Timhaka 19:19 - Xitsonga (Bibele)

¹⁹ Kambe lavo talanyana eka lava nga tirha swa vutlhari bya munyama, va tisa tibuku ta vona, va ti hisa emahlweni ka hinkwavo; kutani loko ku hlayiwa nxavo wa tona, va kuma leswaku wu ringana macheleni ya ntlhanu wa makume ya madzana.

BIBELE Mahungu Lamanene

¹⁹ Kutani lavo tala exikarhi ka lava a va tirhile swa masalamusi, va hlengeleta tibuku ta vona, va ti hisa emahlweni ka vanhu hinkwavo; kutani loko ku hlayiwa nxavo wa tona, ku kumeka leswaku wu endla timali ta silivhere to ringana 50 000.

Testamente Leyimpsha Xichangana

¹⁹ Kutani lavanyingi xikarhi ka lava avatirhile sva masalamusi, vahlengeleta tibuku ta vona, vatihisa mahlweni ka vanhu hinkwavu; kutani loko kuhlayiwa nxavu wa tona, kukumeka lesvaku wuyendla timale ta silivhere toringana ntlhanu wa makume ya makhulu (50 000).

Timhaka 19:19 Referans Kwoze

Timhaka 13:8

Kambe Elima (hileswaku mungoma, loko vito ra yena ri hlamuseriwa) a ala ka vona, a ringeta ku hambukisa ndhuna eku pfumeleni.

Eksoda 32:20

Kutani a teka rhole leri va ri endleke a ri hisa hi ndzilo, a ri sila, a ri endla mapa, a chela ematini, a nwisa vana va Israele.

Genesa 35:4

Kavaloko va nyika Yakobo swikwembu hinkwaswo swin'wana leswi ngi swi ri emandleni ya vona, ni swingwavila swa le tindleveni ta vona, Yakobo a swi yimbela ehansi ka nkuhlu wa le kusuhi na Xikeme.

Timhaka 13:6

Kuteloko va tsemakanyile xihlale ku ya fika ePafo, va kuma mungoma un'wana, muprofeta wa ku hemba, wa Muyuda, vito ra yena a a ri Bariyesu,

Daniele 2:2

Kutani hosi yi lerisa leswaku ku rhambiwa tintlhari, ni vabvumbi, ni vangoma, ni Vakalediya, va ta hlamusela hosi ku lorha ka yona. Kavaloko va ta, va yima emahlweni ka hosi.

Esaya 30:22

Kutani swifaniso swa n'wina leswi vatliweke leswi namekiweke hi silivhere, ni swifaniso swa n'wina leswi chuluriweke, leswi lemiweke hi nsuku, mi ta swi chela thyaka, mi swi cukumeta kukotisa manyala, mi ku: “Huma!”

Vaheveru 10:34

Hikuva mi twele vusiwana lava bohiweke, kutani mi pfumerile hi ku tsaka loko swa n'wina swi tekiwa hi ku tiva leswaku mi ni rifuwo leri tlurisaka, leri nga kona hi masiku etilweni.

Luka 14:33

Kutani-ke, un'wana ni un'wana exikarhi ka n'wina la nga tshikiki leswi a nga na swona, a nga ka a nga vi mudyondzisiwa wa mina.

Esaya 8:19

Loko va nga ku eka n'wina: “Vutisisani lava humesaka mimoya ya vafi, ni vabvumbi lava hlevetelaka, lava n'unun'utaka, mi ta ku: ‘Xana tiko a ri faneli ku vutisa Xikwembu xa rona xana? Xana ku nga vutisiwa vafi timhaka ta lava hanyaka xana?’ ”

2 TIKRONIKA 33:6

A nghenisa vana va yena va xinuna endzilweni, enkoveni wa vana va Hinomu; a tinyiketa tinhlolo, ni vuloyi, ni mhondzo; a tiyisa lava vitanaka vafi, ni vangoma; a ya emahlweni hi ku endla ku tlurisa leswo biha emahlweni ka Yehovha ku n'wi pfuka.

1 TIKRONIKA 10:13

Sawulo a fa hikwalaho ka xidyoho lexi a dyoheleke Yehovha ha xona, hikwalaho ka rito ra Yehovha leri a nga ri hlayisangiki, na swona hikuva a vutisile lava vitanaka vafi ku byeriwa timhaka hi vona.

Eksoda 7:22

Kutani tin'anga ta Egipta ti endlisa sweswo hi vutlhari bya tona. Kambe mbilu ya Faro yi nonon'hwa, kutani a nga yingisanga, hilaha Yehovha a nga vula hakona.

Eksoda 7:11

Kambe Faro a vitana tintlhari ni vangoma; kutani na vona, hikuva a ti ri tintlhari ta Egipta, va endlisa sweswo hi vutlhari bya vona:

Luka 15:8

“Kumbe wansati hi wihi la nga na khume ra macheleni, kungakuloko a lahlekeriwe hi yin'we ntsena, a nga ka a nga lumeki rivoni, a kukula yindlu, a langutisa a ko a yi kuma.

Timhaka 19:18

Kutani lava pfumeleke lavo tala va ta va tivula, va vula swiendlo swa vona.

Levhitika 13:52

U ta hisa nguvu, hambi yi ri nguvu leyi swuriweke hi mavoya, kumbe leyi lukiweke, hambi wu ri ntirho wihi ni wihi wa dzovo, laha ku nga ni xivati kona, hikuva i nhlokonho lowo leva; yi fanele ku hisiwa endzilweni.