Timhaka 16:9 - Xitsonga (Bibele)

⁹ Kambe mahlori ma humelelela Pawulo nivusiku: Wanuna wa Makedoniya a yima emahlweni ka yena, a n'wi khongela, a ku: “Pelela eMakedoniya, u ta hi pfuna.”

BIBELE Mahungu Lamanene

⁹ Xivono xi humelela eka Pawulo nivusiku: Wanuna wa Makedoniya a yima emahlweni ka yena, a n'wi khongela, a ku: “Pelela eMakedoniya, u ta hi pfuna!”

Testamente Leyimpsha Xichangana

⁹ Xivono xihumelela ka Pawulo nivusiku: Wanuna wa Makedoniya ayima mahlweni ka yena, amukombela, aku: “Pelela Makedoniya, utahipfuna!”

Timhaka 16:9 Referans Kwoze

Timhaka 19:21

Hinkwaswo leswo loko swi herile, Pawulo a ehleketa ku ya eYerusalema, a ta hundza eMakedoniya, ni le Akaya, a ku: “Kutakuloko ndzi yile kona, ndzi fanela ni ku vona eRhoma.”

Timhaka 18:5

Silasi na Timotiya, kuteloko va fikile va huma eMakedoniya, Pawulo a tinyiketa ku dyondzisa rito hi mbilu ya yena hinkwayo, a tiyisa eka Vayuda leswaku Yesu i Kriste.

Varhoma 15:26

hikuva Vamakedoniya ni va Akaya va rhandzile ku hlenga nhlengo lowu nga ta averiwa swisiwana exikarhi ka vakwetsimi va Yerusalema.

Timhaka 20:1

Kuteloko dzolonga ri miyerile Pawulo a vitana vadyondzisiwa, a va lela, kutani a suka a ya eMakedoniya.

1 Vatesalonika 4:10

kutani hi swona leswi mi swi endlaka eka vamakwavo hinkwavo va le Makedoniya hinkwako; kambe ha mi khongotela, vamakwerhu, leswaku mi kula erirhandzwini rolero;

2 Vakorinto 12:7

Kambe hileswaku ndzi nga tshuki ndzi kukumuxiwa hi vukulukumba bya swikombiso, ndzi nghenisiwile riphantsu enyameni, yi nga ntsumi ya Satana, leswaku yi ndzi phakata, ndzi nga ti tshuka ndzi tikurisa.

2 Vakorinto 11:9

hikuva vanhu lava pfaka eMakedoniya, va ndzi pfunile hi leswi ndzi nga swi pfumala. Ndzi chavile ku mi tikela ha nchumu, ni sweswi ndza ha ta endlisa xisweswo.

2 Vakorinto 9:2

Hikuva ndzi tiva ku chivirika ka n'wina emhakeni yoleyo, ndzi ri karhi ndzi tidzunisa ha n'wina eka Vamakedoniya, hi ku va byela leswaku va Akaya va tilunghisile n'wexemu; kutani ku chivirika ka n'wina ku pfuxile lavo tala.

2 Vakorinto 8:1

Vamakwerhu, sweswi, hi mi tivisa tintswalo leti Xikwembu xi ti kombiseke etikerekeni ta Makedoniya,

2 Vakorinto 7:5

Hikuva mpfhuka hi fika eMakedoniya, miri wa hina a wu wisanga niswitsongo, hi ri karhi hi xaniseka hinkwako; ku va ni ku lwa ehandle, ku va ku chava endzeni.

Timhaka 20:3

Kakuloko a suka ku ya eSiriya, a byeriwa ku vuya hi ra Makedoniya, hikuva Vayuda a va n'wi lavelela.

Timhaka 10:30

Kavaloko Korneliyo a hlamula, a ku: “Ku hundzile mune wa masiku ku fika sweswi, ndzi titsona swakudya, ndzi khongela endlwini ya mina hi nkarhi wa ntlhanu na mune; kutani ndzi vona munhu a yimile emahlweni ka mina, a ambele tinguvu leti vangamaka, a ku:

Timhaka 10:3

Siku rin'wana, a vona mahlori hi nkarhi wa ntlhanu na mune; a vonisisa ntsumi ya Xikwembu yi nghena eka yena, yi ku eka yena: “Korneliyo!”

Timhaka 9:38

kutani, leswi Lida wu nga ekusuhi na Yopa, vadyondzisiwa loko va twa leswaku Petro u kona, va n'wi rhumela vavanuna vambirhi; va n'wi khongela leswaku a ta eka vona, a nga hlweri.

Timhaka 16:10

Kakuloko a vonile mahlori walawo, hi tilunghisa kan'we ku ya eMakedoniya, hi ku tiva leswaku Hosi yi hi vitanele kona ku ya va dyondzisa Evhangeli.

Timhaka 16:12

loko hi suka kona, hi kongoma eFilipiya, wu nga muti lowukulu etikweni ra Makedoniya, ni koloni. Kutani hi xwa masiku man'wana emutini lowo.

Timhaka 19:22

Kavaloko a rhumela eMakedoniya vambirhi va lava n'wi tirhelaka, a ri Timotiya na Erasto; loko a ri yena, a xwa masiku man'wana eAsiya.

Timhaka 19:29

Kutani muti hinkwawo wu tala dzolonga, kuteloko va khomile Gayo na Aristarka, Vamakedoniya, vanakulobye va Pawulo, va tsutsuma swin'we eteatro.

Timhaka 27:2

Kuteloko hi nghenile engalaveni ya Adramita, leyi fanelaka ku welela matlhelo ya Asiya, hi suka hi ri na Aristarko wa Tesalonika, muti wa Makedoniya.

Duteronoma 30:13

A wu nga ri hase ka lwandle, leswaku va nga ku: ‘I mani la nga ta hi pelela ehase ka lwandle, a ya hi tekela wona, a ta hi dyondzisa wona leswaku hi endla ha wona?’