Timhaka 20:28 - Xitsonga (Bibele)

²⁸ Sweswi n'wina, tivoneleni, ni ntlhambi hinkwawo lowu Moya lowo Kwetsima wu mi vekeke valanguteri va wona, ku risa kereke ya Hosi, leyi yi nga tifuwela yona hi ngati leyi yi nga ya yona hi xiviri.

BIBELE Mahungu Lamanene

²⁸ Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Testamente Leyimpsha Xichangana

²⁸ Tilanguteleni ke, milangutela ni kereke hinkwayu leyi Moya Wokwetsima wungamiveka kuva vabixopo va yona; risani Kereke ya Xikwembu, leyi xingatikumela yona hi rifu ra N'wana wa xona wa xiviri.

Timhaka 20:28 Referans Kwoze

1 Timotiya 4:16

U tilangutela, wena, ni ku dyondzisa ka wena, kutani u tiya kona, hikuva loko u endlisa sweswo, u ta tihanyisa; u ta hanyisa ni lava ku yingisaka.

Esaya 40:11

Tanihi murisi, u ta risa ntlhambi wa yena; u ta rhola swinyimpfana hi mavoko u ta swi vukarha erhumbyini ra yena, u ta fambisa khwatsi leti an'wisaka.

1 Timotiya 3:2

Kambe swi fanele leswaku murisi a pfumala xisandzu, a va nuna wa nsati un'we, a va ni ku hiteka, ni ku tlhariha, ni mafundza, a rhandza ku amukela vaendzi, a tiva ku dyondzisa,

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Yeremiya 3:15

Ndzi ta mi nyika varisi lava tsakisaka mbilu ya mina, va ta mi risa hi ku tiva ni ku anakanya.

Vaheveru 13:17

Yingisani varisi va n'wina, mi tiveka ehansi ka vona; hikuva va hitekela mimoya ya n'wina, hikuva va ta vutisiwa hi yona; va yingiseni leswaku va swi endla hi ku tsaka, ku nga ri hi ku vilela; hikuva sweswo, swi nga ka swi nga mi humeseli vunene.

1 Timotiya 5:17

Vakulukumba lava risaka swinene a va faneriwe hi ku dzunisiwa kambirhi; ngopfu lava tirhaka hi matimba eritweni ni le ku dyondziseni.

1 Vakorinto 10:32

Mi nga tshuki mi khunguvanyisa Vagriki, hambi va ri Vayuda, hambi yi ri Kereke ya Xikwembu:

Mikiya 5:4

U ta yima, a risa hi matimba ya Yehovha, ni ku kwetsima ka vito ra Yehovha, Xikwembu xa yena; va ta aka hi ku rhula, hikuva u ta va nkulukumba ku yisa emakun'wini ya misava.

Vafilipiya 1:1

Pawulo na Timotiya, malandza ya Yesu Kriste, Eka vakwetsimi hinkwavo lava nga eka Yesu Kriste, lava akeke eFilipiya ni ka varisi ni vadiyakoni va Kereke;

Vaefesa 1:7

ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,

Luka 12:32

“U nga chavi, wee ntlhambinyana, hikuva swi tsakisile Tata wa n'wina ku mi nyika vuhosi.

Ezekiele 34:31

N'wina, tinyimpfu ta mina, ntlhambi lowu ndzi wu risaka, mi vanhu; mina ndzi Xikwembu xa n'wina, ku vula Hosi, Yehovha.”

1 Timotiya 3:5

hikuva loko munhu a nga tivi ku fuma yindlu ya yena, a nga risisa ku yini Kereke ya Xikwembu?

Nhlavutelo 5:9

Kutani va yimbelela risimu lerintshwa, va ku: “U lulameriwe ku teka buku ni ku lemula ku tiyisa ka yona; hikuva u tlhaviwile, kutani u kutsulele Xikwembu hi ngati ya wena vanhu va tinxaka hinkwato, ni va tindzimi hinkwato, ni va swivongo hinkwaswo, ni va matiko hinkwawo;

1 Timotiya 4:14

U nga rivali nyiko leyi u nga na yona, leyi u yi nyikiweke hi ku bvumbha, hi ku tlhandleka ka mavoko ya nhlengeletano ya vakulukumba.

Vaefesa 1:14

moya lowu, i xirhangana xa ndzhaka ya hina, hi kondza hi kuma ku kutsuriwa ka lava Xikwembu xi tifuweleke vona, ku va eku dzuniseni ka ku kwetsima ka xona.

Vagalatiya 1:13

Hikuva mi twile ta mahanyelo ya mina ya khale, loko ndza ha ri eVuyudeni, hilaha ndzi nga xanisa hakona kereke ya Xikwembu hi ku kariha loko nghasi, a ndzi ri karhi ndzi yi hangalasa,

Timhaka 20:29

Hikuva ndza swi tiva leswaku loko ndzi sukile, ku ta nghena exikarhi ka n'wina timhisi leto leva, leti nga tiki tsetselela ntlhambi;

Timhaka 20:17

Loko a ri eMileta, a rhumela le Efesa ku ya vitana vakulukumba va kereke.

Timhaka 14:23

Kutani va va vekela vakulukumba ekerekeni yin'wana ni yin'wana, hi ku khongela ni ku titsona swakudya; kutani va va veka eka Hosi leyi va pfumeleke eka yona.

Mikiya 7:14

Risa hi nhonga tiko ra wena, ti nga tinyimpfu ta ndzhaka ya wena, leti tshameke ti ri toxe exihlahleni lexi nga exikarhi ka Karmele; a ti humele eBaxani ni le Giliyadi, kukotisa masiku ya khale.

1 Petro 2:25

Hikuva a mi fana ni tinyimpfu leti lahlekeke, kambe sweswi, mi tlhele mi hundzukela eka murisi ni mulanguteri wa mimoya ya n'wina.

1 Petro 2:9

Kambe loko mi ri n'wina, mi rixaka leri hlawuriweke, mi vaprista va Hosi, mi tiko lero kwetsima, tiko leri xaviweke, leswaku mi twarisa matimba ya la mi vitaneke ku huma emunyameni, mi ya nghena eku vonakaleni ka yena loku hlamarisaka;

Vakolosa 4:17

Kutani mi nge eka Arkipo: “Tilangutisele ntirho lowu u wu averiweke hi Hosi, leswaku u wu heta swinene.”

Vaefesa 4:11

Kutani wa ha ri yena la nyikeke van'wana va va vaapostola, van'wana vaprofeta van'wana vavuri va Evhangeli, van'wana varisi ni vadyondzisi,

1 Vakorinto 15:9

kambe a ndzi fanelanga ku vuriwa muapostola, hikuva ndzi xanisile kereke ya Xikwembu.

1 Vakorinto 1:2

eka kereke ya Xikwembu leyi nga eKorinto, lava kwetsimisiweke eka Yesu Kriste, lava vitaniweke vakwetsimi, ni ka hinkwavo lava khongelaka ematlhelweni hinkwawo vito ra Hosi ya hina Yesu Kriste, yi nga Hosi ya vona ni ya hina;

Luka 21:34

“Kambe tivoneni leswaku timbilu ta n'wina ti nga tshuki ti tikeriwa hi madyo, ni ku pyopya, ni ku vilela hi swa vutomi lebyi, kutani siku lero ri mi khoma hi xipuku;

1 Yohane 1:7

Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

Vaheveru 12:15

mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

Tito 1:7

Hikuva swi fanele murisi leswaku a va munhu la nga riki na xisandzu, hikuva i mulaveleri wa Xikwembu; a nga tshuki a va la tirhandzaka, ni mukarihi, ni la pyopyiwaka hi vhinyo, ni la lavaka rifuwo hi ku dyelela;

Vakolosa 1:14

yeloyi hi nga ni ku kutsuriwa ha yena, ku nga ku rivaleriwa ka swidyoho.

1 Vakorinto 11:22

Xana a mi na tindlu ta ku dyela ni ta ku nwela kona xana? Kumbe mi sandza Kereke ya Xikwembu, kumbe mi khomisa lava nga riki na nchumu tingana xana? Ndzi to yini eka n'wina? Ndzi ta mi khensa xana? E-e, eka sweswo a ndzi mi khensi.

Marka 13:9

“Kambe n'wina, tilanguteleni; hikuva va ta mi yisa etihubyeni ni le masinagogeni; mi ta biwa, mi yimisiwa emahlweni ka tindhuna ni tihosi hikwalaho ka mina, mi va timbhoni eka vona.

Matewu 16:18

Kambe ndzi ri eka wena: U Petro (hileswaku ribye), ehenhla ka ribye rero, ndzi ta aka kereke ya mina, kutani tinyangwa ta xivandla xa vafi ti nga ka ti nga yi hluli.

Matewu 2:6

‘Na wena Betlehema, tiko ra Yuda, a ku ntsongo exikarhi ka tihosi ta Yuda, hikuva ku ta huma eka wena mufambisi la nga ta risa tiko ra mina ra Israele.’ ”

Zakariya 11:4

Yehovha, Xikwembu xa mina, u te eka mina: “Risa tinyimpfu leti dlayiwaka, leti lava nga ti xava, va ti dlayaka va nga vekiwi nandzu,

Ezekiele 34:3

Mi dya mafurha, mi tifunengeta hi voya bya tinyimpfu; mi tlhava leti noneke, kambe a mi phameri ntlhambi.

Yeremiya 13:20

“Yimisa mahlo ya wena, u languta lava humaka en'walungwini! Wu kwihi ntlhambi lowu ngi u wu nyikiwile, ntlhambi wa ku twala ka wena?

Yeremiya 13:17

Kungakuloko mi nga yingisi sweswo, mbilu ya mina yi ta rila exihundleni hikwalaho ka ku tikukumuxa ka n'wina, mahlo ya mina ma ta rila, ma va ma rila ma halata mihloti, hikuva ntlhambi wa Yehovha wa yisiwa evukhumbini.

Esaya 63:11

Tiko ra yena ri tsundzuka masiku ya khale ya Muxe: u kwihi la nga va humesa elwandle, ni murisi wa ntlhambi wa yena? U kwihi la nga veka exikarhi ka vona moya wa yena lowo kwetsima;

Swivuriso 10:21

Milomu ya la lulameke yi hanyisa lavo tala, Kasi swihunguki swi lova hi ku pfumala mano.

Pisalema 74:2

Tsundzuka tiko leri u nga titekela rona khale, Leri u nga ri kutsula tani hi rixaka ra ndzhaka ya wena! Tsundzuka ntshava ya Siyoni, leyi u nga titshamela eka yona.

Yeremiya 31:10

“Yingisani rito ra Yehovha, n'wina matiko, mi tivisa swihlale swa le kule, mi ku: ‘La hangalaseke Israele wa n'wi hlengeleta, u ta n'wi risa kukotisa murisi la rixaka ntlhambi wa yena.’

Varhoma 16:16

Rungulanani hi ku ntswontswana loku hlawuriweke. Tikereke hinkwato ta Kriste ta mi rungula.

1 Vakorinto 6:20

ni leswaku a mi tifumi? Hikuva mi kutsuriwile hi nxavo lowo nonon'hwa; dzunisani Xikwembu hakona emirini wa n'wina, ni le moyeni wa n'wina leswi nga swa Xikwembu.

1 Timotiya 3:1

Rito leri ri tiyile, leri nge: Munhu loko a tinavelela vurisi, u navela ntirho lowo saseka.

Tito 2:14

la titshikeleke hina, a ta hi kutsula eku hombolokeni hinkwako, a va a hi hlantswa ku tiendla ha hina tiko leri nga ra yena hi xiviri, leri chivirikelaka emitirhweni leyinene.