Timhaka 2:35 - Xitsonga (Bibele)

³⁵ ndzi ko ndzi endla valala va wena vunavelo bya milenge ya wena.’

BIBELE Mahungu Lamanene

³⁵ ndzi kondza ndzi veka valala va wena ehansi ka minkondzo ya wena.’

Testamente Leyimpsha Xichangana

³⁵ kukondza niveka valala va wena hansi ka minkondzo ya wena.

Timhaka 2:35 Referans Kwoze

Nhlavutelo 19:19

Kutani ndzi vona xivandza, ni tihosi ta misava ni mavandla ya tona, va hlengeletene ku ta lwa ni loyi a khandziyeke mangwa ni mavandla ya yena.

Varhoma 16:20

Xikwembu xa ku rhula, hi xona lexi nga ta hatlisa ku pfotlosa Satana ehansi ka milenge ya n'wina. Tintswalo ta Yesu Kriste, Hosi ya hina, a ti ve na n'wina!

Esaya 60:14

Vana va vaxanisi va wena va ta ta eka wena hi ku titsongahata, kutani hinkwavo lava ku soleke va ta khinsama emilengeni ya wena; u ta vuriwa muti wa Yehovha, Siyoni wa Mukwetsimi wa Israele.

Esaya 59:18

U ta tlherisela un'wana ni un'wana hi mitirho ya yena, vukari eka valala va yena, ni ku ba eka lava n'wi vengaka, u ta tlherisela swihlale hi mfanelo.

Pisalema 72:9

Lava tshamaka emananga va ta khinsama emahlweni ka yona, Ni valala va yona va ta nantswa ntshuri.

Luka 19:27

Loko va ri valala va mina lava nga swi rhandziki leswaku ndzi va fuma, va tiseni kwala, mi va dlaya emahlweni ka mina.’ ”

Esaya 49:23

Tihosi ti ta va vawundli va wena, ni makosikazi va ta va vaan'wisi va wena, va ta korhamela ehansi emahlweni ka wena, va ta nantswa ntshuri wa milenge ya wena, kutani u ta swi tiva leswaku hi mina Yehovha, ni leswaku lava ndzi tshembaka va nga ka va nga vi na tingana.”

Genesa 3:15

Ndzi ta veka ku vengana exikarhi ka wena ni wansati, ni xikarhi ka rixaka ra wena ni rixaka ra wansati; ri ta ku faya nhloko, wena u ri luma xirhendze.”

Pisalema 110:1

Yehovha u te eka hosi ya mina: “Tshamisa evokweni ra mina ra xinene, Ndzi ko ndzi endla lava nga valala eka wena Vunavelo bya mikondzo ya wena.”

Timhaka 2:34

Hikuva Davhida a nga tlhandlukelanga ematilweni, kambe hi yena la nga te: ‘Hosi yi te eka Hosi yanga: Tshamisa evokweni ra mina ra xinene,

Timhaka 2:36

Hikwalaho, yindlu hinkwayo ya Israele yi fanele ku tiva swinene leswaku Xikwembu xi n'wi endle Hosi ni Kriste, Yesu loyi mi n'wi vambeke.”