Timhaka 19:26 - Xitsonga (Bibele)

²⁶ kutani ma swi vona, ni ku swi twa leswaku Pawulo loyi, u khorwisile vanhu lavo tala, ku nga ri eEfesa ntsena, kambe swi lava ku va etikweni ra Asiya hinkwaro, a va hambukisa, a ku: ‘Swikwembu leswi endliweke hi mavoko a hi swikwembu.’

BIBELE Mahungu Lamanene

²⁶ Kutani ma swi vona, ni ku swi twa, leswaku Pawulo loyi ú kucetele vanhu lavo tala, ku nga ri la Efesa ntsena, kambe ú lavile ku eneta ni tiko hinkwaro ra Asiya; wa va hambukisa hi ku vula leswaku swikwembu leswi endliweke hi vanhu a hi swikwembu.

Testamente Leyimpsha Xichangana

²⁶ kutani masvivona, ni kusvitwa, lesvaku Pawulo lweyi akucetele vanhu lavanyingi, kungali lana Efesa ntsena, kambe alavile kuyeneta ni tiko hinkwaru ra Aziya; wa vahambukisa hi kuvula lesvaku svikwembu lesviyendliweke hi vanhu ahi svikwembu.

Timhaka 19:26 Referans Kwoze

1 Vakorinto 8:4

Loko ku ri ku dya leswi tlhaveriweke swifaniso, ha swi tiva leswaku xifaniso a hi nchumu emisaveni, hikuva a ku na xikwembu ximbe loko xi nga ri xin'we ntsena.

Timhaka 17:29

Kutani leswi hi nga rixaka ra Xikwembu, a hi fanelanga ku anakanya leswaku vukwembu byi fana ni nsuku, hambi ntsopfu, kumbe ribye, yi nga mitirho ya vutlhari ni miehleketo ya vanhu.

Nhlavutelo 9:20

Kambe vanhu lava seleke, lava nga dlayiwangiki hi makhombo walawo, a va hundzukanga emitirhweni ya mavoko ya vona; a va tshikanga ku gandzela mademona, ni swifaniso swa nsuku, ni swa silivhere, ni swa koporo, ni swa maribye, ni swa mitsandze, leswi nga voniki, ni ku yingisa, ni ku famba.

Timhaka 19:10

Timhaka teto ti tshama ti va tano hi malembe mambirhi; hikwalaho, hinkwavo lava akeke eAsiya, Vayuda ni Vagriki, va yingisa rito ra Hosi.

Timhaka 14:15

“Vavanuna, mi endlisela yini sweswo xana? Kasi na hina hi vanhu lava fanaka na n'wina hi ntumbuluko; kutani ho mi byela leswaku mi tshika timhaka leti ta swahava, ni leswaku mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga eka swona;

Duteronoma 4:28

mi ta tirhela kona swikwembu leswi endliweke hi mavoko ya vanhu, wu ri ntsandze ni ribye, leswi nga voniki, ni leswi nga yingisiki ni leswi nga dyiki, ni leswi nga nun'hweteriki.

1 Vatesalonika 1:9

Hikuva vanhu va rungula maenghenelo ya hina eka rikwenu, ni hilaha mi nga hundzukela hakona eka Xikwembu, mi fularhela swifaniso ku tirhela Xikwembu lexi hanyaka, xa ntiyiso;

Vagalatiya 4:8

Kambe khale; loko mi nga si tiva Xikwembu, a mi tirhela swikwembu leswi nga riki swona hi xiviri.

1 Vakorinto 12:2

Ma swi tiva leswaku a mi ri vamatiko lava nga kokeriwa eka swifaniso leswi nga vulavuriki, hilaha mi nga kokiwa hakona.

Yeremiya 10:11

“Mi ta va byerisa sweswo, mi ku: ‘Swikwembu leswi nga ka swi nga endli tilo ni misava, swona swi ta susiwa emisaveni ni le hansi ka matilo.’ ”

Timhaka 18:19

Kuteloko a fikile eEfesa, a va siya kona; yena a nghena esinagogeni, a hlamulana ni Vayuda.

Hosiya 8:6

Hikuva lero ri hume eka Israele; ri endliwe hi mufuri, a hi Xikwembu; rhole ra Samariya ri ta pfotlotiwa.

Timhaka 19:1

Apolosi, kakuloko a ri Korinto, Pawulo a tsemakanya matiko ya eAsiya hitlhelo ra le henhla, a ta eEfesa;

Timhaka 19:25

kuteloko a va hlengeletile swin'we ni vatirhi va ntirho wolowo, a ku eka vona: “Vavanuna, ma swi tiva leswaku ku tsaka ka hina ku huma ebindzwini leri;