Timhaka 13:43 - Xitsonga (Bibele)

⁴³ Kuteloko nhlengeletano yi hangalakile, Vayuda lavo tala, ni vaproselita lava tirhelaka Xikwembu, va landzela Pawulo na Barnaba; valavo loko va vulavula na vona, va va khongotela ku tiyisela etintswalweni ta Xikwembu.

BIBELE Mahungu Lamanene

⁴³ Kuteloko nhlengeletano yi hangalakile, Pawulo na Barnaba va landziwa hi Vayuda lavo tala ni vamatiko lavo tala va vukhongeri, lava amukeriweke eXiyudeni; vaapostola va vulavula na vona, va va khongotela ku tiyisela etintswalweni ta Xikwembu.

Testamente Leyimpsha Xichangana

⁴³ Kuteloko nhlengeletanu yihangalakile, Pawulo na Barnaba valandziwa hi Vayuda ni vamatiko lavanyingi vavukhongeli, lavayamukeliweke Xiyudeni; vapostola vavulavula na vona, vavakhongotela kutiyisela timpsalwini ta Xikwembu.

Timhaka 13:43 Referans Kwoze

Timhaka 11:23

Kuteloko a fikile, a vona tintswalo ta Xikwembu a tsaka; kutani a va khongotela hinkwavo ku tiyisela eka Hosi hi timbilu leti chivirikaka.

Timhaka 14:22

va tiyisa timbilu ta vadyondzisiwa, va va khongotela ku tiyisela eku pfumeleni, va ri karhi va va ringanisela leswaku hi fanele ku nghena eku fumeni ka Xikwembu hi maxangu layo tala.

2 Yohane 1:9

Un'wana ni un'wana la hambukaka la nga tiyiseriki edyondzweni ya Kriste, a nga na Xikwembu; la tiyiselaka edyondzweni ya Kriste, yena u na Tatana ni N'wana.

Vaheveru 13:9

Mi nga hambukisiwi hi tidyondzo leti hambaneke ta le handle; hikuva swi sasekile loko mbilu yi tiyisiwa hi tintswalo, ku nga ri hi swakudya leswi nga pfuniki nchumu eka lava swi tshembeke.

Vaheveru 12:15

mi tilangutela leswaku ku nga tshuki ku va na un'we la titsonaka tintswalo ta Xikwembu, rimitsu ro bava ri nga tshuki ri mi hlukela, ri mi pfilunganya, kutani lavo tala va onhaka ha rona.

Vakolosa 1:28

Hi yena yeloyi hi n'wi vulaka, hi ri karhi hi pfuxa vanhu hinkwavo, hi dyondzisa vanhu hinkwavo eku tlhariheni hinkwako, hi ta humelerisa vanhu hinkwavo va nga lava hetisekeke eka Kriste.

Vakolosa 1:23

loko kunene mi tiya emasungulweni ya ku pfumela, mi nga tsekatseki, mi nga cukumeti ku tshemba ka Evhangeli leyi mi yi tweke, yi nga yona leyi nga vuriwa eka swivumbiwa hinkwaswo swa le hansi ka tilo, yoleyo mina Pawulo ndzi endliweke nandza wa yona.

Vafilipiya 4:1

Hikwalaho, vamakwerhu lava rhandziwaka, lava naveriwaka ngopfu, lava mi nga ku tsaka ka mina, ni harhi ya mina, tiyiselani sweswo eHosini, varhandziwa.

Vafilipiya 3:16

Ntsena loko ku ri laha hi nga fika kona, ndzi ri: Fambani hi nawu wun'we ni ku anakanya kun'we.

Vaefesa 2:8

Hikuva mi hlayisekile hi tintswalo, hi ku pfumela, kutani leswo a swi humi ka n'wina, i ku nyika ka Xikwembu;

Vagalatiya 5:1

Yimani hakona, mi tiya eku tshunxekeni loku Kriste a nga hi tshunxa hakona, kutani mi nga tlheli mi tiveka ehansi ka mpingu wa vukhumbi.

2 Vakorinto 6:1

Sweswi, leswi hi tirhisanaka na Xikwembu, ha mi khongotela leswaku mi nga tshuki mi va lava amukeleke tintswalo ta Xikwembu mi ti endla swahava.

2 Vakorinto 5:11

Sweswi, hikwalaho ka ku tiva ku chavisa ka Hosi, hi khongotela vanhu ku pfumela; kutani hi tiviwa hi Xikwembu, kambe ndza tshemba leswaku ha tiviwa ni le timpfalweni ta n'wina.

Varhoma 11:6

Kambe loko ku ri hi tintswalo, a ka ha ri hi mitirho; hikuva loko ku ri hi mitirho, tintswalo a ti nga ha vi tintswalo.

Varhoma 5:21

swi va leswaku, kukotisa loko ku dyoha ku fumile hi rifu, tintswalo na tona ti fumisa sweswo hi ku lulama loku yisaka evutomini lebyi nga heriki, ha Yesu Kriste, Hosi ya hina.

Varhoma 5:2

a nga yena loyi hi kumeke ha yena hi ku pfumela, nkarhi wa ku tshinelela tintswalo leti hi yimeke ka tona, kutani hi tidzunisa eku languteleni ka ku kwetsima ka Xikwembu.

Varhoma 3:24

kutani va hlayiwa lava lulameke hi tintswalo ta Xikwembu hi ku nyikiwa, hi ku kutsula loku nga ka Yesu Kriste;

Timhaka 17:34

Kambe vavanuna van'wana va n'wi namarhela, va pfumela; exikarhi ka vona, un'wana a a ri Diyonisiyo wa Areyopago, ni wansati loyi va nge i Damarisi, va ri ni van'wana.

Timhaka 17:4

Kutani van'wana exikarhi ka vona va pfumela, va hlangana na Pawulo na Silasi, va ri ni vunyingi lebyikulu bya Vagriki lava gandzelaka Xikwembu, ni vavasati lavo tala lavakulu.

Timhaka 16:14

Kutani wansati un'wana loyi va nge i Lidiya, muxavisi wa xivunguvungu, wa muti wa Tiyatira, la chavaka Xikwembu, a tshama a yingisa; kutani Hosi yi pfula mbilu ya yena leswaku a twisisa timhaka leti Pawulo a ti vulaka.

Timhaka 14:3

Hambiswiritano, va xwa kona masiku layo tala, va vulavula va tshembile Hosi; kambe a yi ri karhi yi tiyisa rito ra tintswalo ta yona hi ku endla swikombiso ni masingita hi mavoko ya vona.

2 Petro 3:14

Hikwalaho, varhandziwa, loko mi langutela leswo, chivirikani leswaku mi ta kumiwa hi yena eku rhuleni, mi nga ri na xivati ni xisandzu.

1 Petro 5:12

Ndzi mi tsalele marito ma nga ri mangani ha Silvano loyi ndzi n'wi ringanisaka leswaku i makwerhu la tshembekeke, ndzi ri karhi ndzi mi khongotela, ni ku tiyisa vumbhoni leswaku tintswalo ta xiviri ta Xikwembu, hi toleto mi yimeke eka tona.

Vagalatiya 5:4

Mi hambene na Kriste, n'wina hinkwenu lava rhandzaka ku hlayiwa lava lulameke hi nawu; mi wile, a ma ha ri etintswalweni.

Timhaka 28:23

Kuteloko va n'wi vekele siku, va ta eka yena va telenyanile, endlwini leyi a tshameke eka yona. Kutani a va hlamusela ta ku fuma ka Xikwembu, a vula vumbhoni eka vona, a va khorwisa ta Yesu, hi le nawini wa Muxe ni le vaprofeteni, a sungula nimixo ku fikela nimadyambu.

Timhaka 17:17

Kutani a hlamulana esinagogeni ni Vayuda ni lava chavaka Xikwembu, a endlisa sweswo ni le hubyeni hi masiku hinkwawo ni lava a hlanganaka na vona.

Timhaka 13:50

Kambe Vayuda va hlohlotela vavasati lava chaviwaka, lava gandzelaka Xikwembu, ni vakulukumba va muti, kutani va pfuxela Pawulo na Barnaba ku xaniseka, kutani va va hlongola etikweni ra vona.

Timhaka 6:5

Makungu walawo ma tsakisa ntshungu hinkwawo; kutani va hlawula Stefano, wanuna la teleke ku pfumela ni Moya lowo Kwetsima, na Filipi, na Prokoro, na Nikanoro, na Timoni, na Parmena, na Nikolawo muproselita wa Antiyoka.

Timhaka 2:10

ni le Frigiya, na Pamfiliya, na Egipta, ni matlhelo ya Libiya la nga ekusuhi na Kirene; ni lava luveleke eRhoma, Vayuda ni vaproselita,

Matewu 23:15

“Mi ni khombo n'wina, vatsari ni Vafarisi, vamanyunyu, hikuva mi fambafamba hi malwandle ni laha ku omeke ku endla mudyondzisiwa a ri un'we; kuteloko mi n'wi kumile, mi n'wi endla n'wana wa tihele kambirhi ku tlurisa n'wina.

1 Yohane 2:28

Kutani sweswi, vana, tshamani eka yena, leswaku siku a humelelaka, hi ta va ni ku tshemba loku tiyeke, hi nga tshuki hi khomiwa hi tingana emahlweni ka yena, eku humeleleni ka yena.

Tito 2:11

Hikuva tintswalo ta Xikwembu, leti nga hlayisaka vanhu hinkwavo, ti vonakarile,

Timhaka 18:7

Kuteloko a humile kona, a nghena endlwini ya munhu un'wana loyi va nge i Yusto, la chavaka Xikwembu, loyi yindlu ya yena yi lungamaneke ni sinagoga.