Timhaka 17:23 - Xitsonga (Bibele)

²³ Hikuva loko ndzi famba ndzi languta magandzelo ya n'wina, ndzi kumile alitari laha ku tsariweke va ku: ‘Eka Xikwembu lexi nga tiviwiki!’ Sweswi, Xikwembu lexi mi xi gandzelaka mi nga xi tivi, hi lexi ndzi mi byelaka xona.

BIBELE Mahungu Lamanene

²³ Hikuva loko ndzi famba ndzi ri karhi ndzi languta tindhawu leti mi gandzelaka ka tona, ndzi kumile alitari leyi ku tsariweke marito eka yona lama nge: ‘Eka Xikwembu lexi nga tiviwiki!’ Sweswi ke, leswi mi swi gandzelaka mi nga swi tivi, hi swona leswi ndzi mi tivisaka swona.

Testamente Leyimpsha Xichangana

²³ Hikuva loko nifamba na nili karhi nilanguta tindhawu leti migandzelaka ka tona, nikumile alitari leyi kutsaliweke marito ka yona lawa mange: ‘KA XIKWEMBU LEXINGATIVIWIKI!’ Svosvi-ke, lesvi misvigandzelaka na mingasvitivi, hi svona lesvi nimitivisaka svona.

Timhaka 17:23 Referans Kwoze

Yohane 4:22

N'wina mi gandzela lexi mi nga xi tiviki; hina hi gandzela lexi hi xi tivaka; hikuva ku hlayiseka ku huma eka Vayuda.

Yohane 17:3

Kambe vutomi lebyi nga heriki, hileswaku va ku tiva wena Xikwembu xi ri xin'we xa ntiyiso, na Yesu Kriste loyi u n'wi rhumeke.

Yohane 17:25

Tatana la lulameke, misava a yi ku tivanga, kambe mina ndzi ku tivile; na vona lava, va swi tivile leswaku u ndzi rhumile.

1 Vakorinto 1:21

Hikuva leswi vutlharini bya Xikwembu, misava yi nga ka yi nga tivanga Xikwembu evutlharini bya yona, Xikwembu xi tirhandzele ku hanyisa vapfumeri hi vuhunguki bya ku dyondzisa Evhangeli.

Varhoma 1:28

Kutani leswi va nga ka va nga ringetanga ku tiva Xikwembu, Xikwembu xi va nyiketile emoyeni lowu solekaka va ta endla leswi nga fanelangiki.

Timhaka 17:30

Kambe Xikwembu xi tshikile masiku leswaku ma hundza walawo ya ku pfumala ku tiva, kutani sweswi, xi lerisa vanhu hinkwavo, ematikweni hinkwawo, leswaku va hundzuka.

1 Yohane 5:20

Ha swi tiva na swona leswaku N'wana wa Xikwembu u tile, kutani u hi nyikile ku twisisa leswaku hi tiva lowu nga ntiyiso, kutani hi va eka Loyi a nga ntiyiso, eka N'wana wa xona Yesu Kriste. Hi yena loyi xi nga Xikwembu xa ntiyiso, ni vutomi lebyi nga heriki.

1 Timotiya 1:17

Eka Hosi ya mikarhi, leyi nga riki na ku bola ni ku voniwa, eka Xikwembu xi ri xin'we xa vunene, a ku ve ku chaviwa, ni ku twala hi mikarhi ni mikarhi! Amen!

2 Vatesalonika 2:4

la kanetaka ni la titlakuselaka ehenhla ka hinkwaswo leswi vuriwaka Xikwembu ni leswi khinsameriwaka, a ko a tshamisa kukota Xikwembu etempeleni ya Xikwembu, a ri karhi a tivula Xikwembu.

Vaefesa 2:12

emikarhini yeleyo a mi ri ehandle ka Kriste, a mi hambene ni tiko ra Israele, a mi nga ri na ku averiwa emitwananweni yo tshembisa, a mi nga ri na ku tshemba, a mi nga ri na Xikwembu emisaveni.

1 Vakorinto 8:5

Hikuva, hambi swi ri leswi vuriwaka swikwembu etilweni ni le misaveni, (hikuva swikwembu swi tele, ni tihosi ti tele),

Yohane 8:54

Yesu a hlamula, a ku: “Loko ndzi tidzunisa, ku tidzunisa ka mina a hi ka nchumu; la ndzi dzunisaka hi Tatana, loyi mi nge i Xikwembu xa n'wina,

Matewu 15:9

Va ndzi khinsamela swahava loko va dyondzisa tidyondzo, leyi nga milawu ya vanhu ntsena.’ ”

Pisalema 147:20

A nga endlanga sweswo eka matiko man'wana, Kambe a ma tivi swileriso swa yena.

Pisalema 50:21

Hi lexi u xi endleke, kutani mina ndzi miyerile. U ringanise leswaku a ndzi fana na wena. Kambe ndzi ta ku laya sweswi, ndzi ta humesa hinkwaswo emahlweni ka wena.

Esaya 45:4

Hikwalaho ka rirhandzu ra mina eka Yakobo ni ka Israele, muhlawuriwa wa mina, ndzi ku vitanile hi vito ra wena, ndzi vulavurile na wena hi tintswalo loko u nga si ndzi tiva.