Timhaka 14:26 - Xitsonga (Bibele)

²⁶ Va suka kona va tlhelela eAntiyoka hi byatso, ku nga laha ingi va nyiketiwile etintswalweni ta Xikwembu, ku ya entirhweni lowu va wu heteke.

BIBELE Mahungu Lamanene

²⁶ Va suka kona, va tlhelela eAntiyoka hi ngalava, ku nga kona laha vakriste a va va kombelerile minkateko ya Xikwembu, leswaku va ya tirha ntirho wa xona. Kutani va vuya va hetile ntirho wa kona.

Testamente Leyimpsha Xichangana

²⁶ Vasuka kona, vatlhelela Antiyoka hi ngalawa, kunga kona laha vakriste avavakombelelile minkateko ya Xikwembu, lesvaku vayatirha ntirho wa xona. Kutani vavuya na vahetile ntirho wakona.

Timhaka 14:26 Referans Kwoze

Timhaka 15:40

Kambe Pawulo a tihlawulela Silasi, kutani a suka, a nyiketiwile etintswalweni ta Xikwembu hi vamakwavo.

Timhaka 11:19

Loko va ri lava ingi va hangalasiwile hi ku xanisiwa loku nga humelela hikwalaho ka Stefano, va hundzela emahlweni ku ya fika eFenikiya, na Kipra, na Antiyoka, va nga byeri munhu rito loko va nga ri Vayuda ntsena.

Vakolosa 4:17

Kutani mi nge eka Arkipo: “Tilangutisele ntirho lowu u wu averiweke hi Hosi, leswaku u wu heta swinene.”

Vakolosa 1:28

Hi yena yeloyi hi n'wi vulaka, hi ri karhi hi pfuxa vanhu hinkwavo, hi dyondzisa vanhu hinkwavo eku tlhariheni hinkwako, hi ta humelerisa vanhu hinkwavo va nga lava hetisekeke eka Kriste.

Vakolosa 1:25

Ndzi endliwile nandza wa yona hi ku avela loku Xikwembu xi ndzi aveleke kona hikwalaho ka n'wina, ndzi va ndzi mi letela rito hinkwaro ra Xikwembu;

2 Vakorinto 1:12

Hikuva ku tidzunisa ka hina ku le vumbhonini bya ripfalo ra hina; hikuva hi hanyile ematikweni, ngopfu exikarhi ka n'wina, hi mbilu leyi pfumalaka mano, hi ri ni vunene bya Xikwembu, byi nga ri vutlhari bya nyama, kambe ti ri tintswalo ta Xikwembu.

Varhoma 15:19

hi matimba ya swikombiso, ni masingita, ni matimba ya Moya; ndzi va ndzi haxa Evhangeli ya Kriste, ndzi sungula eYerusalema, ndzi tsemakanya ku ya hetelela eIiriya.

Timhaka 11:26

Kuteloko a n'wi kumile, a n'wi yisa eAntiyoka. Va tshamisa kona, va heta lembe rin'we va ri karhi va hlengeletana ni kereke kutani va dyondzisa vunyingi lebyikulu. Hi kona la Antiyoka vadyondzisiwa va nga sungula ku thyiwa Vakriste.

2 Timotiya 4:2

Huwelela rito, u phikelela hi nkarhi, ni loko wu nga ri nkarhi; u laya, u tshinya, u khongotela hi ku yingisela hinkwako, ni ku dyondzisa.

Vagalatiya 2:11

Kambe loko Kefasi a tile eAntiyoka, ndzi n'wi yimisile ni ku n'wi sivela, hikuva a a fanekeriwe hi ku tshinyiwa.

Timhaka 15:30

Volavo, kakuloko va rhumiwile sweswo, va fika eAntiyoka, va hlengeleta vunyingi kutani va va nyika tsalwa leri.

Timhaka 20:32

“Kutani sweswi, ndzi mi veka eka Xikwembu ni ka rito ra tintswalo ta xona, lexi nga ni matimba ya ku mi akisa, ni ku mi nyika ndzhaka swin'we ni vakwetsimi hinkwavo.

Timhaka 15:22

Hikwalaho, vaapostola ni vakulukumba, va ri ni kereke hinkwayo va vona leswaku swi nga saseka loko va hlawula vavanuna exikarhi ka vona, va ta va rhuma eAntiyoka, kun'we na Pawulo na Barnaba; mavito ya vona i Yuda la thyiweke Barsaba, na Silasi, va ri vavanuna lava tshembiweke exikarhi ka vamakwavo.

Timhaka 14:23

Kutani va va vekela vakulukumba ekerekeni yin'wana ni yin'wana, hi ku khongela ni ku titsona swakudya; kutani va va veka eka Hosi leyi va pfumeleke eka yona.

Timhaka 11:20

Hambiswiritano, van'wana eka vona, va nga vavanuna va Kipra ni va Kirene, kakuloko va nghene eAntiyoka, va hlamulana ni Vagriki, va va byela Evhangeli ya Hosi Yesu.

Timhaka 11:23

Kuteloko a fikile, a vona tintswalo ta Xikwembu a tsaka; kutani a va khongotela hinkwavo ku tiyisela eka Hosi hi timbilu leti chivirikaka.

Timhaka 11:27

Emasikwini lawa, vaprofeta va rhelela hi le Yerusalema, va ya Antiyoka.

Timhaka 14:19

Kutani ku fika Vayuda lava pfaka hi le Antiyoka na Ikoniya, va kucetela tiko, va khandla Pawulo hi maribye, kutani va n'wi kokela ehandle ka muti, va anakanya leswaku u file.

Timhaka 14:21

Kuteloko va vurile Evhangeli emutini lowo, ni ku endla vadyondzisiwa lavo talanyana, va tlhelela eListra na Ikoniya na Antiyoka,