Timhaka 16:26 - Xitsonga (Bibele)

²⁶ Kambe hi nomu lowu, ku tsekatseka lokukulu ka misava ku va kona; masungulo ya khotso ma tsekatsekisiwa, tinyangwa hinkwato ti pfuleka, kutani timpecana ta hinkwavo ti tshunxeka.

BIBELE Mahungu Lamanene

²⁶ Kambe hi nomu lo, ku tsekatseka lokukulu ka misava ku va kona; kutani masungulo ya khotso ma tsekatsekisiwa; kan'we-kan'we tinyangwa hinkwato ti pfuleka, kutani tinketani ta vabohiwa hinkwavo ti ntshunxeka.

Testamente Leyimpsha Xichangana

²⁶ Kambe hi nomo-lo, kuva ni kutsekatseka lokukulu ka misava; kutani masungulu ya jele ma tsekatsekisiwa; hi nomo-lo tinyangwa hinkwatu tipfuleka, kutani machini ya vabohiwa hinkwavu matshunxeka.

Timhaka 16:26 Referans Kwoze

Timhaka 4:31

Kuteloko va khongerile, xivandla lexi va hlengeletaneke eka xona, xi tsekatseka, kutani hinkwavo va tala Moya lowo Kwetsima, kutani va vula rito ra Xikwembu hi ku tiya.

Timhaka 5:19

Kambe ntsumi ya Hosi yi pfula tinyangwa ta khotso nivusiku, yi va humesela ehandle, yi ku:

Timhaka 12:10

Loko va hundzile ntlawa wo sungula ni lowa vumbirhi, va fika enyangweni ya nsimbhi leyi yisaka emutini; kutani yi tipfulekela vona, va huma, va famba mpfhuka etsendzeleni; kutani ntsumi yi suka eka yena xikan'we.

Timhaka 12:7

Kambe vonani, ntsumi ya Hosi yi humelela, ku vonakala ku vangama endlwini; kutani yi hlakahla Petro etsheveni, yi n'wi pfuxa, yi ku: “Hatlisa u pfuka.” Kutani timpecana ti wa emavokweni ya yena.

Pisalema 146:7

U lulamisela lava xanisiwaka; U nyika lava nga ni ndlala swakudya.

Matewu 28:2

Kutani ku tsekatseka lokukulu ka misava ku va kona, hikuva ntsumi ya Hosi a yi xikile hi le tilweni, yi ta vumbuluxa ribye enyangweni ya sirha, yi tshamisa ehenhla ka rona.

Esaya 42:7

ku pfula mahlo ya lavo fa mahlo, ni ku humesa ekhotsweni lava khomiweke, ni le tronkweni lava tshamaka emunyameni.

Pisalema 102:20

Ku yingisa ku konya ka lava bohiweke, Ni ku tshunxa lava hlawuleriweke rifu,

Nhlavutelo 11:13

Enkarhini wolowo ku tsekatseka lokukulu ka misava ku va kona, kutani ku avanyisa ka khume ka muti ku hindzimuka, vanhu va ntlhanu wa magidigidi na magidigidi mambirhi 7 000 va dlawa hi ku tsekatseka kuloku ka misava; kutani van'wana va khomiwa hi ku chava, va dzunisa Xikwembu xa le tilweni.

Esaya 61:1

Moya wa Hosi, Yehovha, wu le ka mina, hikuva u ndzi totile ku byela swisiwana mahungu ya ku saseka; u ndzi rhumile ku horisa lava nga ni timbilu leti vavisekaka, ku tivisa lava bohiweke leswaku va ta tshunxiwa, ni lava khotsiweke leswaku va ta humesiwa;

Pisalema 79:11

Ku talelwa ka mbilu ya vakhomiwa a ku fike emahlweni ka wena, U hlayisa lava averiweke ku fa, hi matimba ya voko ra wena!

Nhlavutelo 6:12

Kutani ndzi languta loko xi lemula ku tiyisa kantlhanu na kan'we kutani ku tsekatseka lokukulu ka misava ku va kona, dyambu ri va ra ntima kukota nkwama wa voya, kutani n'weti wu fana ni ngati,

Pisalema 68:6

Xikwembu xi akisa endlwini lava tshikiweke; Xi humesa lava bohiweke xi va veka endzalweni; Kambe lava tiarisaka va tshama ematikweni ya ku oma.

1 TIHOSI 13:28

kutani a suka a famba, a ya kuma ntsumbu wu etlele endleleni, ni mbhongolo yi ri ni nghala swi yimile ekusuhi ni ntsumbu: Nghala yi nga dyanga ntsumbu, yi nga handzulanga mbhongolo.