Timhaka 14:17 - Xitsonga (Bibele)

¹⁷ Hambiswiritano, a xi tipfumatanga vumbhoni, hi ku endlela vanhu swinene, ni ku hi nyika timpfula ta tilo ni tinguva ta ndzalo, xi hi andzisela ni swakudya, xi tata timbilu ta hina hi ku tsaka.”

BIBELE Mahungu Lamanene

¹⁷ Hambiswiritano, a xi tshikanga ku tikomba leswi xi nga swona, hi ku endla leswinene; xi mi nyikile timpfula to huma etilweni, na tinguva ta ndzalo, xi mi andzisela ni swakudya, xi tata timbilu ta n'wina hi ku tsaka.”

Testamente Leyimpsha Xichangana

¹⁷ Hambi svilitano, axitshikanga kutikomba lesvi xinga svona, hi kuyendla lesvinene; ximinyikile timpfula tihuma tilweni, ni tinguva ta ntshovelo, ximiyandzisela ni svakuja, xitata timbilu ta n'wina hi kutsaka.”

Timhaka 14:17 Referans Kwoze

Yuwele 2:23

Na n'wina vana va Siyoni, tsakani, mi tsaka ngopfu eka Yehovha, Xikwembu xa n'wina, hikuva u ta mi nyika hilaha ku fanelaka e timpfula letikulu, u ta mi nisela timpfula, timpfula ta rihunga, ni ta xirimo; hi wona masungulo.

Ntirho 5:10

U chulula mpfula emisaveni, U chelela mati emasin'wini.

Duteronoma 11:14

ndzi ta nyika tiko ra n'wina mpfula hi nkarhi wa yona, ti ri timpfula leto sungula, ni leto hetelela; u ta tshovela koro ya wena, ni vhinyo ya wena ni mafurha ya wena.

Esaya 5:6

Ndzi ta yi endla fusi yi nga ha hlakuriwi, yi nga ha rimiwi, ku ta mila mitwa ni swigatlu ntsena; kutani ndzi ta lerisa mapapa leswaku ma nga ha tshami ma nisa mpfula ehenhla ka yona.

1 Timotiya 6:17

Byela vafuwi va nkarhi wa sweswi, leswaku va nga tshuki va tidzunisa, va nga tshuki va tshemba rifuwo leri nga tiyangiki, kambe va tshemba Xikwembu lexi hi nyikaka hinkwaswo hi ku rhandza ka xona, leswaku hi swi tsakela,

Ezekiele 34:26

Vona ni va le matlhelweni ya xintshabyana xa mina, ndzi ta va endlela ku kateka; ndzi ta nisa mpfula hi nkarhi wa yona; ku ta va ni ku tsakama ka ku kateka kona.

Yeremiya 5:24

Kambe a va tilayi etimbilwini ta vona, va ku: ‘Hi fanele ku chava Yehovha, Xikwembu xa hina, la hi nyikaka, mpfula yo rhanga ni ya hlovo enkarhini wa yona, la hi hlayiselaka mavhiki lama vekiweke ya ku tshovela.’

Pisalema 145:9

Yehovha u ni vunene ka hinkwavo, Tintswalo ta yena ti eneta mitirho hinkwayo ya yena.

Duteronoma 28:12

Yehovha u ta ku pfulela tilo, byi nga vukosi bya yena lebyinene, ku nyika misava ya wena mpfula hi nkarhi wa yona, ni ku katekisa mitirho hinkwayo ya mavoko ya wena. Matiko layo tala ma ta lomba eka wena, kambe wena u nga ka u nga lombi eka vona.

Levhitika 26:4

ndzi ta mi nyika timpfula emikarhini ya tona; misava yi ta humesa swa yona, ni mirhi ya masimu yi ta veka mihandzu ya yona.

Luka 6:35

Kambe n'wina, rhandzani valala va n'wina, mi endla vanhu swinene, mi lomba mi nga tshembi ku ta tlheriseriwa, kutani ku hakeriwa ka n'wina ku ta va lokukulu; mi ta va vana va La nge henhlahenhla, hikuva yena u ni tintswalo eka lava nga khensiki ni ka lavo biha.

Yeremiya 14:22

Xana un'wana a nga va kona exikarhi ka swahava swa matiko la nisaka mpfula-ke? Kumbe tilo ri nga tinisela mpfula-ke? Xana a hi wena Yehovha Xikwembu xa hina? Na swona hi tshembile wena hikuva hi wena la endleke leswo hinkwaswo.

Pisalema 52:1

Xana u tidzunisela yini hi ku biha, wena nhenha? Tintswalo ta Xikwembu ti kona hi masiku.

Ntirho 37:6

Xi ku eka gamboko: ‘Nela emisaveni,’ Xi vurisa sweswo eka mpfula, ni ka makhukhumba lamakulu.

Nehemiya 9:25

Va teka miti ya rirhangu ni tiko leri noneke va fuwa tindlu leti teleke xuma xa tinxakaxaka hinkwato ni swihlovo leswi ceriweke, ni tivhinya ni mitlhwari, ni mirhi yo tala leyi vekaka mihandzu, va dya, va xurha va nona, kutani va hanya eku tsakeni hinkwako hi tintswalo ta wena letikulu.

1 TIHOSI 18:1

Masiku yo tala loko ma hundzile, rito ra Yehovha ri ta eka Eliya hi lembe ra vunharhu, ri ku: “Famba u tikombisa eka Akabu, kutani ndzi ta nisa mpfula emisaveni.”

Matewu 5:45

hileswaku mi hundzuka vana va Tata wa n'wina la nga ematilweni, hikuva u tsuvukisa dyambu ra yena ehenhla ka lavo biha ni lavo saseka, u nisa mpfula ehenhla ka lavo lulama ni lavo homboloka.

Esaya 22:13

Kasi, maswivo, i nkhuvo ni ku tsaka! Ku tlhaviwa tihomu ku tlhaviwa tinyimpfu; ku dyiwa tinyama, ku nwiwa vhinyo: mi ku: “A hi dyeni, a hi nweni, hikuva mundzuku hi ta fa!”

Ntirho 36:31

Xi avanyisa vamatiko ha swona; Kambe xi va nyika ha swona swakudya leswo tala.

Pisalema 4:7

U tsakisile mbilu yanga ku tlurisa ku tsaka ka vona Loko va andzeriwa hi mavele ni vhinyo.

Esaya 40:21

A mi swi tivi xana? A mi swi twangi xana? A mi tivisiwanga eku sunguleni? A mi xiyanga ta ku tumbuluka ka misava xana?

Timhaka 14:18

Kambe, hambi va vula sweswo, va lava ku tsandzeka ku sivela vanhu ku va tlhavela mhamba.

Timhaka 17:26

Kambe xi endlile vanhu va tinxaka hinkwato hi ngati yin'we, ku aka ehenhla ka misava hinkwayo; xi lerisile tinguva leti hlawuriweke hi xona ni mindzilekana ya ku aka ka vona,