Timhaka 18:6 - Xitsonga (Bibele)

⁶ Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”

BIBELE Mahungu Lamanene

⁶ Kambe loko vona va n'wi kaneta ni ku n'wi sandza, a phumunha ntshuri eswiambalweni swa yena, a ku ka vona: “Nandzu lowu, wu dlaya n'wina vini va wona; loko ndzi ri mina, ndzi humile ka wona; ku sukela sweswi, ndzi ta ya eka vamatiko.”

Testamente Leyimpsha Xichangana

⁶ Hi loko vona vamukaneta ni kumuyala, aphumunha ntshuri asviyambalweni sva yena, aku ka vona: “Ngati ya n'wina, ayive henhla ka tinhloko ta n'wina; loko ali mina, nihumile ka wona; kusukela svosvi, nitaya ka vamatiko.”

Timhaka 18:6 Referans Kwoze

Ezekiele 33:4

loko un'wana a twa mpfumawulo wa mhalamhala, a nga tsundzuki, ni loko fumu ri ta, ri n'wi susa, ngati ya yena yi ta va ehenhla ka nhloko ya yena.

2 SAMIELE 1:16

Davhida a ku eka yena: “Ngati ya wena yi le nhlokweni ya wena, hikuva nomu wa wena wu ku landzurile, wu te: ‘Hi mina ndzi dlayeke muhlawuriwa wa Yehovha.’ ”

Ezekiele 18:13

loko a vitana bindzu, xana n'wana loyi u ta hanya xana? A nga ka a nga hanyi; u dyohile, u fanela hi ku fa kunene, ngati ya yena yi ta va ehenhla ka yena!

Nehemiya 5:13

Ndzi phumunha tinguvu ta mina, ndzi ku: “Xikwembu a xi phumunhise sweswo ehandle ka yindlu ya yena, ni mitirho ya yena, munhu un'wana ni un'wana la nga hlayisiki marito lawa, a a phumunhisiwe; sweswo, a halatiwa.” Kutani nhlengeletano hinkwayo yi ku: “E, hi swona!” Kutani va dzunisa Yehovha, kambe tiko ri endla hi marito walawo.

Timhaka 13:51

Kambe vona va va phumunhela ntshuri wa milenge ya vona, kutani va ya eIkoniya.

1 Petro 4:4

Hilaha va hlamalaka, loko mi nga yi swin'we na vona emakhukhumbeni ya vuoswi, kutani va mi sandza hakona.

Luka 9:5

Kambe lava nga mi amukeriki, kutakuloko mi huma emutini wolowo, mi phumunha ntshuri wa milenge ya n'wina, leswaku byi va vumbhoni eka vona.”

Matewu 27:25

Kutani tiko hinkwaro ri hlamula, ri ku: “Ngati ya yena a yi ve ehenhla ka hina ni le henhla ka vana va hina.”

1 Petro 4:14

Loko mi xanisiwa hikwalaho ka vito ra Kriste, mi katekile; hikuva Moya wa ku kwetsima, lowu nga wa Xikwembu, wu tshame ehenhla ka n'wina, vona va wu sandza, kambe n'wina ma wu dzunisa.

2 Timotiya 2:25

a dyondzisa hi ku olova lava tiarisaka, Xikwembu xi ko xi va nyika kumbe ku hundzuka, va ta tiva swa ntiyiso,

Varhoma 3:29

Xana Xikwembu i xa Vayuda ntsena xana? Xana a hi xa vamatiko na vona xana? Ina, i xa vamatiko, na vona;

Timhaka 28:28

Tivani kwalaho leswaku ku hlayiseka ka Xikwembu ku rhumeriwile vamatiko, kutani vona va ta ku yingisa.”

Timhaka 26:20

Kambe ndzi sungule ku ambela va Damaska, ni va Yerusalema, ni le tikweni hinkwaro ra Yudiya, ni le ka vamatiko, leswaku va hundzuka, va hundzukela eka Xikwembu, va tirha mitirho leyi fanekelaka ku hundzuka.

Timhaka 26:11

Kutani emasinagogeni hinkwawo ndzi va tshinya hakanyingi, ndzi va sindzisa leswaku va sandza, ndzi va xanisa, ni ku fika emitini ya matiko man'wana.

Matewu 22:10

Kutani malandza wolawo ma huma ma ya etindleleni, ma hlengeleta hinkwavo lava ma va kumaka, lavo biha ni lavo lulama, kutani yindlu ya nkhuvo yi tala hi vanhu lava tshameke eswakudyeni.

Matewu 10:14

Kutani emikarhini hinkwayo, loko va nga mi amukeri, kumbe loko va nga yingisi marito ya n'wina, loko mi huma endlwini yoleyo, kumbe emutini wolowo, mi phumunha ntshuri emilengeni ya n'wina.

Luka 22:65

Kutani va n'wi sandza hi timhaka tin'wana leto tala.

Matewu 21:43

Hikwalaho ndzi nge eka n'wina: Ku fuma ka Xikwembu, mi ta tekeriwa, ku ta nyikiwa tiko rin'wana leri nga ta veka mihandzu ya kona.

Matewu 8:11

Hikwalaho-ke ndza mi byela, ndzi ri: Lavo tala va ta huma evuxeni ni le vupeladyambu, va ta tshama eswakudyeni eku fumeni ka matilo, na Abrahama, na Isaka, na Yakobo.

Levhitika 20:9

“Un'wana ni un'wana la rhukanaka tata wa yena, hambi mana wa yena, u ta dlawa: u rhukanile tata wa yena hambi mana wa yena; ngati ya yena yi le henhla ka yena.

1 Timotiya 5:22

U nga hatlisi ku tlhandleka mavoko ehenhla ka munhu; kambe u nga ngheni eku dyoheni ka van'wana; u tihlayisa u ri la tengeke.

1 TIHOSI 2:33

Ngati ya vona yi ta wela enhlokweni ya Yowabu, ni le tinhlokweni ta vatukulu va yena hi masiku; kambe ku rhula ku ta va eka Davhida ni le vatukulweni va yena, ni le ndlwini ya yena, ni le xiluvelweni xa yena hi masiku.”

Ezekiele 33:6

Kungakuloko mulanguteri a vona fumu ri ta, a nga yimbi mhalamhala kutani vanhu va nga tsundzuxiwi, loko fumu ri ta, ri susa munhu exikarhi ka vona, yeloyi u ta va a susiwile hi ku dyoha ka yena; kambe ndzi ta lava ngati ya yena evokweni ra mulanguteri.

Matewu 21:41

Va hlamula, va ku eka yena: “U ta onha ni ku lovisa vaonhi valavo, kutani nsimu ya vhinya, u ta yi veka emavokweni ya varimi van'wana lava nga ta n'wi tlherisela mihandzu ya yona emikarhini ya yona.”