Timhaka 20:21 - Xitsonga (Bibele)

²¹ ndzi ri karhi ndzi vula eka Vayuda ni ka Vagriki, vumbhoni bya ku hundzukela eka Xikwembu, ni ku pfumela eka Yesu Kriste, Hosi ya hina.

BIBELE Mahungu Lamanene

²¹ Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.

Testamente Leyimpsha Xichangana

²¹ Nitsundzuxile svinene Vayuda ni Vagirika kuhundzukela ka Xikwembu ni kupfumela ka Hosi ya hina Yesu.

Timhaka 20:21 Referans Kwoze

Timhaka 2:38

Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

Timhaka 11:18

Kuteloko va twile timhaka teto, va miyela; kutani va dzunisa Xikwembu, va ku: “Kunene, Xikwembu xi nyikile ni vamatiko ku hundzuka leswaku va vona vutomi!”

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

Luka 13:3

E-e, kambe ndzi ri eka n'wina: Loko mi nga hundzuki, mi ta lovisa sweswo hinkwenu.

2 Vakorinto 7:10

Hikuva ku khomiwa hi tingana hi mukhuva lowu rhandziwaka hi Xikwembu ku humesa ku tisola loku nga ni ku hanya ku nga loku nga soriwiki; kambe ku khomiwa hi tingana hi mukhuva wa misava, ku humesa rifu.

Varhoma 10:9

Hikuva loko u vula hi nomu wa wena leswaku Yesu i Hosi, ni loko u pfumela embilwini ya wena leswaku Xikwembu xi n'wi pfuxile eku feni, u ta ponisiwa.

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

1 Yohane 5:5

I mani la hlulaka misava, loko a nga ri loyi a pfumelaka leswaku Yesu i N'wana wa Xikwembu?

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

1 Yohane 5:1

Un'wana ni un'wana la pfumelaka leswaku Yesu i Kriste, u tswariwe hi Xikwembu; kutani un'wana ni un'wana la rhandzaka mutswari wa yena, u rhandza ni la tswariweke hi yena.

Filemoni 1:5

hilaha ndzi yingisaka ku pfumela ka wena eka Hosi Yesu, ni rirhandzu ra wena eka vakwetsimi hinkwavo,

Vaefesa 1:15

Hikwalaho, na mina, mpfhuka ndzi tweke mhaka ya ku pfumela ka n'wina eka Yesu Kriste, ni rirhandzu ra n'wina eka vakwetsimi hinkwavo,

Vagalatiya 2:20

Ndzi vambiwile na Kriste, kutani ndzi hanya, ndzi nga ri mina, kambe i Kriste la hanyaka eka mina, kutani sweswi, loko ndza ha hanya enyameni, ndzi hanya eku pfumeleni ka N'wana wa Xikwembu, la ndzi rhandzeke, a vuya a tinyiketela mina.

Varhoma 5:1

Kutani leswi hi nga hlayiwa lava lulameke hi ku pfumela, hi ni ku rhula eka Xikwembu ha Yesu Kriste Hosi ya hina,

Varhoma 4:24

kambe ku vuriwa na hina, leswaku hi ta ku hlayeriwa, hina lava pfumelaka ka loyi a pfuxeke Yesu, Hosi ya hina, eku feni,

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

Marka 6:12

Kuteloko va sukile va famba va ri karhi va dyondzisa vanhu leswaku va hundzuka.

Marka 1:15

“Mikarhi yi hetisekile, ku fuma ka Xikwembu ku tshinerile; hundzukani mi pfumela Evhangeli.”

Matewu 4:17

Enkarhini wolowo, Yesu a sungula ku dyondzisa, a ku: “Hundzukani, hikuva ku fuma ka matilo ku kusuhi.”

Vagalatiya 3:22

kambe Matsalwa ma pfarile hinkwaswo eku dyoheni, leswaku leswi tshembisiweke swi nyikiwa eka vapfumeri hi ku pfumela eka Yesu Kriste.

Vagalatiya 2:16

hambiswiritano, hi ku tiva leswaku munhu a nga hlayiwi la lulameke hi mitirho ya nawu, kambe hi ku pfumela eka Yesu Kriste, na hina hi pfumele ka Yesu Kriste, hi ta hlayiwa lava lulameke hi ku pfumela eka Kriste, ku nga ri hi mitirho ya nawu; hikuva a ku na munhu la nga ta hlayiwa la lulameke hi mitirho ya nawu.

1 Vakorinto 1:22

Hikuva Vayuda va kombela masingita, Vagriki, vona, va lava vutlhari,

Varhoma 2:4

Kumbe u tsan'wa vunene, ni xivindzi, ni musa wa Xikwembu, u nga tsundzuki leswaku vunene bya xona byi ku byisela eku hundzukeni xana?

Varhoma 1:14

Ndzi ni nandzu eka Vagriki ni ka Vabarbara, eka lavo tlhariha ni ka lavo rivala.

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Timhaka 16:31

Va ku: “Pfumela eka Hosi Yesu Kriste, kutani u ta ponisiwa, wena ni va yindlu ya wena.”

Timhaka 10:43

Hi yena vaprofeta hinkwavo va n'wi vuleke hi mhaka leyi nge: Un'wana ni un'wana la pfumelaka eka yena, u ta kuma ku khomeriwa ka swidyoho hi vito ra yena.”

Timhaka 8:25

Kuteloko vaapostola va vula vumbhoni bya rito ra Hosi, va tlhelela eYerusalema, va ri karhi va vula Evhangeli emitini leyo tala ya Vasamariya.

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Timhaka 2:40

Kutani a tiyisa vumbhoni bya yena hi marito man'wana layo tala, a va khongotela, a ku: “Tiponiseni erixakeni leri ra ku homboloka.”

Yohane 20:31

Kambe timhaka leti, ti tsariwile leswaku mi pfumela leswaku Yesu i Kriste, N'wana wa Xikwembu, ni leswaku, hi ku pfumela, mi va ni vutomi evitweni ra yena.

Yohane 3:36

La pfumelaka eka N'wana, u ni vutomi lebyi nga heriki; kambe la nga yingisiki N'wana, a nga ka a nga voni vutomi, kambe ku kariha ka Xikwembu ku tshame ehenhla ka yena.

Luka 15:10

Ndzi ri eka n'wina: Hi mukhuva wolowo, ku tsaka ku kona emahlweni ka tintsumi ta Xikwembu, hikwalaho ka mudyohi a ri un'we la hundzukaka.”

Luka 15:7

Ndzi ri eka n'wina: Ku tsaka ku ta va kona ematilweni hikwalaho ka mudyohi a ri un'we la hundzukaka, ku tlurisa ku tsaka loku nga ta va kona, hikwalaho ka lava lulameke va ntlhanu wa makume, na mune wa makume, na ntlhanu na mune, lava nga faneriki hi ku hundzuka.

Luka 13:5

Ndzi ri eka n'wina: E-e, kambe loko mi nga hundzuki, mi ta lovisa sweswo hinkwenu.”

Matewu 3:2

“Hundzukani, hikuva ku fuma ka matilo ku tshinele.”

Vakolosa 2:5

Hikuva hambi ndzi nga ri kona hi nyama, hi moya, ndzi na n'wina; kutani ndzi tsakile loko ndzi vona ku lulama ka n'wina, ni ku tiya ka ku pfumela ka n'wina eka Kriste.

Timhaka 24:24

Loko ku hundzile masiku ma nga ri mangani, Felikisi a ta a ri na Drusila nsati wa yena, a nga Muyuda; kutani kuteloko a vitile Pawulo, a n'wi yingisela loko a vula ta ku pfumela eka Kriste.

Timhaka 19:17

Mhaka leyi, yi tiviwa hi Vayuda ni Vagriki, kutani va wela hinkwavo hi nchavo lowukulu; kutani vito ra Hosi Yesu ri dzunisiwa.

Luka 16:28

hikuva ndzi ni vamakwerhu va ntlhanu; u ta va khongotela leswaku va nga tshuki va ta na vona exivandleni lexi xa ku xaniseka.’

Timhaka 20:23

ntsena loko ndzi ri karhi ndzi ya emutini wun'wana ni wun'wana, Moya lowo Kwetsima wu ndzi tivisa leswaku ku bohiwa ni maxangu swi ndzi langutele.