Timhaka 20:20 - Xitsonga (Bibele)

²⁰ ni hilaha ndzi nga mi fihlelangiki mhaka, hambi yi ri yin'we ya leti mi pfunaka, ndzi nga tshikangi ku mi byela ni ku mi dyondzisa tona erivaleni ni le tindlwini ta n'wina;

BIBELE Mahungu Lamanene

²⁰ Ma swi tiva leswaku a ndzi mi fihlelanga nchumu xa leswi swi fanelaka ku mi pfuna, ndzi ri karhi ndzi mi tivisa Rito ni ku mi dyondzisa erivaleni ni le mindyangwini ya n'wina.

Testamente Leyimpsha Xichangana

²⁰ Masvitiva lesvaku animifihlelanga nchumu xa lesvi svifanelaka kumipfuna, na nili karhi nimipaluxela Rito ni kumijondzisa rivaleni ni le minjangwini ya n'wina.

Timhaka 20:20 Referans Kwoze

Timhaka 20:27

hikuva a ndzi tshikanga ku mi byela makungu hinkwawo ya Xikwembu.

2 Timotiya 4:2

Huwelela rito, u phikelela hi nkarhi, ni loko wu nga ri nkarhi; u laya, u tshinya, u khongotela hi ku yingisela hinkwako, ni ku dyondzisa.

Timhaka 5:42

Kutani a va rhutelanga hi masiku hinkwawo ku dyondzisa ni ku vula Evhangeli etempeleni, ni le tindlwini va ku: “Yesu i Kriste.”

Vakolosa 1:28

Hi yena yeloyi hi n'wi vulaka, hi ri karhi hi pfuxa vanhu hinkwavo, hi dyondzisa vanhu hinkwavo eku tlhariheni hinkwako, hi ta humelerisa vanhu hinkwavo va nga lava hetisekeke eka Kriste.

Timhaka 20:31

Hitekani hikwalaho, mi anakanya leswaku hi malembe manharhu a ndzi rhutelanga, vusiku ni nhlekanhi, ku pfuxa un'wana ni un'wana wa n'wina hi mihloti.

1 Vakorinto 15:3

Hikuva emahlweni ka swilo hinkwaswo, ndzi mi nyikile lexi: ndzi xi amukeleke na mina, hileswaku Yesu u fele swidyoho swa hina hilaha Matsalwa ma vulaka hakona,

Duteronoma 4:5

“Langutani, ndzi mi dyondzisile milawu ni ku lerisa, hilaha Yehovha, Xikwembu xa mina, xi ndzi leriseke hakona, leswaku mi ta tirha ha yona etikweni leri mi nghenaka eka rona ku ri fuma.

1 Vakorinto 14:6

Kutani sweswi, vamakwerhu, loko ndzi ta eka n'wina, ndzi vulavula tindzimi, ndzi ta mi pfuna hi mukhuva wihi, loko ndzi nga vulavuri na n'wina hi ku mi pfuletela timhaka, hambi ku ri hi ku tiva, hambi ku ri hi vuprofeta, hambi ku ri hi dyondzo.

1 Vakorinto 12:7

Kutani un'wana ni un'wana u nyikiwa ku vona Moya, leswaku swi pfuna hinkwavo.

Timhaka 2:46

Na swona a va tiyisela etempeleni hi masiku hinkwawo, va ri ni mbilu yin'we, va ri karhi va phema vuswa endlwini yin'wana ni yin'wana, va dya swakudya swa vona hi ku tsaka, ni timbilu leti tengeke,

Marka 4:34

A nga vulanga mhaka loko ku nga ri hi xifaniso; kutani loko va ri enhlambulo, a hlamusela vadyondzisiwa va yena timhaka hinkwato.

Vafilipiya 3:1

Loko swi ri tano, vamakwerhu, titsakeleni eHosini, A ndzi karhali ku mi tsalela timhaka ti ri tin'we, hikuva mi tiyisiwa ha tona.

Timhaka 5:2

kuteloko a tipambulele mali ya yona, hi ku pfumelelana ni nsati wa yena; a tisa leswi seleke, a swi veka emilengeni ya vaapostola.

Yeremiya 26:2

“Yehovha u vula, a ku: Famba, u yima erivaleni ra yindlu ya Yehovha, u byela va miti hinkwayo ya Yuda, lava nghenaka ku ya khinsama endlwini ya Yehovha marito hinkwawo lawa ndzi ku lerisaka ku va byela wona; u nga va fihleli rito, hambi ri ri rin'we.

Yeremiya 42:4

Kutani muprofeta Yeremiya a va byela, a ku: “Ndzi swi twile; vonani, ndzi ta mi khongelela eka Yehovha, Xikwembu xa n'wina, hi marito ya n'wina; ndzi ta mi byela rito rin'wana ni rin'wana leri Yehovha a nga ta hlamula rona, ndzi nga ka ndzi nga mi fihleri nchumu.