Timhaka 15:22 - Xitsonga (Bibele)

²² Hikwalaho, vaapostola ni vakulukumba, va ri ni kereke hinkwayo va vona leswaku swi nga saseka loko va hlawula vavanuna exikarhi ka vona, va ta va rhuma eAntiyoka, kun'we na Pawulo na Barnaba; mavito ya vona i Yuda la thyiweke Barsaba, na Silasi, va ri vavanuna lava tshembiweke exikarhi ka vamakwavo.

BIBELE Mahungu Lamanene

²² Hikokwalaho vaapostola ni vakulukumba, swin'we ni kereke hinkwayo, va twanana ku hlawula vavanuna van'wana exikarhi ka vona, va va rhumela eAntiyoka va ri na Pawulo na Barnaba; ku rhumiwa Yuda loyi a va ku i Barsaba, na Silasi, vavanuna lavo chaviseka exikarhi ka vamakwavo eHosini.

Testamente Leyimpsha Xichangana

²² Hikokolaho vapostola ni vakulukumba, svin'we ni kereke hinkwayu, vatwanana kuhlawula vavanuna van'wana xikarhi ka vona, vavarhumela Antiyoka na Pawulo na Barnaba; kurhumiwa Yuda lweyi avaku i Barsaba, na Silasi, vavanuna lavochaviseka xikarhi ka vamakwavu Hosini.

Timhaka 15:22 Referans Kwoze

Timhaka 15:27

Hikwalaho, hi mi rhumelaka Yuda na Silasi; kambe, na vona, va ta mi byela hi nomu timhaka ti ri tin'we.

Timhaka 15:40

Kambe Pawulo a tihlawulela Silasi, kutani a suka, a nyiketiwile etintswalweni ta Xikwembu hi vamakwavo.

1 Petro 5:12

Ndzi mi tsalele marito ma nga ri mangani ha Silvano loyi ndzi n'wi ringanisaka leswaku i makwerhu la tshembekeke, ndzi ri karhi ndzi mi khongotela, ni ku tiyisa vumbhoni leswaku tintswalo ta xiviri ta Xikwembu, hi toleto mi yimeke eka tona.

2 Vatesalonika 1:1

Pawulo, na Silvano, na Timotiya, eka Kereke ya Vatesalonika leyi nga eka Xikwembu Tatana, ni le ka Hosi Yesu Kriste;

1 Vatesalonika 1:1

Pawulo, na Silvano, na Timotiya; Eka kereke ya Vatesalonika leyi nga eka Xikwembu Tatana, ni le ka Hosi ya hina Yesu Kriste; Tintswalo ni ku rhula a swi ve na n'wina, swi huma eka Xikwembu, Tata wa hina, ni ka Hosi ya hina Yesu Kriste.

Timhaka 18:5

Silasi na Timotiya, kuteloko va fikile va huma eMakedoniya, Pawulo a tinyiketa ku dyondzisa rito hi mbilu ya yena hinkwayo, a tiyisa eka Vayuda leswaku Yesu i Kriste.

Timhaka 15:32

Kambe Yuda na Silasi, hikuva a va ri vaprofeta na vona, va khongotela vamakwavo hi marito layo tala, ni ku va tiyisa.

Timhaka 1:23

Hikwalaho va humesa vambirhi: Un'wana a a ri Yosefa, la nga thyiwa Barsaba, loyi va nga engeta va n'wi thya Yusto; un'wana a a ri Matiyasi.

Timhaka 17:14

Hikwalaho vamakwavo va hatlisa va humesa Pawulo a ya tlhelo ra lwandle; kambe Silasi na Timotiya va sala kona.

Timhaka 17:10

Nivusiku, vamakwavo va hatlisa va rhuma Pawulo na Silasi eBeriya. Kuteloko va fikile kona, va nghena esinagogeni ya Vayuda.

Timhaka 17:4

Kutani van'wana exikarhi ka vona va pfumela, va hlangana na Pawulo na Silasi, va ri ni vunyingi lebyikulu bya Vagriki lava gandzelaka Xikwembu, ni vavasati lavo tala lavakulu.

Timhaka 16:29

Kuteloko a komberile rivoni, a nghena hi ku tsutsuma, a tiwisela emilengeni ya Pawulo na Silasi, a ri karhi a rhurhumela.

Timhaka 16:25

Evusikwini lebyikulu, Pawulo na Silasi, a va khongela, va yimbelelela Xikwembu tinsimu; kutani lava nga khotsiwa va va yingisa.

Timhaka 16:19

Veni va yena, kuteloko va vonile leswaku va lahlekele hi ku tshemba bindzu ra vona, va khoma Pawulo na Silasi, va va kokela ehubyeni, emahlweni ka tihosi;

Timhaka 15:25

kwalaho hi twanene hi ri mbilu yin'we, hi vonile leswaku swi sasekile loko hi hlawula vavanuna ni ku va rhumela eka n'wina va ri ni varhandziwa va hina,

Timhaka 15:23

Va tsala teto ha vona, va ku: “Vaapostola, ni vakulukumba, ni vamakwavo, eka vamakwerhu vamatiko, lava nga eAntiyoka, na Siriya, na Kilikiya, xewani!

Timhaka 11:22

Timhaka teto, kuteloko ti fikile etindleveni ta kereke leyi nge Yerusalema, yi rhuma Barnaba leswaku a endza eAntiyoka.

Timhaka 8:14

Kambe vaapostola lava seleke eYerusalema, loko va twa leswaku Vasamariya va amukela rito ra Xikwembu, va va rhumela Petro na Yohane;

2 TIKRONIKA 30:12

Voko ra Yehovha ri va kona ni le tikweni ra Yuda ku va nyika mbilu yin'we ku endla hilaha hosi ni tihosana ti leriseke hakona hi rito ra Yehovha.

2 TIKRONIKA 30:4

Mhaka leyi yi va yi lulama emahlweni ka hosi ni le mahlweni ka nhlengeletano hinkwayo;

2 SAMIELE 3:36

Tiko hinkwaro ri twisisa mhaka leyi, kutani xi va xilo xo saseka emahlweni ka rona; hinkwaswo leswi endliweke hi hosi, swi ri swo saseka emahlweni ka tiko hinkwaro.

Timhaka 11:19

Loko va ri lava ingi va hangalasiwile hi ku xanisiwa loku nga humelela hikwalaho ka Stefano, va hundzela emahlweni ku ya fika eFenikiya, na Kipra, na Antiyoka, va nga byeri munhu rito loko va nga ri Vayuda ntsena.

Timhaka 11:20

Hambiswiritano, van'wana eka vona, va nga vavanuna va Kipra ni va Kirene, kakuloko va nghene eAntiyoka, va hlamulana ni Vagriki, va va byela Evhangeli ya Hosi Yesu.

Timhaka 11:27

Emasikwini lawa, vaprofeta va rhelela hi le Yerusalema, va ya Antiyoka.

Timhaka 15:3

Kuteloko va rhumisiwile sweswo hi kereke, va tsemakanya Fenikiya na Samariya, va ri karhi va vula ku hundzuka ka vamatiko; kutani vamakwavo hinkwavo va tsakela mhaka leyi ngopfungopfu.

Timhaka 15:30

Volavo, kakuloko va rhumiwile sweswo, va fika eAntiyoka, va hlengeleta vunyingi kutani va va nyika tsalwa leri.

2 Vakorinto 1:19

hikuva N'wana wa Xikwembu, Yesu Kriste la vuriweke exikarhi ka n'wina hi hina, na Silvano, na Timotiya, a nga endlanga leswi nga ina ni e-e; kambe a swi ri ina eka yena.