Timhaka 20:35 - Xitsonga (Bibele)

³⁵ Ndzi mi kombisile eswilweni hinkwaswo leswaku hi ku tirhisa sweswo, ku fanekele ku pfuniwa lavo tsana, ni ku anakanya rito ra Hosi Yesu, leri a nga ri vula hi xiviri xa yena, loko a te: ‘Ku nyika, i ku kateka loku tlurisaka ku nyikiwa.’ ”

BIBELE Mahungu Lamanene

³⁵ Eswilweni hinkwaswo ndzi mi kombisile leswaku, hi ku tikarhata hi mukhuva lowu, hi fanele ku pfuna lava tsaneke, naswona hi tsundzuka marito ya Hosi Yesu, lawa a nga ma vula hi xiviri xa yena loko a te: ‘Ku nyika i nkateko lowu tlulaka ku nyikiwa.’ ”

Testamente Leyimpsha Xichangana

³⁵ Svilo hinkwasvu ni mikombisile, lesvaku hi kutikarhata hi ndlela leyi, hifanele kupfuna lavatsaneke, nasvona hitsundzuka marito ya Hosi Yesu, lawa angamahlaya hi xiviri xa yena loko aku: ‘Kunyika i nkateko lowutlulaka kunyikiwa.’”

Timhaka 20:35 Referans Kwoze

Vaheveru 13:16

Mi nga karhaleni ku endlela vanhu leswinene ni ku hanana, hikuva Xikwembu xi tsakisiwa hi magandzelo layo tano.

Swivuriso 19:17

La tsetselaka xisiwana u lomba Yehovha, Kutani Yehovha u ta hakela ku endla ka yena.

Matewu 10:8

Hanyisani lava vabyaka, pfuxani vafi, mi basisa va nhlokonho, mi hlongola mademona. Mi nyikiwile ntsena; na n'wina, va nyikeni ntsena.

2 Vakorinto 8:9

Hikuva mi tiva tintswalo ta Hosi ya hina Yesu Kriste, hikuva loko a ri karhi a fuwile, u tiendle xisiwana hikwalaho ka n'wina, leswaku mi kuma ku fuwa evusiwaneni bya yena.

1 Vatesalonika 5:14

Kambe, vamakwerhu, ha mi khongotela, hi ri: Layani lava nga fambiki hi nawu, mi chavelela lava karheleke timbilu, mi tiyisa lava tsaneke, mi va lehisela mbilu hinkwavo.

Varhoma 15:1

Kutani hina va matimba, hi fanele ku rhwala ku hluleka ka lava tsaneke, kambe hi nga tshuki hi lava leswi tsakisaka hina ntsena.

Timhaka 20:27

hikuva a ndzi tshikanga ku mi byela makungu hinkwawo ya Xikwembu.

Esaya 35:3

Nyikani mavoko lama tsaneke matimba, mi va mi tiyisa matsolo lama rhekarhekaka!

Vaheveru 13:3

Anakanyani lava bohiweke, kukota loko ngi mi bohiwile na vona; ni lava xanisiwaka, kukotisa leswi mi nga ni miri, na n'wina.

Vaefesa 4:28

Loyi a nga tshama a yiva, a a nga ha engeti a yiva, kambe a a tikarhate ku tirha leswinene hi mavoko ya yena a ta tiva ku nyika eka loyi a nga evusiwaneni.

Timhaka 20:20

ni hilaha ndzi nga mi fihlelangiki mhaka, hambi yi ri yin'we ya leti mi pfunaka, ndzi nga tshikangi ku mi byela ni ku mi dyondzisa tona erivaleni ni le tindlwini ta n'wina;

Esaya 32:8

Kambe munhu wa vunene u kanela ta ku lulama, u phikelela ta vunene.

2 Vakorinto 12:13

Xana mi tshama mi tluriwa ha vini hi tikereke tin'wana? Xana hi leswi ndzi nga mi tikerisangiki xana? Ndzi tsetseleleni eku dyoheni kuloko.

2 Vakorinto 11:9

hikuva vanhu lava pfaka eMakedoniya, va ndzi pfunile hi leswi ndzi nga swi pfumala. Ndzi chavile ku mi tikela ha nchumu, ni sweswi ndza ha ta endlisa xisweswo.

1 Vatesalonika 4:11

kutani mi dyondza ku hanya hi ku rhula, mi endla swa n'wina ntsena, mi tirha hi mavoko ya n'wina, hilaha hi nga mi byela hakona;

2 Vakorinto 11:12

Kambe leswi ndzi swi endlaka, ndzi ta engeta ndzi swi endla, leswaku loko va ri lava lavaka nkarhi, ndzi va pfumarisa wona, leswaku emhakeni leyi va tidzunisaka ha yena, va kumiwa va ri lava fanaka na hina.

1 Vakorinto 9:12

Kutani loko van'wana swi va lulamela ku endlisa sweswo eka n'wina, xana ngopfungopfu a hi hina xana? Kasi a hi endlanga hi mfanelo yoleyo; kambe hi yingisela hinkwaswo hi nga ti tshuka hi sivela Evhangeli ya Kriste ha nchumu.

Timhaka 20:34

Na n'wina ma swi tiva leswaku mavoko lawa, ma tirhile leswi pfumariweke hi mina ni lava ngi ndzi ri na vona.

Timhaka 20:36

Kuteloko a vulavurile timhaka teto, a khinsama hi matsolo a khongela na vona hinkwavo.

3 Yohane 1:7

Hikuva va fambile hikwalaho ka vito ra xona, va nga amukelanga nchumu eka vamatiko.