Timhaka 18:19 - Xitsonga (Bibele)

¹⁹ Kuteloko a fikile eEfesa, a va siya kona; yena a nghena esinagogeni, a hlamulana ni Vayuda.

BIBELE Mahungu Lamanene

¹⁹ Va ya fika le Efesa, laha Pawulo a nga siya va Akwila kona; kutani a nghena esinagogeni, a hlamulana ni Vayuda.

Testamente Leyimpsha Xichangana

¹⁹ Vayafika le Efesa, laha Pawulo angasiya va Akila kona; kutani anghena sinagogeni, ahlamulana ni Vayuda.

Timhaka 18:19 Referans Kwoze

2 Timotiya 1:18

Hosi a yi n'wi humesele tintswalo emahlweni ka Hosi siku leriya! Kambe hinkwaswo leswi a ndzi tirheleke swona Efesa, wa swi tiva swinene.

1 Timotiya 1:3

Hilaha ndzi ku khongoteleke hakona loko ndzi ya eMakedoniya, ndzi ku, u sala eEfesa ku lerisa van'wana leswaku va nga tshuki va dyondzisa tidyondzo tin'wana,

Vaefesa 1:1

Pawulo, muapostola wa Yesu Kriste hi ku rhandza ka Xikwembu; Eka vakwetsimi va le Efesa lava tiyiseleke eka Yesu Kriste;

1 Vakorinto 16:8

Kambe ndzi ta tshama eEfesa ku ko ku fika Pentekosta;

1 Vakorinto 15:32

Loko ndzi lwa ni swivandzana le Efesa hikwalaho ka vanhu, ndzi fuwe yini ha kona-ke? Loko kunene vafi va nga pfuki, a hi dyeni, a hi nweni, hikuva mundzuku hi ta fa.

Timhaka 20:16

Hikuva Pawulo a a hisekerile ku hundza le Efesa, leswaku a nga tshuki a hlwela eAsiya, a hatlisela ku ya fika eYerusalema hi siku ra Pentekosta, loko a swi kota.

Timhaka 19:1

Apolosi, kakuloko a ri Korinto, Pawulo a tsemakanya matiko ya eAsiya hitlhelo ra le henhla, a ta eEfesa;

Timhaka 18:24

Kambe Muyuda un'wana, loyi va nge i Apolosi, la velekiweke eAleksandriya, wanuna wa matimba eku vulavuleni ni le Matsalweni, a fika eEfesa.

Timhaka 18:4

Kutani hi masiku hinkwawo ya Tisavata, a a vulavula timhaka esinagogeni, a khorwisa Vayuda ni Vagriki.

Nhlavutelo 2:1

“Tsalela ntsumi ya kereke ya Efesa, u ku: “ ‘Loyi a tamelaka tinyeleti ta ntlhanu na timbirhi evokweni ra yena ra xinene, la fambaka exikarhi ka tikandelari ta ntlhanu na timbirhi ta nsuku, u vulavula sweswo, u ri:

Nhlavutelo 1:11

ri ku: “Leswi u swi vonaka, swi tsale ebukwini, u swi rhumela tikereke ta ntlhanu na timbirhi leti nga eAsiya, le Efesa, ni le Smirna, ni le Pergamo, ni le Tiyatira, ni le Sarda, ni le Filadelfiya, ni le Lawodikiya.”

2 Timotiya 4:12

Ndzi rhumile Tixiko eEfesa.

Timhaka 19:26

kutani ma swi vona, ni ku swi twa leswaku Pawulo loyi, u khorwisile vanhu lavo tala, ku nga ri eEfesa ntsena, kambe swi lava ku va etikweni ra Asiya hinkwaro, a va hambukisa, a ku: ‘Swikwembu leswi endliweke hi mavoko a hi swikwembu.’

Timhaka 19:17

Mhaka leyi, yi tiviwa hi Vayuda ni Vagriki, kutani va wela hinkwavo hi nchavo lowukulu; kutani vito ra Hosi Yesu ri dzunisiwa.

Timhaka 18:21

Kutani a va sarisa, a ku: “Ndzi fanele ku va enkhubyeni lowu taka eYerusalema, kambe ndzi ta tlhela ndzi vuya eka n'wina, loko Xikwembu xi swi rhandza.” Kutani a suka eEfesa.

Timhaka 18:20

Vona va n'wi khongela leswaku a engeta a tshama nkarhi na vona, kambe a nga pfumelanga.

Timhaka 19:28

Kakuloko va twa sweswo, va tala hi vukari, va ba huwa, va ku: “U nkulu, Artemi wa Vaefesa!”

Timhaka 19:35

Kavaloko mutsari wa muti a miyeta vunyingi, a ku: “Vavanuna va Efesa, hi wihi munhu la nga tiviki leswaku muti wa Vaefesa wu hlawuleriwile ku hlayisa Artemi, xikwembu lexikulu, ni xifaniso xa xona lexi weke hi le tilweni?

Timhaka 20:17

Loko a ri eMileta, a rhumela le Efesa ku ya vitana vakulukumba va kereke.

Timhaka 21:29

Hikuva a va vonile Trofimo wa Efesa a famba na yena exikarhi ka muti, kutani va anakanya leswaku Pawulo u n'wi nghenisile etempeleni.