Timhaka 2:47 - Xitsonga (Bibele)

⁴⁷ va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

BIBELE Mahungu Lamanene

⁴⁷ va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi a yi engetela nhlengeletano ya vona hi lava a va ri karhi va ponisiwa.

Testamente Leyimpsha Xichangana

⁴⁷ na vali karhi vadzunisa Xikwembu, vatsakeliwa hi tiko hinkwaru. Kutani siku rin'wana ni rin'wana Hosi ayiyengetela nhlengeletanu ya vona hi lava avali karhi vaponisiwa.

Timhaka 2:47 Referans Kwoze

Timhaka 16:5

Hi mukhuva wolowo tikereke ti tiyisiwa eku pfumeleni, kambe a ti andza siku rin'wana ni rin'wana.

1 Vakorinto 1:18

Hikuva mhaka ya xihambano, i vuhunguki eka lava lovaka; kambe eka hina lava hlayisekaka, i matimba ya Xikwembu.

Timhaka 2:41

Vona-ke, lava amukeleke rito ra yena hi ku tsaka, va khuvuriwa; kutani ku engeteriwa siku lero vanhu lava lavaka ku va makume manharhu ya madzana.

Timhaka 2:39

Hikuva ku tshembisa loku, ku hlayeriwe n'wina ni vana va n'wina, ni hinkwavo lava nga ekule, lava va ha taka vitiwa hi Hosi, Xikwembu xa hina.”

Varhoma 14:18

Hikuva la tirhelaka Kriste eswilweni sweswo, u tsakisa Xikwembu, kambe u yimeriwa hi vanhu.

Timhaka 11:24

Hikuva a a ri wanuna wa tintswalo, la teleke Moya lowo Kwetsima ni ku pfumela; kutani ntshungu lowukulu wu namarhela Hosi.

Timhaka 13:48

Kutani vamatiko, loko va twa sweswo, va tsaka, va dzunisa rito ra Hosi; kutani hinkwavo lava hlawuleriweke vutomi lebyi nga heriki, va pfumela.

Varhoma 9:27

Kambe, na yena Esaya u huwelele ehenhla ka Israele, a ku: “Hambi ntsengo wa vana va Israele wu nga kotisa sava ra lwandle, ku ta hlayiseka ntlawanyana ntsena;

Varhoma 8:30

Kutani lava xi va hlawuleke eku sunguleni, xi engetile xi va vitana; kutani lava xi va vitaneke xi engete xi va khanisa kutani lava xi va khaniseke, xi vuya xi va dzunisa.

Luka 2:52

Loko a ri Yesu, a kula eku tlhariheni, ni le ku leheni, ni le tintswalweni, emahlweni ka Xikwembu ni vanhu.

Timhaka 4:21

Kutani va va tshunxa va ri karhi va va holovela, va nga voni hilaha va nga va baka hakona hikwalaho ka tiko, hikuva hinkwavo a va dzunisa Xikwembu hikwalaho ka leswi endliweke.

Timhaka 4:33

Vaapostola a va ri karhi va tiyisa hi matimba lamakulu vumbhoni bya ku pfuka ka Hosi Yesu, kutani ku kateka lokukulu a ku tshama ehenhla ka vona hinkwavo.

Luka 19:48

Kambe va tsandzeka ku endla nchumu, hikuva vunyingi hinkwabyo a byi n'wi yingisa.

Timhaka 4:4

Hambiswiritano, lavo tala va lava tweke rito, va pfumela: ntsengo wa vavanuna wu lava ku va ntlhanu wa makume ya madzana (5 000).

Timhaka 6:1

Hi masiku walawo, loko vadyondzisiwa va andzile ngopfu, Vahelenista va dzumadzumela Vaheveru, hikuva vavasati va vona va tinoni a va siyiwa eku nyikiweni ka siku rin'wana ni rin'wana.

Timhaka 6:7

Kutani rito ra Xikwembu ri ri karhi ri andza hi ku ya emahlweni, na vona vadyondzisiwa va andza ngopfu eYerusalema, ku pfumela ni vaprista lavo tala.

Timhaka 9:31

Kambe tikereke a ti tshamile hi ku rhula hinkwako etikweni ra Yudiya, ni ra Galeliya, ni ra Samariya, ti akisiwa, ti famba exichabyeni xa Hosi; kutani ti andza hi ku chavelela ka Moya lowo Kwetsima.

Timhaka 9:35

Kutani hinkwavo lava akeke eLida ni le Xaroni, loko va n'wi vona, va hundzukela eka Hosi.

Timhaka 11:21

Kutani voko ra Hosi ri va na vona; vanhu lavo tala va pfumela, va hundzukela eka Hosi.

Timhaka 14:1

Pawulo na Barnaba, loko va ri eIkoniya, va nghena kun'we esinagogeni ya Vayuda, va dyondzisa kona, kutani ku pfumela vunyingi lebyikulu bya Vayuda ni bya Vagriki.

Timhaka 14:21

Kuteloko va vurile Evhangeli emutini lowo, ni ku endla vadyondzisiwa lavo talanyana, va tlhelela eListra na Ikoniya na Antiyoka,

Timhaka 17:12

Kutani lavanyingi exikarhi ka vona va pfumela, ni vavasati lavakulu va Vagriki, ni vavanuna lavo tala.