Timhaka 13:9 - Xitsonga (Bibele)

⁹ Kambe Sawulo, loyi va n'wi thyeke Pawulo, a tala Moya lowo Kwetsima, kutani a n'wi honolela mahlo, a ku:

BIBELE Mahungu Lamanene

⁹ Kambe Sawulo, a nga yena Pawulo, a tala Moya lowo Kwetsima, kutani a honokela mungoma loyi, a ku:

Testamente Leyimpsha Xichangana

⁹ Kambe Sawulo, anga yena Pawulo, atala hi Moya Wokwetsima, kutani ahonokela mungoma lweyi, aku:

Timhaka 13:9 Referans Kwoze

Mikiya 3:8

Kambe mina, ndzi tele matimba, ndzi tele Moya wa Yehovha, ni ku lulama ni vunhenha, swi ri leswaku ndzi ta byela Yakobo ku tlhela ka yena, na Israele, xidyoho xa yena.

Timhaka 4:8

Kavaloko Petro a vulavula na vona a tele Moya lowo Kwetsima, a ku: “Tihosi ta tiko, na n'wina vakulu va Israele,

Timhaka 2:4

Kutani hinkwavo va tala hi Moya lowo Kwetsima, va sungula ku vulavula hi tindzimi tin'wana, hilaha Moya wu nga va vulavurisa hakona.

Timhaka 7:55

Kambe Stefano a tala hi Moya lowo Kwetsima, kutani a langutisisa etilweni, a vona ku kwetsima ka Xikwembu, na Yesu a yime evokweni ra xinene ra Xikwembu.

Marka 3:5

Yena a va rhalarhala hi mahlo hi ku kariha a vavisekile hi ku nonon'hwa ka timbilu ta vona; kambe a ku eka munhu loyi: “Tshambuluta voko ra wena.” A ri tshambuluta, kutani voko ra yena ri hanya.

Timhaka 4:31

Kuteloko va khongerile, xivandla lexi va hlengeletaneke eka xona, xi tsekatseka, kutani hinkwavo va tala Moya lowo Kwetsima, kutani va vula rito ra Xikwembu hi ku tiya.

Luka 20:17

Kutani a va languta, a ku: “I yini leswi tsariweke, loko va te: ‘Ribye leri tshikiweke hi vaaki hi rona leri endliweke ribye ra yinhla’?

Matewu 10:20

Hikuva a hi n'wina lava mi nga ta vulavula, kambe i moya wa Tata wa n'wina lowu nga ta vulavula ha n'wina.

Marka 8:25

Kutani a tlhela a n'wi veka mavoko emahlweni a n'wi langutisa kutani a hanyisiwa, a vona swinene swilo hinkwaswo.