Timhaka 15:1 - Xitsonga (Bibele)

¹ Van'wana lava humeke eYudiya, va dyondzisa vamakwavo, va ku: “Loko mi nga yimbanga hi nawu wa Muxe, mi nga ka mi nga poni.”

BIBELE Mahungu Lamanene

¹ Van'wana lava humeke eYudiya, a va dyondzisa vamakwavo eHosini, va ku: “Loko mi nga yimbisiwanga hi ku ya hi Nawu wa Muxe, mi nga ka mi nga ponisiwi.”

Testamente Leyimpsha Xichangana

¹ Van'wana lavahumeke Yudeya, avajondzisa vamakwavu Hosini, vaku: “Loko mingayimbisiwanga hi kuya hi Nawu wa Moxe, mingakala mingaponisiwi.”

Timhaka 15:1 Referans Kwoze

Vagalatiya 5:6

Hikuva eka Yesu Kriste, ku yimba hambi byi ri vukhuna, a swi pfuni nchumu, kambe ku pfuna ku pfumela loku tirhaka hi rirhandzu.

Timhaka 15:5

Kambe van'wana va dyondzo ya Vafarisi, lava pfumeleke, va yima va ku: “Swa fanela leswaku vamatiko va yimba, va lerisiwa ni ku hlayisa nawu wa Muxe.”

Vakolosa 2:8

Tilanguteleni leswaku munhu a nga tshuki a mi koka hi filosofi ni mavunwa ya swahava, hi ku landzelela mikhuva ya vanhu ni timhaka to rhanga ta misava, ku nga ri ha Kriste.

Levhitika 12:3

Siku ra ntlhanu na manharhu va ta yimbisa n'wana,

Timhaka 15:24

“Leswi hi tweke leswaku van'wana lava humeke eka hina va mi tshukisile hi ku vulavula ka vona, va tsekatsekisa mimoya ya n'wina, va ku: Mi fanele ku yimba, ni ku hlayisa nawu, kasi hina a hi va lerisanga nchumu;

Yohane 7:22

Muxe u mi nyikile ku yimba (a hileswaku ku hume eka Muxe, kambe ku humile eka vakokwana va khale), kutani mi yimbisa munhu hi Savata!

Vagalatiya 2:1

Malembe ya khume na mune, kuteloko ma herile, ndzi tlhela ndzi tlhandlukela eYerusalema, na Barnaba, ndzi teka na Tito.

Timhaka 15:3

Kuteloko va rhumisiwile sweswo hi kereke, va tsemakanya Fenikiya na Samariya, va ri karhi va vula ku hundzuka ka vamatiko; kutani vamakwavo hinkwavo va tsakela mhaka leyi ngopfungopfu.

Timhaka 6:14

hikuva hi n'wi twile a ku: Yesu yeloyi wa Nazareta, u ta lovisa xivandla lexi, a hundzuluxa ni mikhuva leyi hi yi nyikiweke hi Muxe.”

Vakolosa 2:16

Hikwalaho, munhu a nga tshuki a mi sola emhakeni ya ku dya ni ya ku nwa, hambi ku ri emhakeni ya mikhuvo, ni ya tin'weti letintshwa ni ya Tisavata;

Timhaka 21:20

Loko va twa timhaka teto, va dzunisa Xikwembu. Kambe va ku eka yena: “Makwerhu, wanga vona vunyingi bya madzanadzana ya Vayuda lava pfumeleke, kutani hinkwavo va hisekela nawu.

Timhaka 15:22

Hikwalaho, vaapostola ni vakulukumba, va ri ni kereke hinkwayo va vona leswaku swi nga saseka loko va hlawula vavanuna exikarhi ka vona, va ta va rhuma eAntiyoka, kun'we na Pawulo na Barnaba; mavito ya vona i Yuda la thyiweke Barsaba, na Silasi, va ri vavanuna lava tshembiweke exikarhi ka vamakwavo.

Timhaka 1:15

Hi masiku walawo, Petro a yima exikarhi ka vadyondzisiwa (vunyingi bya vona lava hlengeletaneke a va lava ku va dzana ni makume mambirhi), a ku:

Timhaka 15:23

Va tsala teto ha vona, va ku: “Vaapostola, ni vakulukumba, ni vamakwavo, eka vamakwerhu vamatiko, lava nga eAntiyoka, na Siriya, na Kilikiya, xewani!

Timhaka 15:32

Kambe Yuda na Silasi, hikuva a va ri vaprofeta na vona, va khongotela vamakwavo hi marito layo tala, ni ku va tiyisa.

Vagalatiya 6:12

Hinkwavo lava rhandzaka ku tidzunisa enyameni, va mi sindzisa ku yimba, ntsena hileswaku va nga tshuki va xaniseriwa xihambano xa Kriste;