Timhaka 15:7 - Xitsonga (Bibele)

⁷ Kuteloko va kanerile ngopfu, Petro a yima, a ku eka vona: “Vavanuna varikwerhu, ma swi tiva leswaku khale Xikwembu xi ndzi hlawurile exikarhi ka n'wina, leswaku vamatiko va yingisa rito hi nomu wa mina, va va va pfumela.

BIBELE Mahungu Lamanene

⁷ Kuteloko va yi kanerile nkarhi wo leha, Petro a yima, a ku ka vona: “Vavanuna varikwerhu, ma swi tiva leswaku Xikwembu xi ndzi hlawurile exikarhi ka n'wina loko kereke ya ha ku sungula, leswaku vamatiko va ta twa rito ra Evhangeli hi nomo wa mina, va kondza va pfumela.

Testamente Leyimpsha Xichangana

⁷ Kuteloko vayivulavulile nkama wa kuleha, Petrosi ayima, aku ka vona: “Vavanuna valekwerhu, masvitiva lesvaku Xikwembu xinihlawulile xikarhi ka n'wina loko kereke yahakusungula, lesvaku vamatiko vatatwa rito ra Evhangeli hi nomo wa mina, vakondza vapfumela.

Timhaka 15:7 Referans Kwoze

Timhaka 15:2

Kambe Pawulo na Barnaba va hlamulana ngopfu na vona, va tengisana hi matimba; kutani ku kaneriwa leswaku Pawulo na Barnaba va ta ya eYerusalema, va ri ni van'wana va vona, ku ya vutisa mhaka leyi eka vaapostola ni ka vakulukumba.

Timhaka 20:24

Kambe a ndzi vuri nchumu ha swona, ni vutomi bya mina, a ndzi byi cawuki, ndzi ko ndzi heta pfhumba ra vutomi bya mina ni ntirho lowu ndzi nga wu lerisiwa hi Hosi Yesu, ku nga ku vula vumbhoni bya Evhangeli ya tintswalo ta Xikwembu.

Timhaka 10:20

yima u xika, u famba na vona u nga kanakani, hikuva hi mina ndzi va rhumeke.”

Vafilipiya 2:14

Endlani hinkwaswo mi nga n'unun'uti ni ku kanetana,

Timhaka 15:39

Ku holovelana ku humelela hikwalaho exikarhi ka vona, va kondza va avana. Kutani Barnaba a teka Marka, a tlutela eKipra.

Timhaka 13:2

Kakuloko va ri karhi va tirha ntirho wa Hosi, va titsona swakudya, Moya lowo Kwetsima wu ku: “Ndzi hlawuleleni Barnaba na Sawulo, va ya entirhweni lowu ndzi va vitaneleke wona.”

Timhaka 9:15

Kambe Hosi yi ku eka yena: “Yana, hikuva loyi, i khuwana leri ndzi tihlawuleleke rona, ku yisa vito ra mina eka vamatiko, ni ka tihosi, ni ka vana va Israele;

Timhaka 4:25

‘Xana vamatiko va dzumadzumela yini, ni matiko ma kanelela yini timhaka ta hava?

Timhaka 3:18

kambe Xikwembu xi hetisisile hi mukhuva wolowo timhaka leti xi nga rhanga xi ti vula hi milomu ya vaprofeta va xona hinkwavo, leswaku Kriste wa xona u ta twisiwa ku vaviseka.

Timhaka 1:24

Kutani va khongela, va ku: “Hosi, wena la tivaka timbilu ta hinkwavo, kombisa loyi u n'wi hlawuleke eka lavambirhi lava,

Timhaka 1:16

“Vavanuna varikwerhu, a swi fanela leswaku Tsalwa ri hetiseka, leri nga bvumbhiwa hi Moya lowo Kwetsima, hi nomu wa Davhida, leri vuleke Yudasi, loyi a tiendleke mufambisi wa lava khomeke Yesu.

Yohane 15:16

“A hi n'wina mi ndzi hlawuleke; hi mina ndzi mi hlawuleke, kutani ndzi mi vekile leswaku mi ya mi veleka mihandzu, ni leswaku mihandzu ya n'wina yi tshama, swi ri leswaku hinkwaswo leswi mi nga ta swi kombela eka Tatana hi vito ra mina, a mi nyika swona.

Yohane 3:27

Yohane a hlamula, a ku: “Munhu a nga ka a nga amukeri nchumu loko xi nga ri lexi a xi nyikiweke hi tilo.

Yeremiya 1:9

Ku va laha Yehovha a tshambulutaka voko ra yena, kutani a khumba nomu wa mina, a ku eka mina: “Vona, ndzi veka marito ya mina enon'wini wa wena.

Eksoda 4:12

Famba sweswi, ndzi ta va ni nomu wa wena, ndzi ku dyondzisa leswi u nga ta swi vulavula.”

Timhaka 10:19

Kutani Petro loko a ri karhi a ha anakanya mahlori lawa, Moya wu ku eka yena: “Vona, vavanuna vanharhu va ku lava;

Timhaka 15:14

Simoni u mi amberile hilaha Xikwembu xi nga sungula ku endzela vamatiko, ku tihumesela exikarhi ka vona tiko leri hlayisaka vito ra xona.

Timhaka 21:16

Kambe vadyondzisiwa van'wana va Khezariya, na vona va famba na hina, va hi yisa eka Mnasoni, mudyondzisiwa wa khale, la pfeke Kipra, loyi hi nga ta rhurheriwa eka yena.