Timhaka 13:51 - Xitsonga (Bibele)

⁵¹ Kambe vona va va phumunhela ntshuri wa milenge ya vona, kutani va ya eIkoniya.

BIBELE Mahungu Lamanene

⁵¹ Kambe vona va phumunha ntshuri emilengeni ya vona, ku komba leswaku va hambana na vona, kutani va ya emutini wa Ikoniya.

Testamente Leyimpsha Xichangana

⁵¹ Kambe vona vaphumunha ntshuri milengeni ya vona, kukomba lesvaku vahambana na vona, kutani vaya doropeni ra Ikoniya.

Timhaka 13:51 Referans Kwoze

Matewu 10:14

Kutani emikarhini hinkwayo, loko va nga mi amukeri, kumbe loko va nga yingisi marito ya n'wina, loko mi huma endlwini yoleyo, kumbe emutini wolowo, mi phumunha ntshuri emilengeni ya n'wina.

Timhaka 18:6

Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”

Luka 9:5

Kambe lava nga mi amukeriki, kutakuloko mi huma emutini wolowo, mi phumunha ntshuri wa milenge ya n'wina, leswaku byi va vumbhoni eka vona.”

Timhaka 14:21

Kuteloko va vurile Evhangeli emutini lowo, ni ku endla vadyondzisiwa lavo talanyana, va tlhelela eListra na Ikoniya na Antiyoka,

Timhaka 14:19

Kutani ku fika Vayuda lava pfaka hi le Antiyoka na Ikoniya, va kucetela tiko, va khandla Pawulo hi maribye, kutani va n'wi kokela ehandle ka muti, va anakanya leswaku u file.

Timhaka 14:1

Pawulo na Barnaba, loko va ri eIkoniya, va nghena kun'we esinagogeni ya Vayuda, va dyondzisa kona, kutani ku pfumela vunyingi lebyikulu bya Vayuda ni bya Vagriki.

Marka 6:11

Kutani hinkwavo lava alaka ku mi amukela ni ku mi yingisa loko mi huma eka vona, mi phumunha ntshuri lowu nga emilengeni ya n'wina, byi va vumbhoni eka vona. Kunene, ndza mi byela, ndzi ri: Sodoma na Gomora va ta twa ku olova ku tlurisa muti wolowo hi siku ra ku avanyisa.

Timhaka 16:2

kambe tata wa yena a a ri Mugriki; a a dzunisiwa hi vamakwavo va Listra ni va Ikoniya.

2 Timotiya 3:11

ni le ku xanisekeni, ni le makhombyeni lama ndzi humeleleke eAntiyoka, ni le Ikoniya, ni le Listra; kunene ndzi rhwarile ku vaviseka loku, kutani Hosi yi ndzi lwele eka hinkwaswo.

Luka 10:11

‘Ntshuri wa muti wa n'wina lowu hi namarheleke, hi wu phumunhela eka n'wina, hambiswiritano, tivani leswaku ku fuma ka Xikwembu ku mi tshinelele.’