Timhaka 17:11 - Xitsonga (Bibele)

¹¹ Vona va tlurisa Vatesalonika hi mafundza, va amukela rito hi ku hatlisa ngopfu, va kambela tibuku hi masiku hinkwawo, ku tiva leswaku timhaka ti tano xana.

BIBELE Mahungu Lamanene

¹¹ Vona va tlurisa Vatesalonika hi mafundzha, va amukela Rito hi ku nkhensa lokukulu, va kambisisa Matsalwa masiku hinkwawo, va lava ku tiva leswaku xana timhaka ti tano xana.

Testamente Leyimpsha Xichangana

¹¹ Va le Bereya, avatlula va le Thesalonika hi malwandla, vayamukela Rito hi kukhensa lokukulu, vakambisisa Matsalwa masiku hinkwawu, valava kutiva lesvaku xana timhaka titano ke.

Timhaka 17:11 Referans Kwoze

Esaya 34:16

Lavani ebukwini ya Yehovha, mi hlaya! A ku na un'we wa vona la nga ta pfumaleka; a ku na un'we la nga ta pfumala nakulobye; hikuva nomu wa yena wu vurile, kutani moya wa yena wu va hlengeletile.

Yohane 5:39

“Mi lavisisa Matsalwa, hikuva mi anakanya leswaku mi ta kuma vutomi lebyi nga heriki eka wona; kasi hi wona lama ndzi vulaka.

1 Vatesalonika 2:13

Hikwalaho, a hi rhuteri ku khensa Xikwembu, hikuva siku mi amukeleke rito ra xona, leri mi ri yingiseke eka hina, mi ri amukerile ku nga ri kukotisa leswo nge i rito ra vanhu, kambe tanihi loko ri ri rito ra Xikwembu (hilaha kunene ri nga rona), leri tirhaka hi matimba eka n'wina lava pfumeleke.

Matewu 13:23

Kambe la byariweke emisaveni leyinene, i munhu la yingisaka rito a ri twisisa; kutani a veka tindzhoho, yin'wana yi veleka dzana, yin'wana ntlhanu wa makume na khume rin'we, yin'wana makume manharhu.”

Swivuriso 9:9

Dyondzisa la nga ni ku anakanya, u ta engeta a tlhariha, U dyondzisa la lulameke, u ta engetela ku tiva ka yena.

Swivuriso 1:5

La tlhariheke, a a yingise, u ta tiengetela ku tiva; La nga ni ku twisisa u ta tikumela mano

1 Vatesalonika 1:6

Kutani, na n'wina mi hundzukile vaetisi va hina ni va Hosi, hi ku amukela Rito hi ku tsaka ka Moya lowo Kwetsima mi ri emaxangwini lamakulu,

Yohane 3:21

Kambe la endlaka swinene, wa ta eku vonakaleni, mitirho ya yena yi ta vonaka leswaku yi endleriwa Xikwembu.

2 Vatesalonika 2:10

ni ku kanganyisa hinkwako ka ku homboloka ka lava lovaka, hikuva a va amukelangi ni ku rhandza ntiyiso leswaku va hanyisiwa.

1 Petro 2:2

kutani mi lava ngopfu, kukota vana lava ha ku tswariwaka, ntswamba lowunene wa Rito, leswaku mi kula ha wona eku hlayisekeni;

Luka 24:44

Kutani a ku eka vona: “Hi tona timhaka leti ndzi nga mi byela tona, loko ndza ha ri na n'wina, ndzi ku: Timhaka hinkwato leti ndzi tsariweke ha tona enawini wa Muxe ni le Vaprofeteni, ni le Tipisalemeni, ti fanele ku hetisiwa.”

Esaya 8:20

A hi tlheleleni enawini ni le vumbhonini. Kungakuloko ku nga yiwi hi rito leri, tiko a ri nga ha tsuvukeriwi hi vurhonga byin'wana!

Swivuriso 8:10

Amukelani dyondzo ya mina leyi tlulaka silivhere, Ni vutivi lebyi tlulaka nsuku lowo saseka.

Yakobo 1:21

Hikwalaho, cukumetani thyaka hinkwaro, ni hinkwaswo swa lunya, mi amukela hi ku olova rito leri byariweke etimbilwini ta n'wina, leri kotaka ku londzovota mimoya ya n'wina.

Pisalema 119:148

Mahlo ya mina ma rhangela mikarhi ya ku langutela ka vusiku, Leswaku ndzi anakanya rito ra wena.

Pisalema 119:100

Ndzi tlula va khale hi ku tiva, Hikuva ndzi hlayisa swileriso swa wena.

Pisalema 119:97

Nawu wa wena ndzi wu rhandzisa hakunene! Ndzi wu anakanya siku hinkwaro.

Timhaka 10:33

Hikwalaho ndzi hatliseke ku rhuma vanhu eka wena; kambe u endlile swona loko u tile; sweswi, hinkwerhu hi tshamile la, kun'we emahlweni ka Xikwembu, ku yingisa hinkwaswo leswi Xikwembu xi ku leriseke swona.”

Timhaka 2:41

Vona-ke, lava amukeleke rito ra yena hi ku tsaka, va khuvuriwa; kutani ku engeteriwa siku lero vanhu lava lavaka ku va makume manharhu ya madzana.

Ntirho 23:12

Milawu ya milomu ya xona a ndzi yi hambukanga; Ndzi hlayisile timhaka ta nomu wa xona ku tlula leswi ndzi tihlambanyisaka ha swona.

Timhaka 17:1

Kuteloko va hundzile eAmfipoli na Apoloniya, va ta eTesalonika, laha sinagoga ya Vayuda ingi yi ri kona.

Timhaka 11:1

Kambe vaapostola ni vamakwavo lava akeke eYudiya va twa leswaku vamatiko na vona, va amukele rito ra Xikwembu.

Luka 16:29

Abrahama a ku eka yena: ‘Va ni Muxe ni vaprofeta; va nga va yingisa.’

Yeremiya 2:21

Kasi mina, a ndzi ku simekile, u ri vhinya leyi hundzisaka hi ku saseka, wa rixaka lerinene; u tihundzurise ku yini leswaku u va vhinya ya rixaka rimbe eka mina-ke?

Duteronoma 29:29

“Timhaka leti fihliweke i ta Yehovha, Xikwembu xa hina, kambe timhaka leti hlavuteriweke i ta hina ni vana va hina, hilaha ku nga heriki, leswaku hi ta endla hi marito hinkwawo ya nawu lowu.

Luka 1:2

hilaha hi ti nyikiweke hi lava ingi ti ri timbhoni ta tona ni malandza ya rito, ka ha ri eku sunguleni ka tona;

Luka 11:3

Hi he hi masiku hinkwawo vuswa bya hina bya siku rin'wana ni rin'wana.