Timhaka 18:25 - Xitsonga (Bibele)

²⁵ A a dyondzisiwile ndlela ya Hosi; kutani, hikuva a a hiseka emoyeni, a vulavula ni ku dyondzisa hi ku longoloxa timhaka ta Hosi, hambi a tiva ku khuvula ka Yohane ntsena.

BIBELE Mahungu Lamanene

²⁵ A a dyondzisiwile Ndlela ya Hosi; kutani, hi ku hiseka ka yena emoyeni, a a vula ni ku dyondzisa timhaka ta Yesu hi ndlela ya tona, hambileswi a a tiva nkhuvulo wa Yohane ntsena.

Testamente Leyimpsha Xichangana

²⁵ Aajondzisiwile Ndlela ya Hosi; kutani, hi kuhiseka ka yena moyeni, aavula ni kujondzisa timhaka ta Yesu hi ndlela yakona, hambilesvi aativa nkhuvulo wa Yohani ntsena.

Timhaka 18:25 Referans Kwoze

Timhaka 19:3

A ku eka vona: “Mi khuvuriwile hi ku khuvula kwihi-ke?” Va ku: “Hi ku khuvula ka Yohane.”

Varhoma 12:11

Mi nga tshuki mi loloha ku tirhela van'wana kambe mi va ni ku hiseka emoyeni, mi tirhela Hosi.

Hosiya 14:9

Hi wihi lowa vutlhari, la nga twisisaka timhaka leto, ni la nga ni ku anakanya, leswaku a ti tiva? Hikuva tindlela ta Yehovha ti lulamile; lava lulameke va ta famba eka tona, kambe vatiarisi va ta khunguvanyeka eka tona.

Timhaka 19:23

Kambe enkarhini wolowo, dzolonga lerikulukumba ngopfu ri humelela hikwalaho ka ndlela ya Hosi.

Timhaka 19:9

Kambe van'wana, kakuloko va ti nonon'hwisa ni ku tialela, va sola ni ndlela ya Hosi emahlweni ka vunyingi, a suka eka vona, a hlawula vadyondzisiwa; kutani a dyondzisa hi masiku hinkwawo exikolweni xa Tirano.

Timhaka 9:2

a kombela eka yena mapapila lama tsaleriweke masinagoga ya Damaska leswaku kutakuloko a kuma van'wana va dyondzo yoleyo, hambi va ri vavanuna, kumbe vavasati, a va yisa eYerusalema, va bohiwile.

Marka 12:14

Vona va ta, va ku eka yena: “Mufundhisi, ha tiva leswaku u vula lexi tiyeke, ni leswaku a ku na vutoya ha munhu, hikuva a ku languti nghohe ya vanhu, kambe ndlela ya Xikwembu u yi dyondzisa hi ku tiyisa, Xana swa hi fanela ku humesela Khezari ndzuvo, kumbe a hi swona-ke? Xana hi ta humesa, kumbe hi nga humesi?”

Yakobo 5:16

Byelanani ku dyoha ka n'wina, kutani mi khongelelana leswaku mi ta hola; hikuva ku khongela ka la lulameke, loku endliwaka hi ku hiteka, ku ni matimba lamakulu.

2 Timotiya 2:4

La yaka enyimpini a nga titsandzekisi hi timhaka ta vutomi lebyi, kambe mhaka ya yena i yin'we, i ya ku tsakisa la n'wi rhambeke.

Timhaka 16:17

Kutani a landza Pawulo na hina, a huwelela, a ku: “Vavanuna lava, i malandza ya Xikwembu lexi nge henhlahenhla, lava mi byelaka ndlela ya ku hlayiseka.”

Timhaka 13:10

“Wena loyi u teleke ku xisa hinkwako, ni ku hemba hinkwako, n'wana Diyavulosi, nala wa hinkwaswo leswi lulameke, xana u ta tshika rini ku homboloxa tindlela ta Hosi leti lulameke xana?

Luka 7:29

Hinkwavo lava nga n'wi yingisa, ni valuvisi lava nga khuvuriwa hi ku khuvula ka Yohane va dzunisile ku lulama ka Xikwembu;

Marka 1:3

Rito ra loyi a huwelelaka emananga ri ku: “Lunghisani ndlela ya Hosi, mi lulamisa magondzo ya yena.”

Yeremiya 6:16

Yehovha u vula a ku: “Yimani etindleleni mi languta kutani mi vutisa tindlela ta khale; vutisani mi ku: ‘Ndlela leyo saseka hi yihi-ke?’ Kutani mi famba ha yona, mi ta kumela mimoya ya n'wina ku wisa. Kambe va hlamula, va ku: ‘Hi nga ka hi nga fambi kona.’

Esaya 40:3

Rito ri huwelela ri ku: “Lunghisani emananga ndlela ya Yehovha, khulelani emananga ndlela ya Xikwembu xa hina!

Pisalema 119:1

Ku katekile lava tengeke emahanyelweni ya vona, Lava fambaka enawini wa Yehovha!

1 SAMIELE 12:23

Loko ndzi ri mina a swi ve kule na mina ku dyohela Yehovha, ni ku tshika ku mi khongelela, kambe ndzi ta mi kombisa ndlela leyinene ni ya ku lulama.

Vaavanyisi 2:22

Ndzi ta ringa Vaisraele ha wona, ndzi ta vona loko kumbe va ta hlayisa ndlela ya Yehovha ku famba ha yona, kukotisa leswi vatata wa vona va nga yi hlayisa, kumbe a swi nga vi tano.”

Genesa 18:19

Hikuva ndzi n'wi hlawurile leswaku a lerisa vana va yena ni yindlu ya yena endzhaku ka yena, ku hlayisa ndlela ya Yehovha, ni ku endla leswo lulama leswinene, Yehovha a kondza a humesela Abrahama leswi a n'wi tshembiseke swona.”

Pisalema 67:2

Leswaku ndlela ya wena yi tiviwa emisaveni Ni ku hlayiseka ka wena exikarhi ka matiko hinkwawo!

Luka 1:4

u ta tiva ku tiya ka timhaka leti u dyondzisiweke tona.

Timhaka 18:26

A sungula ku vulavula esinagogeni, a nga chavi. Kuteloko Akwila na Prisila va n'wi twile va n'wi tekela eka vona, va n'wi dyondzisa swinenenene ndlela ya Xikwembu.