Timhaka 13:45 - Xitsonga (Bibele)

⁴⁵ Kambe Vayuda, loko va vona vunyingi, va tala hi mavondzo, kutani va kaneta leswi vuriwaka hi Pawulo; va ri karhi va kaneta ni ku sandza.

BIBELE Mahungu Lamanene

⁴⁵ Kambe loko Vayuda va vona mintshungu, va tala mavondzo, kutani va kaneta ni ku sandza leswi vuriwaka hi Pawulo.

Testamente Leyimpsha Xichangana

⁴⁵ Kambe loko Vayuda vavona mintshungu, vatala hi vukwele, kutani vakaneta ni kuyala lesvivuliwaka hi Pawulo.

Timhaka 13:45 Referans Kwoze

Yuda 1:10

Kambe valavo va sandza hinkwaswo leswi va nga swi tiviki kutani leswi va swi tivaka hi ku tswariwa kukotisa swiharhi leswi pfumalaka ku twisisa, va tilovisa ha swona.

Timhaka 18:6

Kambe kakuloko va kaneta ni ku sandza, a phumunha tinguvu ta yena, a ku eka vona: “Ngati ya n'wina a yi ve ehenhla ka tinhloko ta n'wina: Loko ndzi ri mina, ndzi basile; ku sukela sweswi, ndzi ta famba eka vamatiko.”

1 Vatesalonika 2:16

va hi arisile ku dyondzisa vamatiko leswaku va nga kumi ku hlayiseka, va ri karhi va engetela hi masiku swidyoho swa vona, kambe eku heteleleni, ku kariha ka Xikwembu ku va wela ehenhla.

Timhaka 19:9

Kambe van'wana, kakuloko va ti nonon'hwisa ni ku tialela, va sola ni ndlela ya Hosi emahlweni ka vunyingi, a suka eka vona, a hlawula vadyondzisiwa; kutani a dyondzisa hi masiku hinkwawo exikolweni xa Tirano.

Timhaka 5:17

Kutani muprista lonkulu a yima ni hinkwavo lava ngi va ri na yena (a va ri va dyondzo leyo hambuka ya Vasaduki), va tele mona,

1 Petro 4:4

Hilaha va hlamalaka, loko mi nga yi swin'we na vona emakhukhumbeni ya vuoswi, kutani va mi sandza hakona.

1 Vakorinto 3:3

Hikuva leswi mona ni ku hambana swa ha riki kona exikarhi ka n'wina, xana a mi va nyama-ke? Xana a mi yi hi mikhuva ya vanhu-ke?

Timhaka 17:5

Kambe Vayuda va tala mavondzo, va teka vavanuna van'wana vo biha entsendzeleni, va endla ntshungu, va pfilunganya muti; kutani va rhendzela yindlu ya Yasoni, va lava Pawulo na Silasi ku va yisa emahlweni ka tiko.

Matewu 27:18

Hikuva a a swi tiva leswaku va n'wi nyikete yena hi mona.

Yakobo 4:5

Xana mi ringanisa leswaku Matsalwa ma vula swahava xana? Moya lowu akeke eka hina, xana wu ni ku navela loku yisaka eku kalaleni xana?

Vagalatiya 5:21

ni makwanga, ni ku pyopyiwa, ni makolo, ni swilo leswo tano, leswi ndzi mi byelaka erivaleni, kukotisa leswi ndzi tshamaka ndzi mi byela leswaku, lava endlaka leswo tano, va nga ka va nga dyi ndzhaka ya ku fuma ka Xikwembu.

Varhoma 1:29

Va tele ku homboloka hinkwako, ni lunya, ni mona, ni vuciva, ni ku kanganyisa; va tele ku tshohoka, ni ku dlaya, ni ku kanetana, ni ku xisa, ni ku kucetela;

Matewu 23:13

“Kasi mi ni khombo n'wina vatsari ni Vafarisi, vamanyunyu, hikuva mi pfalela vanhu ku fuma ka matilo; kambe n'wina a mi ngheni kona kutani lava rhandzaka ku nghena a mi va pfumeleri ku nghena.

Eklesiasta 4:4

Kambe ndzi tsundzukile ntirho hinkwawo ni ntirho wihi ni wihi lowu nga ni vutlhari, kutani ndzi vonile leswaku munhu un'wana u ni mona eka un'wana. Na swona i swahava ni ku landza mheho.

Tinhlayo 11:29

Muxe a ku eka yena: “Xana u ni ritsimbo hikwalaho ka mina, xana? Mawako loko tiko hinkwaro ra Yehovha ri bvumbha ni loko Yehovha a veke moya wa yena ehenhla ka vona!”

Genesa 37:11

Kutani vamakwavo va n'wi xondzolota; kambe tata wakwe a anakanya timhaka teto, a ti hlayisa.

Esaya 26:11

Yehovha, voko ra wena ri ni matimba, kambe a va ri voni. Va ta vona ku hiseka ka wena loku u hisekelaka tiko ra wena hakona, kutani va ta va ni tingana. Ndzilo wu ta hisa lava nga valala eka wena.

Timhaka 13:50

Kambe Vayuda va hlohlotela vavasati lava chaviwaka, lava gandzelaka Xikwembu, ni vakulukumba va muti, kutani va pfuxela Pawulo na Barnaba ku xaniseka, kutani va va hlongola etikweni ra vona.

Timhaka 14:2

Kambe Vayuda lava nga pfumelangiki va pfuxa vamatiko leswaku timbilu ta vona ti ta karihela vamakwavo.

Timhaka 14:4

Kambe vanhu va muti va hambana: Van'wana va yimela Vayuda, van'wana va yimela vaapostola.

Timhaka 14:5

Kakuloko dzolonga ri pfuxiwa hi vamatiko, ni Vayuda, ni tindhuna ta vona ku va endla swo biha, ni ku va khandla,

Timhaka 14:19

Kutani ku fika Vayuda lava pfaka hi le Antiyoka na Ikoniya, va kucetela tiko, va khandla Pawulo hi maribye, kutani va n'wi kokela ehandle ka muti, va anakanya leswaku u file.

2 Vakorinto 11:26

ndzi ve tiendzweni leto tala; ndzi lave ku lova emilambyeni; ndzi lave ku lova exikarhi ka makhamba, ndzi lave ku lovisiwa hi varikwerhu; ndzi lave ku lovisiwa hi vamatiko; ndzi lave ku lova emitini; ndzi lave ku lova emananga; ndzi lave ku lova elwandle; ndzi lave ku lovisiwa hi vamakwavo va mavunwa,

2 Timotiya 3:11

ni le ku xanisekeni, ni le makhombyeni lama ndzi humeleleke eAntiyoka, ni le Ikoniya, ni le Listra; kunene ndzi rhwarile ku vaviseka loku, kutani Hosi yi ndzi lwele eka hinkwaswo.