Timhaka 19:10 - Xitsonga (Bibele)

¹⁰ Timhaka teto ti tshama ti va tano hi malembe mambirhi; hikwalaho, hinkwavo lava akeke eAsiya, Vayuda ni Vagriki, va yingisa rito ra Hosi.

BIBELE Mahungu Lamanene

¹⁰ Swi fambile hi ndlela yoleyo hi malembe mambirhi, ku kondza loko hinkwavo lava akeke etikweni ra Asiya, Vayuda ni vamatiko, va twa rito ra Hosi.

Testamente Leyimpsha Xichangana

¹⁰ Svifambile hi ndlela leyo hi malembe mambirhi, kuyafika loko hinkwavu lavayakeke tikweni ra Aziya, Vayuda ni vamatiko, vatwa rito ra Hosi.

Timhaka 19:10 Referans Kwoze

Timhaka 20:31

Hitekani hikwalaho, mi anakanya leswaku hi malembe manharhu a ndzi rhutelanga, vusiku ni nhlekanhi, ku pfuxa un'wana ni un'wana wa n'wina hi mihloti.

2 Timotiya 1:15

Wa swi tiva leswaku hinkwavo va Asiya va ndzi fularhele; exikarhi ka vona ku na Figelo na Hermogene.

Vakolosa 3:11

Laha a ku na Mugriki, ni loko a ri Muyuda, ni loko ri ri nkwerha, ni loko ri ri khuna, ni loko a ri mubarbari, ni loko a ri Muskita, ni loko a ri hlonga la fuyiweke, ni loko a ri la nga fuyiwangiki, kambe Kriste i hinkwaswo eka hinkwavo.

Vagalatiya 3:28

A ka ha ri na Muyuda hambi Mugriki; a ka ha ri na khumbi, ni loko a ri n'wana wa xitswalwa; a ka ha ri na wanuna, ni loko a ri wansati, hikuva hinkwenu mi un'we eka Yesu Kriste.

Varhoma 10:18

Kambe ndzi ri: “Xana a va ri twanga xana?” E-e va ri twile: “Mpfumawulo wa vona wu vile emisaveni hinkwayo, ni marito ya vona ma twakale emakun'wini ya misava.”

Varhoma 10:12

Hikuva a ku na ku hambana eka Muyuda ni Mugriki, hikuva hinkwavo va ni Hosi yin'we, leyi fuwelaka hinkwavo lava kombelaka eka yona.

Varhoma 1:16

Kunene a ndzi na tingana ku vula Evhangeli, hikuva i matimba ya Xikwembu ya ku ponisa mani na mani la pfumelaka, ku sungula hi Muyuda, ku yisa eka Mugriki.

Timhaka 16:6

Kutani va tsemakanya Frigiya, ni tiko ra Galatiya, hikuva Moya lowo Kwetsima a wu va alela ku vula rito le Asiya.

Nhlavutelo 1:11

ri ku: “Leswi u swi vonaka, swi tsale ebukwini, u swi rhumela tikereke ta ntlhanu na timbirhi leti nga eAsiya, le Efesa, ni le Smirna, ni le Pergamo, ni le Tiyatira, ni le Sarda, ni le Filadelfiya, ni le Lawodikiya.”

Nhlavutelo 1:4

Yohane eka tikereke ta ntlhanu na timbirhi leti nga eAsiya: Tintswalo ni ku rhula a swi ve na n'wina, swi huma eka Loyi a nga kona, Loyi a a ri kona, Loyi a taka, ni ka mimoya ya ntlhanu na mimbirhi leyi nga emahlweni ka xiluvelo xa yena,

1 Petro 1:1

Petro, muapostola wa Yesu Kriste; Eka lava hlawuriweke, lava hangalakeke, va nga lava luveleke ematikweni ya Ponto, na Galatiya, na Kapadokiya, na Asiya, na Bitiniya,

Timhaka 20:18

Kuteloko va fikile eka yena, a ku eka vona: “Mi tiva mukhuva lowu ndzi endleke ha wona exikarhi ka n'wina ka hari mpfhuka ndzi fika eAsiya;

Timhaka 19:22

Kavaloko a rhumela eMakedoniya vambirhi va lava n'wi tirhelaka, a ri Timotiya na Erasto; loko a ri yena, a xwa masiku man'wana eAsiya.

Timhaka 19:8

Kutani Pawulo a nghena esinagogeni, a vulavula a nga chavi, a hlamulana ni Vayuda hi tin'hweti tinharhu, a va khorwisa etimhakeni ta ku fuma ka Xikwembu.

Timhaka 18:11

Kutani a tshamisa kona lembe rin'we, ni tin'hweti ta ntlhanu na yin'we, a dyondzisa rito ra Xikwembu exikarhi ka vona.

Timhaka 18:4

Kutani hi masiku hinkwawo ya Tisavata, a a vulavula timhaka esinagogeni, a khorwisa Vayuda ni Vagriki.

Timhaka 2:9

Hina Vaparta, ni Vameda, ni Vaelamu ni lava akeke eMesopotamiya, na Yudiya, na Kapadokiya, na Ponto, na Asiya,

Timhaka 6:9

Kambe van'wana va sinagoga leyi vuriwaka ya Vantshunxiwa, ni van'wana va va Kirene ni va Aleksandriya, swin'we ni Vayuda, ni van'wana va Kilikiya ni va Asiya, va yima, va kanetana na Stefano.

Timhaka 13:12

Ndhuna, kuteloko yi vona leswi humeleleke, yi pfumela, yi hlamarisiwile hi dyondzo ya Hosi.

Timhaka 19:20

Hi mukhuva wolowo, rito ra Hosi ri andza, ri kuma matimba.