Timhaka 16:16 - Xitsonga (Bibele)

¹⁶ Kambe, kakuloko hi ya exikhongelweni, ku humelela nandza un'wana wa wansati loyi ngi a ri ni moya wa pitona (wa vungoma), a hlangana na hina; a a fumisa veni va yena hi ku bvumbha.

BIBELE Mahungu Lamanene

¹⁶ Siku rin'wana loko hi ya endhawini yo khongela ka yona, hi hlangana ni wanhwana loyi a a ri hlonga, loyi a a ri ni moya wa vungoma, a fumisa vini va yena hi ku vhumbha.

Testamente Leyimpsha Xichangana

¹⁶ Siku rin'wana loko hiya ndhawini yokhongela ka yona, hihlangana ni wanhwana lweyi aali xikarawa, lweyi aali ni moya wa vungoma, afuwisa vinyi va yena hi kuvhumbha.

Timhaka 16:16 Referans Kwoze

Levhitika 19:31

“ ‘Mi nga tshuki mi ya evangomeni ni ka lava hlahluvaka, mi nga tshuki mi va vutisisa timhaka leswaku mi nga tinyamisi ha vona: hi mina Yehovha, Xikwembu xa n'wina.

Esaya 8:19

Loko va nga ku eka n'wina: “Vutisisani lava humesaka mimoya ya vafi, ni vabvumbi lava hlevetelaka, lava n'unun'utaka, mi ta ku: ‘Xana tiko a ri faneli ku vutisa Xikwembu xa rona xana? Xana ku nga vutisiwa vafi timhaka ta lava hanyaka xana?’ ”

Vagalatiya 5:20

ni ku khongela swikwembu swahava, ni vungoma, ni ku vengana, ni timholovo ni vukwele, ni ku kariha, ni ku alana ni madzolonga, ni ku avana,

1 TIKRONIKA 10:13

Sawulo a fa hikwalaho ka xidyoho lexi a dyoheleke Yehovha ha xona, hikwalaho ka rito ra Yehovha leri a nga ri hlayisangiki, na swona hikuva a vutisile lava vitanaka vafi ku byeriwa timhaka hi vona.

1 SAMIELE 28:7

Sawulo a ku eka malandza ya yena: “Ndzi laveleni wansati la tivaka ku vitana vafi, ndzi ta ya eka yena, ndzi n'wi vutisa.” Malandza ya yena ma ku eka yena: “Emutini wa Eni-Dori, ku ni wansati la tivaka ku vitana vafi.”

1 Timotiya 6:10

Hikuva rirhandzu ra rifuwo i rimitsu ra vudyoho hinkwabyo; van'wana, hi ku ri navela, va lahlekeriwe hi ku pfumela, kutani va titlhavile hi mahlomulo layo tala.

2 Timotiya 3:8

Hilaha Yani na Yambri va aleleke Muxe hakona, hi sweswo, na vona, va ala swa ntiyiso, va nga vanhu lava boleke eku anakanyeni ka vona va nga riki na ku khensiwa hitlhelo ra vupfumeri.

Timhaka 16:18

A engeta a endlisa sweswo hi masiku lama tlhandlamaka; kambe Pawulo a karhatiwa ha swona, kutani a rhendzeleka a ku eka moya: “Ndza ku lerisa hi vito ra Hosi Yesu Kriste leswaku u huma eka yena!” Kutani wu huma hi nomu wolowo.

Timhaka 16:13

Hi siku ra Savata, hi huma emutini hi ya enambyeni, laha va toloveleke ku khongela kona; kuteloko hi tshamisile, hi vulavula ni vavasati lava hlengeletaneke kona.

1 SAMIELE 28:3

Samiele a a file, kutani Vaisraele hinkwavo a va n'wi rila; a va n'wi lahlile eRhama, emutini wa yena. Kambe Sawulo a a susile lava vitanaka vafi, ni vangoma, etikweni.

2 Petro 2:3

kutani leswi va navelaka ku fuwa, va ta bindzula ha n'wina hi ku vulavula loku kanganyisaka, volavo, ku avanyisa ka vona ka khale ku nga lolohiki, ni ku lova ka vona ku nga etleriki.

Timhaka 19:24

Hikuva mufuri un'wana wa nsuku, loyi va nge i Demetriyo, la fulaka titempelenyana ta Artemi ta silivhere, a a fuwise vatirhi va yena;

Levhitika 20:6

“Kungakuloko munhu a ya evangomeni ni ka lava hlahluvaka, a oswana na vona, ndzi ta languta hi vukari munhu loyi, ndzi n'wi susa etikweni ra yena.

Levhitika 20:27

“Kungakuloko wanuna, hambi wansati, a vutisa swikwembu, kumbe loko va bvumbha, va ta dlawa; va ta khandliwa hi maribye; ngati ya vona yi le henhla ka vona.”

2 TIHOSI 21:6

A hisa n'wana wa yena endzilweni, a namarhela vungoma ni vuloyi, kutani a veka vangoma ni vabvumbi, a ri karhi a endla leswo biha hi ku tlurisa emahlweni ka Yehovha ku n'wi pfuka.

Timhaka 16:19

Veni va yena, kuteloko va vonile leswaku va lahlekele hi ku tshemba bindzu ra vona, va khoma Pawulo na Silasi, va va kokela ehubyeni, emahlweni ka tihosi;