etinhlokweni ta vona, va wu tsutsuxa ehenhla.

Ezra 10:1

Ezra a ku a ha khongela, a tivula, a ri karhi a rila, a khinsamile emahlweni ka yindlu ya Xikwembu, ku hlengeletana eka yena nhlengeleto leyikulu ngopfu, ya Vaisraele, vavanuna, ni vavasati, ni vana; kambe tiko ri rila hi ku vaviseka lokukulu.

2 TIHOSI 20:3

“Oho! Yehovha, wa nga anakanya leswaku ndzi fambile emahlweni ka wena hi ku lulama, ni mbilu leyi tengeke, ndzi endlile leswinene emahlweni ka wena.” Kutani Hezekiya a rila ngopfu.

2 SAMIELE 15:30

Kutani Davhida a a tlhandluka ntshava ya mitlhwari, a ri karhi a rila; nhloko ya yena yi funengetiwile, a famba a nga ri na tintanghu emilengeni; kutani vanhu hinkwavo va tiko lava ngi va ri na yena a va tifunengeta tinhloko va rila loko va ri karhi va tlhandluka.

1 SAMIELE 20:41

Kuteloko wandzisanyana a sukile, Davhida a yima a languta edzongeni, a tiwisa ehansi emombyeni, a khinsama kanharhu. Kutani va ntswontswana va rila swin'we; Davhida a rila ngopfu ku tlurisa.

Genesa 46:29

Kutani Yosefa a bohela kalichi yakwe, a khandziya, a ya hlangana na Israele, tata wakwe, eGoxeni, kutani a humelela eka yena, a wela enhan'wini ya yena, a rila a hlwela enhan'wini ya yena.

Genesa 45:14

Kavaloko a wela enhan'wini ya Benjamini, ndzisana ya yena, a rila; Benjamini na yena a rila enhan'wini ya yena.

1 TIHOSI 19:20

Kavaloko Elixa a tshika tihomu ta yena, a tsutsuma endzhaku ka Eliya, a ku: “Wa nga ndzi pfumelela ku ya ntswontswa tatana na manana, kutani ndzi ta ku landza.” Eliya a ku eka yena: “Famba, u tlhela u vuya. Ntsena anakanya lexi ndzi ku endleke xona.”