Timhaka 17:26 - Xitsonga (Bibele)

²⁶ Kambe xi endlile vanhu va tinxaka hinkwato hi ngati yin'we, ku aka ehenhla ka misava hinkwayo; xi lerisile tinguva leti hlawuriweke hi xona ni mindzilekana ya ku aka ka vona,

BIBELE Mahungu Lamanene

²⁶ Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Testamente Leyimpsha Xichangana

²⁶ Hi munhu mun'we xiyendlile vanhu van'wana hinkwavu lesvaku vayeneta misava hinkwayu; xivavekele tinguva leti xitihlawuleke khale, xiveka ni mindzilekana ya lomu vafanelaka kutshama kona.

Timhaka 17:26 Referans Kwoze

Genesa 3:20

Adamu (munhu) a thya nsati wa yena vito ra Evha (vutomi), hikuva u ve mana wa lava hanyaka hinkwavo.

Malakiya 2:10

Xana a hi velekiwanga hinkwerhu hi tatana un'we? Xana a hi vumbiwanga hi Xikwembu xin'we xana? Hikwalaho ka yini hi kanganyisana un'wana ni un'wana ni makwavo, hi onhela yini ntwanano wa vatata wa hina xana?

1 Vakorinto 15:22

Kukota leswi hinkwavo va faka hikwalaho ka Adamu, hinkwavo va ta tlhela va hanya ha Kriste.

1 Vakorinto 15:47

Munhu lowo rhanga a a ri wa misava, u endliwile hi misava; kambe munhu wa vumbirhi, a nga Hosi, u huma etilweni.

Pisalema 31:15

Mikarhi ya mina yi le vokweni ra wena; Ndzi tshunxe emavokweni ya valala va mina, ni ya lava ndzi xanisaka.

Ntirho 14:5

Loko masiku ma hlayiwile, ni ntsengo wa tin'hweti ta yena loko wu tiviwile hi wena, Loko a vekiwile endzilakaneni wolowo, a nga ka a nga wu tluli.

Ntirho 12:23

Xi andzisa matiko, kutani xi ma lovisa; Xi navisa matiko, xi tlhela xi ma vuyisela emindzilekaneni ya wona.

Genesa 9:19

Hi volavo vana lavanharhu va Nowa, kutani hi vona lava misava hinkwayo yi nga tala vanhu ha vona.

Daniele 11:35

Kutani exikarhi ka lava tlhariheke, van'wana va ta wa leswaku va ta ringetiwa, ni ku hlantswiwa, ni ku basisiwa, ku yisa emikarhini leyo hetelela, hikuva, na yona mhaka leyo, yi vekeriwe nkarhi lowu; vekiweke.

Daniele 11:27

Tihosi letimbirhi ti ta ehleketa ku onha etimbilwini ta tona, kutani etafuleni ri ri rin'we va ta vulavula swin'we hi mavunwa. Kambe leswo swi nga ka swi nga tiyi, hikuva vuheriso byi ta fika hi nkarhi lowu hlawuriweke ntsena.

Esaya 14:31

“Wena nyangwa, kolola! Bana huwa, wena muti! Wena tiko hinkwaro ra Vafilista, hela mbilu! Hikuva ku ta huma musi lowu humaka en'walungwini. A ku na la nyengaka emavandleni ya valala!”

Vaheveru 2:3

hina hi ta chupukisa ku yini, loko hi nga xiyi ku hlayiseka loko tano, loku nga sungula ku vuriwa hi Hosi, kambe ku tiyisiwile eka hina hi lava swi yingiseke,

Esaya 45:21

Vulani, mi va vitana, va kanela swin'we! La bvumbheke swilo sweswo eku sunguleni, la swi vuleke khale, i mani? Xana a hi mina Yehovha? A ku na Xikwembu xin'wana ehandle ka mina, hi mina ntsena Xikwembu lexi lulameke lexi ponisaka.

Timhaka 15:18

ku vula Hosi leyi endlaka swilo leswi hinkwaswo leswi nga tiviwa hi yona, ni le ku sunguleni.’

Pisalema 74:17

U vekile mindzilekana hinkwayo ya misava; U tiyisile ximumu ni vuxika.

Yeremiya 27:5

“ ‘Hi mina ndzi endleke misava, ni vanhu, ni swiharhi leswi nga ehenhla ka misava, hi matimba ya mina lamakulu, ni voko ra mina leri tshambulukeke, ndzi yi nyika loyi ndzi swi rhandzaka ku n'wi nyika yona.

Timhaka 14:17

Hambiswiritano, a xi tipfumatanga vumbhoni, hi ku endlela vanhu swinene, ni ku hi nyika timpfula ta tilo ni tinguva ta ndzalo, xi hi andzisela ni swakudya, xi tata timbilu ta hina hi ku tsaka.”

Esaya 34:17

Hikuva u kanele hikwalaho ka vona, kutani voko ra yena ri va pambulele tiko, ri ri pimile hi ngoti, kutani va ta ri fuma hilaha ku nga heriki, va aka kona hi masiku.