Timhaka 14:21 - Xitsonga (Bibele)

²¹ Kuteloko va vurile Evhangeli emutini lowo, ni ku endla vadyondzisiwa lavo talanyana, va tlhelela eListra na Ikoniya na Antiyoka,

BIBELE Mahungu Lamanene

²¹ Kuteloko va twarisile Evhangeli emutini wolowo wa Derbe ni ku hundzukisa vanhu lavo tala leswaku va va vadyondzisiwa, va tlhelela eListra, ni le Ikoniya, ni le Antiyoka,

Testamente Leyimpsha Xichangana

²¹ Kuteloko na vapaluxile Evhangeli doropeni rolero ra Derbe ni kuhundzukisa vanhu lavanyingi lesvaku vava vajondzisiwa, vatlhelela Listra, ni le Ikoniya, ni le Antiyoka,

Timhaka 14:21 Referans Kwoze

Timhaka 14:19

Kutani ku fika Vayuda lava pfaka hi le Antiyoka na Ikoniya, va kucetela tiko, va khandla Pawulo hi maribye, kutani va n'wi kokela ehandle ka muti, va anakanya leswaku u file.

Timhaka 14:1

Pawulo na Barnaba, loko va ri eIkoniya, va nghena kun'we esinagogeni ya Vayuda, va dyondzisa kona, kutani ku pfumela vunyingi lebyikulu bya Vayuda ni bya Vagriki.

Timhaka 13:51

Kambe vona va va phumunhela ntshuri wa milenge ya vona, kutani va ya eIkoniya.

2 Timotiya 3:11

ni le ku xanisekeni, ni le makhombyeni lama ndzi humeleleke eAntiyoka, ni le Ikoniya, ni le Listra; kunene ndzi rhwarile ku vaviseka loku, kutani Hosi yi ndzi lwele eka hinkwaswo.

Timhaka 14:6

vona, loko va twa sweswo, va tsutsumela emitini yin'wana ya Likawoniya, yi nga Listra, na Derbe, ni le matikweni ya kona.

Timhaka 13:14

Kambe Yohane a avana na vona, a tlhelela eYerusalema. Loko va ri vona, va suka ePerge, va ya eAntiyoka wa Pisidiya; kutani va nghena esinagogeni hi siku ra Savata, va tshamisa.

Matewu 28:19

yanani hakona mi ya dyondzisa va matiko hinkwawo, mi va khuvula hi vito ra Tatana, ni ra N'wana ni ra Moya lowo Kwetsima,

Timhaka 16:2

kambe tata wa yena a a ri Mugriki; a a dzunisiwa hi vamakwavo va Listra ni va Ikoniya.

Timhaka 15:36

Loko ku hundzile masiku man'wana, Pawulo a ku eka Barnaba: “A hi tlhele hi ya endzela vamakwerhu emitini hinkwayo leyi hi nga vula rito ra Hosi eka yona, hi vona hilaha va hanyaka hakona.”

Timhaka 14:8

Kambe munhu a a ri kona eListra ka hari mpfhuka a hume ekhwirini ra mana wa yena a lamele milenge, a nga tivi ku famba.

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi yi engetela kereke hi vanhu lava ponisiweke.

Timhaka 14:7

Kutani va vula Evhangeli kona.

Timhaka 14:15

“Vavanuna, mi endlisela yini sweswo xana? Kasi na hina hi vanhu lava fanaka na n'wina hi ntumbuluko; kutani ho mi byela leswaku mi tshika timhaka leti ta swahava, ni leswaku mi hundzukela eka Xikwembu lexi hanyaka, lexi nga endla tilo ni misava, ni lwandle, ni swilo hinkwaswo leswi nga eka swona;

Timhaka 14:26

Va suka kona va tlhelela eAntiyoka hi byatso, ku nga laha ingi va nyiketiwile etintswalweni ta Xikwembu, ku ya entirhweni lowu va wu heteke.