Timhaka 2:38 - Xitsonga (Bibele)

³⁸ Petro a ku eka vona: “Hundzukani, kutani un'wana ni un'wana a khuvuriwa hi vito ra Yesu Kriste, eku khomeriweni ka swidyoho; kutani mi ta amukela nyiko wu nga Moya lowo Kwetsima.

BIBELE Mahungu Lamanene

³⁸ Petro a ku ka vona: “Hundzukani, kutani un'wana ni un'wana wa n'wina a khuvuriwa hi vito ra Yesu Kriste, leswaku mi rivaleriwa swidyoho swa n'wina; kutani mi ta amukela nyiko, wu nga Moya lowo Kwetsima,

Testamente Leyimpsha Xichangana

³⁸ Petrosi aku ka vona: “Hundzukani, kutani mun'wana ni mun'wana wa n'wina akhuvuliwa hi vito ra Yesu Kriste, lesvaku mirivaleliwa svijoho sva n'wina; kutani mitayamukela nyiko, wunga Moya Wokwetsima,

Timhaka 2:38 Referans Kwoze

Timhaka 22:16

Kutani sweswi, u hlwelela yini? Yima u khuvuriwa, u hlantswiwa ku dyoha ka wena hi ku khongela vito ra yena.’

Marka 16:16

La nga ta pfumela, kutani a khuvuriwa u ta hlayiseka; kambe la nga pfumeriki, u ta avanyisiwa.

Timhaka 8:12

Kambe kuteloko va pfumela eka Filipi, loyi a va byelaka Evhangeli ya ku fuma ka Xikwembu, ni vito ra Yesu Kriste, vavanuna ni vavasati van'wana va khuvuriwa.

Luka 24:47

ku ta vuriwa hi vito ra yena ku hundzuka ni ku rivaleriwa ka swidyoho exikarhi ka matiko hinkwawo, ku sungula hi Yerusalema.

1 Petro 3:21

kutani wa hi ponisa ni namuntlha hi ku khuvula, yi nga mhaka leyi nga fanisiwa khale, ku nga ri hi ku hlantswa thyaka ra miri, kambe ku ri ku tiboha hi ripfalo lerinene eka Xikwembu, hi ku pfuka ka Yesu Kriste,

Timhaka 10:48

Kutani a lerisa leswaku va khuvuriwa hi vito ra Yesu Kriste. Kambe va n'wi kombela leswaku a xwa na vona masiku ma nga ri mangani.

Timhaka 3:19

“Hundzukani hakona, mi tlhelela eka Xikwembu, leswaku swidyoho swa n'wina swi hlanguriwa,

Varhoma 6:3

Xana a mi swi tivi leswaku hina hinkwerhu lava hi khuvuriweke eka Yesu Kriste, hi khuvuriwile erifuni ra yena xana?

Matewu 4:17

Enkarhini wolowo, Yesu a sungula ku dyondzisa, a ku: “Hundzukani, hikuva ku fuma ka matilo ku kusuhi.”

Matewu 3:2

“Hundzukani, hikuva ku fuma ka matilo ku tshinele.”

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

Timhaka 20:21

ndzi ri karhi ndzi vula eka Vayuda ni ka Vagriki, vumbhoni bya ku hundzukela eka Xikwembu, ni ku pfumela eka Yesu Kriste, Hosi ya hina.

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Timhaka 26:18

ku ya hanyanyisa mahlo ya vona, leswaku va huma emunyameni va nghena eku vonakaleni, va suka ni le ku fumeni ka Satana ku hundzukela eka Xikwembu, va ta vona ku khomeriwa ka swidyoho swa vona, ni ku averiwa exikarhi ka vakwetsimi, loko va pfumerile eka mina.’

Tito 3:5

u hi hanyisile, ku nga ri hi mitirho leyinene leyi tirhiweke hi hina, kambe hi tintswalo ta xona, hi ku hlantswa ka ku tswariwa ra vumbirhi, ni vuntshwa bya Moya lowo Kwetsima,

Marka 1:15

“Mikarhi yi hetisekile, ku fuma ka Xikwembu ku tshinerile; hundzukani mi pfumela Evhangeli.”

Timhaka 16:15

Kutani, kuteloko a khuvuriwile ni va yindlu ya yena, a hi khongela, a ku: “Loko mi ndzi kumile ndzi ri la tshembekeke kunene eka Hosi, mi nga nghena endlwini ya mina, mi tshama kona”; a phikelela leswaku hi ya kona.

Timhaka 8:20

Kambe Petro a ku eka yena: “Mali ya wena a yi love na wena, leswi u nga ehleketa leswaku ku nyika ka Xikwembu ku xaviwa hi mali!

Timhaka 5:31

Hi yena loyi Xikwembu xi nga n'wi tlakusela evokweni ra xona ra xinene leswaku a va yena Hosi ni Muponisi, a ta nyika Israele ku hundzuka ni ku khomeriwa ka swidyoho.

Zakariya 12:10

Ndzi ta chela ehenhla ka yindlu ya Yuda ni le henhla ka vaaki va Yerusalema, moya wa tintswalo ni wa mikhongelo; kutani va ta languta eka mina loyi va n'wi tlhaveke. Va ta n'wi rilela kukota loko va rilela n'wana la nga tswariwa a ri yexe va hlomuka ngopfu ehenhla ka yena, kukotisa loko va hlomukela n'wana wa mativula.

Esaya 59:21

“Ntwanano wa mina na vona hi lowo,” ku vula Yehovha: “Moya wa mina, lowu nga ka wena, ni marito ya mina, lawa ndzi ma vekeke enon'wini wa wena, ma nga ka ma nga humi enon'wini wa wena, ni le milon'wini ya vana va wena, ni le milon'wini ya vana va vana va wena,” ku vula Yehovha, sweswi ni masiku!

Esaya 32:15

ku fikela loko moya wa le henhla wu cheriwa ehenhla ka hina, ni loko mananga ma hundzuka mitanga, kutani ntanga wu fanisiwa ni xihlahla.

Ezekiele 39:29

Ndzi nga ka ndzi nga ha va fihleli mombo wa mina, hikuva ndzi ta chela moya wa mina ehenhla ka yindlu ya Israele ku vula Hosi Yehovha.”

Esaya 59:20

“Ku ta ta loyi a nga ta kutsula Siyoni, ni va ka Yakobo lava nga ta hundzuka eku tiariseni ka vona,” ku vula Yehovha.

Matewu 3:6

kutani a va khuvuriwa hi yena eYordani, va ri karhi va tivula swidyoho swa vona.

Luka 3:10

Kutani vunyingi byi n'wi vutisa, byi ku: “Loko swi ri tano, hi ta endla yini xana?”

Timhaka 10:43

Hi yena vaprofeta hinkwavo va n'wi vuleke hi mhaka leyi nge: Un'wana ni un'wana la pfumelaka eka yena, u ta kuma ku khomeriwa ka swidyoho hi vito ra yena.”

Timhaka 13:38

“Vavanuna varikwerhu, swi tiveni hikwalaho, leswaku mi byeriwa ha yena ntsena ku rivaleriwa ka swidyoho,

Vaefesa 1:7

ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona,